A zaman lɛ yiri gisĩ ka lɛlɛ ǹ nɛ, biikoo mɛn bɛ́ Muizu goã kunun ǹ ni: «Min mɛn yìsi mu kuru ka a zaman nɛ kɔnlɛ ka ǹ tɔɔn laanka ǹ lɛduə̃lin ni, ǹ dɛnaa n maa? Min mɛn na a Yiri sonbore gisĩ ǹ la, bɛa dɛnaa n maa?
Ka boo kɛ pɛ tɔrɔn tumaa nɛ, ka a boo da ka sii a kɔnboen ne, ka a boo da, ka nyan màn kɔn duru wa. Ka pɛ: Ǹ nə́ Baabilonii kũ! A dìn kɛn wɔ n ka sìi ni, a dì kooron kɛn wɔ n ka foo ziziɛ̃ gole ne. Sìi nə́ n kɔ Bɛɛli lɛ, Marduku foo ziziɛ̃ duduu.
Man die zumi Izirayeli a kele sasa kɛ goon mìi ni. Á re gùrùn boe a nɛ kɔ, á re da kaka biɛ gole gole. Bàan tɔrɔ tumaa á re kiɛ la, ǹ tá re ǹ kii doe a gùrùn la.
Kii bɛ́ nɔ̀n diɛ ka sii mɛn nɛ, á kaka á la yii ni. Bɛa dɛnaa din banban, a boo la a kɛ pɛ kii-n wa, bɛ̀ á n bɔ lawan kɛn nɛ, ǹsɛn mɛnɛn bɛ́ ǹ ba giã-n minbuiinin bii wa.»
Kii Nebukadenezɔɔrɔ tɔ́n nɔ̀n da ǹ la kɛnɛn: «Sadraki, Mesaki ka Abɛdi-Negoo, ka n ka n piã, mà ka a dí nyɛɛ masɛ a lawan man wa, ma sana màn nyin mɛn doa tán, mà ka a bɛ dɔ guguru koe wa, taãn nɛ sonbore?
Da lɛ a luu na á goã siĩni, á goã nɛ koe giãgiã, màn-bii goã yii la min tumaa wɔ lɛa. Don mànan man nə́ goã giɛ̃ a wúlu li, bàanan man nə́ goã ǹ kii doe a gùrùn ganaa, màn tumaa a màn-bii na á goã boe a din lɛ nɛ.