Danayeli sɛ́wɔ 4:7 - LAWA A BOO SONBORE 2011

⁷ Ma bɛ́ waa nɛ, ma màn mɛn yɛ, bɛ n ka kɛ nɛ: Máa man giɛ bɛ̀ da goon nə́ ke kanaa lɛ bii, da lɛ a sasabaa miã banban.

Danayeli sɛ́wɔ 4:7 ပူးပေါင်းရင်းမြစ်များ

Siin Giala 41:24

Belee san bɛbɛnɛɛn lɛn ná a sonbore dadaran lɛn mui. Má pɛ kɔlɔn-baalin ni, sɛnɛ, min kɔ́n boo la, a ná a binyəə pɛ ma-n wa.»

Siin Giala 41:8

A lɛawaa baayɛlɛ, a yiri bɛ́ lɔloɛkɔn, á minin dia, mà ǹ wo Eziptin kɔ́lɔnbaalin tumaa bíi, ka ǹ sii-dɔ̃lin tumaa nɛ, mà ǹ daa. Ǹ bɛ́ ǹ nə́ daa, a ná a narɛɛn lɛn pɛ ǹ nɛ, sɛnɛ, min kɔ́n boo la, á ǹ giala pɛ-n wa.

Loen 37:35

Má min baraa yɛ a din a kakabaa nyɛɛ. N din nyɛɛ lon ka woren ka da gole kɔn nɛ.

Izayii 44:25

Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.

Ezekieli 31:3

Á ke Asiirii na á goã ka Liban da kaka kɛ bɛ́ lɔn, A gùrùn nə́ siĩni, luu lɛa ka kɛkɛ, a wúlu ná a tan. A na á goã sasa taãn-taãnɛ, a mìi la woo n doa labaran ganaa.

Danayeli sɛ́wɔ 1:4

Wɔ̀lɔ̀ kɔn doamaa bie a goã bɛa nɛgininin lɛn ganaa wa. Ǹ yɔrɔ doamaa nɛ a goã siĩni. Sii-doɛ̃ doamaa nɛ a goã ǹ lon sii tumaa wɔ paǹ li, yiri nə́ ǹ lon, ǹ nə́ sii a woo ǹ bǎã doɛ̃, ǹ nə́ die boe la ǹ kii a kion dí nya. Ka tá re bɛa nɛgininin lɛn darɛɛ Baabiloniin bɔlɔ laanka ǹ sɛ́wɔ kiɛ̃ ǹ gɔn ganaa.

Danayeli sɛ́wɔ 2:10

Doɛ̃-wɔlen lɛn nə́ tɔ́n kii lɛ si, ǹ nə́ pɛ a yii ni: «Min kɔn din banban kanaa kɛ nɛ, a boo la a kii a sii kɛ lɛ pɛ-n wa. Kii kɔn dɔ bin sii kɛ miã da kɔ́lɔnbaali hinlaa wɔ-kũli, hinlaa doɛ̃-wɔle kɔn mìi-n duduu wa. Haalɛ ta kii lɛ din nə gole lɔn, pàã ná a lon.

Danayeli sɛ́wɔ 2:27

Danayeli tɔ́n kii lɛ si á pɛ kɛnɛn: «Kii, n bɛ́ nɔ̀n diɛ ka sii-durii mɛn nɛ, sii-dɔ̃lin ni, bòon ne, wɔ-kũlin ni ka doɛ̃-wɔlen ne, ǹ kɔn ba boe la a kɛ yɛ apɛ n nɛ wa.

Danayeli sɛ́wɔ 2:7

A paabaa ǹ wɔ doo, ǹ nə́ wusoo ǹ nə́ kii lɛ si ǹ nə́ pɛ: «Kii, n narɛɛ lɛ pɛ wɔsɛn manɛ, wɔ á re a binyəə koe.»

Danayeli sɛ́wɔ 3:8

Bɛ gɔ́ɔ̃ nɛ, Baabilonii minin kɔnɔn nə́ kiɛ̃ a din bǎã-n gɔrɔ, ǹ nə́ daa Zuifun lɛn biɛ kɔ kii ni.

Danayeli sɛ́wɔ 4:18

A luu na á goã siĩni, a nɛ n gigiã, min tumaa goã màn-bii yii la. Don mànan man nə́ goã n susui a wúlu li, bàanan nə́ goã ǹ kii doe a gùrùn la.

Danayeli sɛ́wɔ 5:7

Á tɔ́n nə n lɛ dɛ kɔsɛkɔsɛ, mà ǹ lɛ dia sii-dɔ̃lin la ǹ daa, ka kɔ́lɔnbaalin ni, doɛ̃-wɔlen laanka wɔ-kũlin ni. *Baabilonii gána a sii-dɔ̃lin lɛn bɛ́ ǹ nə́ daa, kii lɛ pɛ ǹ nɛ kɛnɛn: «Bɛ̀ min mɛn boo la á sɛ́wɔ-kiɛ̃ kɛ lɛ pɛ, a ná a giala dɔ pɛ masɛ nɛ, masɛ á re kii dɔnkɛ we a ganaa, ma sana gii da a bɔlɔ-a nyaǹ lɛa. Goledɛnaa paa mɛn bɛ́ gána lɛ a sii mìi la, bɛa dɛnaa n die goɛ̃ a sɔɔbaa ǹ wɔ lɛa.»

Danayeli sɛ́wɔ 5:8

Kii a sii-dɔ̃lin lɛn tumaa daa ǹ nə́ kaa kion. Sɛnɛ, ǹ kɔn boo la á sɛ́wɔ-kiɛ̃ lɛ pɛ doɛ̃ wa, ǹ kɔn na a giala yɛ á pɛ kii-n wa.