Danayeli sɛ́wɔ 5:12 - LAWA A BOO SONBORE 2011

¹² A giala, ǹ nə́ yɛ mà yiri tá bɛa Danayeli lɛ lon á la yii ni. Màn-doɛ̃ laanka sii giala ma tá a lon, á boe la a narɛɛn giala pɛ, a sii-duriin nyaa, a sii kakan yɔrɔ bɔ. Bɛa Danayeli kɛ lɛ, kii Bɛlsazaarabaa wɔ a ganaa, ka bɛ lɛ bíi a da sisia. Sɛ́wɔ-kiɛ̃ lɛ bɛ́ sii mɛn giala pii, á re bɛ nyɛɛ ka nɛ.»

Danayeli sɛ́wɔ 5:12 ပူးပေါင်းရင်းမြစ်များ

Loen 16:3

Dì mànan tá gána lɛ gɔ́ɔ̃ nɛ, bɛa màn pàãdɛnan lɛn nə́ goã kɔɔ̃n ma ganaa parsiini.

Suusun 12:26

Sii sonbore-zɛnaalin man nyɛɛnaan-bɔle sonboren lɛa. Sɛnɛ sii baraa-zɛnaalin man siɛ̃ ǹ zii ganaa.

Suusun 17:27

Min mɛn bɛ́ boe a din la boo diɛ gɔ́ɔ̃ nɛ, a na a doɛ̃ nyɛɛ. Min mɛn bɛ́ boe n foo kũ la, yiridɛnaa nɛ.

Ezekieli 28:3

Á ke, n tá sii doɛ̃ ń la Danieli ni. Sii-durii kɔn banban, mà n nə n ba bɛ doɛ̃ wa.

Danayeli sɛ́wɔ 1:17

Bɛa nɛgininin kɛn lɛn, Lawa doɛ̃ kɔ ǹ dinin min sii la, á sɛ́wɔ dɔ̃ ǹ yiri kɔ ǹ la, ka sii-doɛ̃ nɛ. Danayeli lɛ sɛ na á goã sii-nyaan tumaa laanka narɛɛn dɔn giala doɛ̃ a tá ǹ pii.

Danayeli sɛ́wɔ 1:7

Dí-nyalin goledɛnaa lɛ tɔ kɔsɔn wɔ ǹ ganaa: á Danayeli bíi Bɛlsazaara, á Anania bíi Sadraki, á Mikayeli bíi Mesaki, á Azaria bíi Abɛdi-Negoo.

Danayeli sɛ́wɔ 2:26

Danayeli lɛ, ǹ nə́ bii Bɛlsazaara, kii lɛ nɔ̀n da bɛ la kɛnɛn: «Masɛ narɛɛ mɛn wɔ, n tá boe la n bɛ pɛ ma nɛ, n na a binyəə dɔ pɛ ma nɛ sonbore?»

Danayeli sɛ́wɔ 4:19

Kii, bɛa da kɛ lɛ, n din ni! A giala, n dɔ nə n gole kɔ, ń pàã yɛ ka da kɛ lɛ bɛ́ lɔn. N golebaa lɛ nə́ n da wɔlɔ la, á woo yǎa lon, n goledɛnaabaa lɛ woo yǎa kanaa paǹ tumaa ganaa.

Danayeli sɛ́wɔ 4:8

Da lɛ gole kɔ, á gegere kɔ, a sasabaa woo yǎa lon a labaran ganaa, ta min nə kanaa lɛ gùrù mɛn-a, a yii na a ganaa.

Danayeli sɛ́wɔ 5:14

Má ma n wɔ paǹ li, máa lawan kɛn yiri tá n lon, n yii á bui ni, n ta sii giala miɛ, sii-doɛ̃ nə n lon taãn-taãnɛ.

Danayeli sɛ́wɔ 5:16

Má ma, mà n tá boe la n sii-duriin giala pɛ, n sii kakan yɔrɔ bɔ. Bɛ lɛ nɛ, bɛ̀ ń boo la ń sɛ́wɔ-kiɛ̃ kɛ pɛ, ń ná a giala dɔ pɛ masɛ nɛ, kii dɔnkɛ á re n we n ganaa, sana nə n da n bɔlɔ-a nyaǹ lɛa. Goledɛnaa paa mɛn bɛ́ gána lɛ a sii mìi la, n tá re bɛn sɔɔbaa ǹ wɔ biɛ.»

Danayeli sɛ́wɔ 6:3

Á goledɛnaa dadara sɔɔ koa ǹ mìi la, màn mɛn bɛ́ toɛ, gánadɛnaa dadaran lɛn nə ǹ dí yɔrɔ pɛ bɛn manɛ, sii kɔn dɔ baran n zɛnaa kii laadoo ziziɛ̃ ǹ sii lɛa wa. Bɛa min sɔɔ kɛ lɛ a goon nə ka Danayeli ni.

Danayeli sɛ́wɔ 6:4

Sɛnɛ, Danayeli sɛ la min paa kɛ lɛ laanka gánadɛnaa dadaran lɛn manɛ. A giala, yiri goã a lon á la yii ni. Bɛ lɛ nɛ, a n kii lɛ din gɔ́ɔ̃ nɛ, mà asɛ koa gána lɛ tumaa mìi la.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.