Danayeli sɛ́wɔ 5:13 - LAWA A BOO SONBORE 2011

¹³ A din bǎã-n gɔrɔ, ǹ nə́ Danayeli kũ, ǹ nə́ woo ne kii li. Kii lɛ tɔ́n nɔ̀n da la: «N din lɛ tɔ n Danayeli, kun ka Zudaa gána minin kɛn nɛn nə́ ǹ goa, maa díi kii lɛ bɔ ǹ nɛ Zudaa gána nɛ?

Danayeli sɛ́wɔ 5:13 ပူးပေါင်းရင်းမြစ်များ

Ɛsidrasi 10:16

Sɛnɛ, goawolen lɛn nə́ sii lɛ zɛnaa, ka a goã á n da lɔn. Ǹ nə́ Lawa a wúlu-bɔle Ɛsidrasi yii gɔgɔɔ̃, ǹ nə́ kɛdɛnan dɔn yii gɔgɔɔ̃ á kɔnpɛ ka ǹ dikionən ne, ǹ nə́ ǹ tɔn goa. Lɛ̀ a mui fùbaa ǹ wɔ a giala kɔ pinaa, ǹ nə́ kaa tán ǹ nə́ boo lɛ da.

Ɛsidrasi 10:7

Ǹ nə́ lɛ dia Zudaa laanka Zeruzalɛmu kiwi, mà goa wolen lɛn tumaa nə n sɔkɔn Zeruzalɛmu.

Ɛsidrasi 4:1

Zudaa tɔrɔn laanka Bɛnzamɛn tɔrɔn zɔ́ɔn bɛ́, ǹ nə́ ma, mà bɔ bɛ̀rɛbaa ǹ bǎã wolen lɛn tá a gialaa guguru kɔ ǹ kion doe koe Izirayeli a Lawa, Dɛnaa Lawa la,

Ɛsidrasi 6:16

Izirayeli minin lɛn nɛ, Lawa a wúlu-bɔlen ne, *Levii tɔrɔn nɛ, ka min gialakunun mɛnɛn nə bɔ bɛ̀rɛbaa ǹ bǎã nɛ ǹ nə́ daa, ǹ nə́ kion lɛ kɔ Lawa la ka nyɛnyɛɛ nɛ.

Danayeli sɛ́wɔ 1:1

Zudaa tɔrɔn kii Zozakimu a kiibaa lɛ̀ sɔɔbaa ǹ wɔ, *Baabilonii gána a kii Nebukadenezɔɔrɔ daa kɔ Zeruzalɛmu lɛ.

Danayeli sɛ́wɔ 1:2

Dɛnaa Zudaa tɔrɔn kii Zozakimu wɔ a gɔn kɔnlɛ ka Lawa a kion kɛ a dí nya ǹ mànan tɛnɛn nɛ. Nebukadenezɔɔrɔ daa ǹ nɛ Baabilonii gána nɛ, á mànan lɛn kaa a dì kion, a dì lɛ gɔn mànan tamaa ǹ bǎã nɛ.

Danayeli sɛ́wɔ 1:21

Bɛ lɛ nɛ Danayeli goã walan, yǎa kii Siirusu a pàã saa lɛ̀ bibinaa li.

Danayeli sɛ́wɔ 1:6

Ǹ min mɛnɛn bɔ, Zudaa minin kɔnɔn nə́ goã ǹ bii: Danayeli ni, Anania nɛ, Mikayeli ni ka Azaria nɛ.

Danayeli sɛ́wɔ 2:25

Ariɔki nə́ n nanaa, á woo Danayeli koa kii li, á pɛ nɛ: «Dɛnaagiĩ, ǹ Zudaa tɔrɔn mɛnɛn goa ǹ nə́ daa ǹ nɛ, masɛ giĩ goon yɛ ǹ bii, bɛ á re n narɛɛ lɛ a binyəə piin ni.»

Danayeli sɛ́wɔ 2:48

Bɛ kio, kii lɛ golebaa kɔ Danayeli la, á gɔ ka màn sonbore gigiã nɛ. Á koa Baabilonii bǎã tumaa a gánadɛnaa lɛa, á koa doɛ̃-wɔlen kɛn tumaa dɔ a nyɛɛnaandɛnaa gole lɛa.

Danayeli sɛ́wɔ 5:11

Giĩ goon tá n gána lɛ nɛ, lawa sonboren kɛn yiri tá a lon. N di a kiibaa biikoo li, ǹ nə́ dɔ̃ mà bɛa giĩ lɛ yii á buĩ ni, á sii giala miɛ, sii-doɛ̃ tá a lon ka lawan kɛn wɔ bɛ́ lɔn. Bɛ lɛ na á toa ǹ di Nebukadenezɔɔrɔ koa nyɛɛnaandɛnaa lɛa kɔ́lɔnbaali ni, wɔ-kũlin ni, doɛ̃-wɔlen mii la ka bòon ne.

Danayeli sɛ́wɔ 5:14

Má ma n wɔ paǹ li, máa lawan kɛn yiri tá n lon, n yii á bui ni, n ta sii giala miɛ, sii-doɛ̃ nə n lon taãn-taãnɛ.

Danayeli sɛ́wɔ 5:18

Kii, Lawa mɛn bɛ́ lon sɔsɔɔ, á goã á kiibaa kɔ ǹ di Nebukadenezɔɔrɔ la, golebaa nɛ, ka gugurubaa laanka zín ni.

Danayeli sɛ́wɔ 5:2

Ǹ di Nebukadenezɔɔrɔ goã á sana laanka wɔrɔ mànan goa Lawa kion Zeruzalɛmu á daa ǹ nɛ. A bɛ́ duvɛ̃ lɛ mii, á minin dia, mà ǹ wo bɛa mànan lɛn goa, ǹ da ǹ nɛ. A na á goã giɛ li a duvɛ̃ kaa bɛn lɛn nɛ, a mi kun ka a kiodɛnaa dadaran lɛn nɛ, a gòã li ǹ lɔn nɛ, ka a lɔ kɔsɔn dɔn nɛ.

Danayeli sɛ́wɔ 6:13

Ǹ nə́ wusoo ǹ nə́ woo dɔ kii li, ǹ nə́ pɛ nɛ landa lɛ wɔ paǹ li: «Kii, táa n din ni nə gɔn bǎã da landa sɛ́wɔ lɛ nɛ, ǹ mɛn lɛ á ke pii kɛnɛn: A saa pelo ganaa, a wo dɔ lɛawaa pɔsɔɔ, bɛ̀ min mɛn kii din toa walan á lawa kɔsɔ hinlaa minbuiin nɛ nyankɔ, ǹ die ǹ bɛa dɛnaa kũ ǹ zũ yàran yala kɛ nɛ. N din bie ń pɛ miɛ̃ wa?» Kii tɔ́n nə ǹ lɛ si á pɛ: «Sii lɛ n miɛ̃, a kɔnpɛ ka Mɛdi minin laanka Pɛrsi minin landa nɛ, sàabaa ná a ba la wa.»

Danayeli sɛ́wɔ 8:1

Bɛltazaara a kiibaa lɛ̀ sɔɔbaa ǹ wɔ, masɛ Danayeli sii kɔsɔ yɛ doo, bibinaa wɔ kɛ lɛ a yɛ kio.

Danayeli sɛ́wɔ 8:27

Bɛa biikoo li, masɛ Danayeli gù gã ma din-a, má busu kɔ lɛawaa paa. Ma bɛ́ má yoo, má wusoo má woo kii a dí nya. Bɛa sii-yɛ kɛ lɛ masɛ yiri lɔlɔkɔn parsiini. Sɛnɛ, min kɔ́n goã maa yiri lɔlɔkɔn lɛ mìi doɛ̃ wa.

Zaã a sɛ́wɔ 7:1

Bɛ kio, Yezu goã n bibiĩ Galilee gána nɛ. Bibiə̃ Zudee gána-n goã kɔɔ̃n a ganaa wa, a giala, Zuifun pàãdɛnan man nə́ goã giɛ li mà ǹ dɛ.

Zaã a sɛ́wɔ 7:3

Yezu ǹ dɔɔ̃nɔn nə́ tɔ́n pɛ nɛ: N ba boe la n goã kànaa wa. N ta Zudee gána nɛ, màn mɛn bɛ́ toɛ, n kialandɛnan lɛn dɔn nə boo la, ǹ nə n siin lɛn yɛ.