Danayeli sɛ́wɔ 4:34 - LAWA A BOO SONBORE 2011

³⁴ Bɛ lɛ na á toa, masɛ Nebukadenezɔɔrɔ á lon a Kii lɛ tɔ boe sisia, ma na a tɔ siɛ lon, man gugurubaa diɛ a tɔ la. A giala, a nya ǹ dí tumaa n siĩni, a zɛnaa ǹ sii tumaa n pepere. Min mɛnɛn bɛ́ din gole kɔ ǹ sii zɛnɛɛ, pàã tá a lon a bɛn gisĩ.

Danayeli sɛ́wɔ 4:34 ပူးပေါင်းရင်းမြစ်များ

Samayeli2 22:31

Lawa din a zii lɛ n pepere, bɛ̀ Dɛnaa Lawa boo mɛn da a n goɛ̃ bɛ-a. A n ka goóro bɛ́ lɔn, min mɛn tumaa bɛ́ kiɛ a yele, a n bɛn tamaɛ.

KZS1 29:10

Davida barka da Dɛnaa Lawa nɛ zaman tumaa yɔrɔ-a, a n pii kɛnɛn: «Gugurubaa nə wɔ lɛa, biikoo yii tumaa li yǎa duduu, Dɛnaa Lawa, Izirayeli a Lawa, wɔa Lawa!

KZS1 29:13

Kanna kəni wɔa Lawa, wɔ n barka diɛ n nɛ, wɔ nə n tɔ sonbore kɛ boe ka loe ne.

Zɔbu 1:21

«Ma gɔn kooro na á daa, ma gɔn kooro n die woe. Dɛnaa Lawa din na á kɔ, Dɛnaa Lawa din na á si. Dɛnaa Lawa din tɔ nə n saa lon.»

Loen 10:16

Dɛnaa Lawa n kii lɛa yǎa duduu. Á Lawa doɛ̃baã wolen loo á ǹ bɔ a gána nɛ.

Loen 102:24

Dɛnaa Lawa na á ma toa zii lɛ bii, á ma pàã nya, á ma nyin biɛ kunun kɔ.

Loen 107:15

Dɛnaa Lawa a kɔn-narɛɛ á gole, ka barka da-n bɛa lɛa. A bɛ́ kaãbaa ǹ siin mɛnɛn zɛnɛɛ minbuiin nɛn manɛ, ka barka da-n bɛa lɛa.

Loen 107:22

Ka barka da ǹ wúlu mànan kɔ Lawa la. Ka foo kɔɔ̃nbaa ǹ loe lɔ, ka a nya ǹ dín kɛn laakalaa nɛ.

Loen 107:31

Dɛnaa Lawa a kɔn-narɛɛ á gole, ka barka da-n bɛa lɛa. A bɛ́ kaãbaa ǹ siin mɛnɛn zɛnɛɛ minbuiin nɛn manɛ, ka barka da-n bɛa lɛa.

Loen 107:8

Dɛnaa Lawa a kɔn-narɛɛ á gole, ka barka da-n bɛa lɛa. A bɛ́ kaãbaa ǹ siin mɛnɛn zɛnɛɛ minbuiin nɛn manɛ, ka barka da-n bɛa lɛa.

Loen 111:7

A nya ǹ dín lɛn man taãnɛ, ǹ nə́ pepere. A dí-pɛn kɛn kɔn ba n bɔyɛɛ wa.

Loen 121:1

Wo Zeruzalɛmu loe. Ma nə n yii siɛ ma á giɛ kelen kɛn ganaa: Maa dɔmalɛ n die boe maa?

Loen 123:1

Wo Zeruzalɛmu loe. Man ma yɔrɔ diɛ n din la, Dɛnaa Lawa, nsɛ mɛn bɛ́ giã-n lon kii lɛa.

Loen 145:13

N kiibaa lɛ a nyɛɛ wa, a na a tan yǎa duduu. N pàã lɛ n goɛ̃ yǎa duduu. Lawa n bɔlɔgoondɛnaa lɛa a da ǹ boo tumaa gɔ́ɔ̃ nɛ, a zɛnaa ǹ sii tumaa n siĩni.

Loen 146:10

Dɛnaa *Lawa a kiibaa ba nyɛɛ wa. *Siɔn kele minin lɛn, a n kaa Lawa lɛa yǎa duduu. Aleluya, ka Dɛnaa Lawa tɔ bɔ! bb

Loen 50:14

Barka da Lawa nɛ ǹ wúlu màn lɛa, n nə n lɛ kɔ lon a Lawa la ka màn mɛn nɛ, bɛ zɛnaa.

Loen 66:7

A din nə kiibaa la ka pàã gole ne yǎa duduu. A n giɛ tɔrɔ kɔsɔn kɛn gɔn li, ń giɛ, a bɔlɔ-tiilin kɛn baran n dinin gole kɔ wa. Doa

Loen 7:17

A din a sii baraa n die kuĩ a din mìi ni. A din a kakaarɛbaa ǹ sii n die yui a din nyanlɛ-a.

Loen 9:2

Dɛnaa Lawa, ma á re barka diɛ n nɛ, ka ma foo tumaa nɛ, ma á re n kaãbaa ǹ siin lɛn tumaa kalɛɛ.

Loen 92:1

Loe mɛn bɛ́ n loe *susu ǹ pii li. Loe ne.

Izayii 13:11

Dɛnaa Lawa pɛ: «Man die dɔlɔ boe kanaa ganaa a baraabaa kɛa lɛa, ma dɔlɔ bɔ min baraan ganaa ǹ gɛ̀ dɛ a lɛa. Din koa wolen dankarabaa ke, ma á re bɛ papaɛ̃, ma pàã-zɛnaalin din gole kɔ kɛ nya.

Izayii 2:11

Min mɛnɛn yii bɛ́ lon bɛn tá re n mìi zumii. Min mɛnɛn bɛ́ n dinin gole koe, sìi á re bɛn kuĩ. Bɛa pinaa kɛ nɛ, Dɛnaa Lawa dinsɔɔ̃ n die tɔ goleebaa yii.

Izayii 24:15

Lɛ̀giala gánan nɛ, ka Dɛnaa Lawa guguru kɔ. Gánan mɛnɛn bɛ́ yìsi mu nə́ ǹ da bii, ka Dɛnaa Lawa, Izirayeli a Lawa tɔ bɔ.

Zeremii 10:10

Sɛnɛ, Dɛnaa Lawa n Lawa taãn lɛa. Lawa Yiikoonaa nɛ. A n kii lɛa yǎa duduu. Bɛ̀ a foo yoo, tán nə bìn diɛ. Tɔrɔn ba boe sii kɔn la ǹ zɛnaa a foo-yoo gɔ́ɔ̃-n wa.

Busii pɛ 3:38

Lon a Lawa a boo bie die ka sii tumaa-n wa? Koe ne ka là nyantoro ne.

Danayeli sɛ́wɔ 12:7

Bɛa biikoo li, giĩ mɛn lɛ goã golee-n tà mu lɛ lalan, ka mɔnaa gole ná a ganaa, bɛ nə́ n gusin a gɔn laanka a gɔsɛ a gɔn dia lon, Lawa mɛn bɛ́ a tan yǎa duduu, á n liɛ ka bɛ tɔ nɛ: Siin kɛn lɛn manə ǹ tan, yǎa lɛ̀ sɔɔ ka talɛɛ. Bɛ̀ Lawa a minin lɛn pàã nya lenlen ǹ mɛn waáraa, bɛa siin lɛn tumaa á re nyɛɛ.

Danayeli sɛ́wɔ 2:44

Bɛa kiin kɛn lɛn wasa nɛ, lon a Lawa á re kiibaa lɛ kɔn koɛ, bɛ ná a re ziziɛ̃ duduu wa. Bɛa kiibaa lɛ dɔ á re n sii a n kɔ tɔrɔ kɔsɔ la wa. Bɛ lɛ n die kiibaa gialakun kɛ tumaa yɔyɔrɛ, a ǹ ziziɛ̃ lenlen, sɛnɛ, a din nə die goɛ̃ yàa duduu.

Danayeli sɛ́wɔ 4:2

Ǹ kɔn pinaa tèlò-n, ma bɛ́ nyuù ni, má narɛɛ kɔn wɔ, á nyɛ́ɛ da ma ganaa parsiini. Ma siin mɛnɛn yɛ, ǹ nə́ ma yiri lɔlɔkɔn parsiini.

Danayeli sɛ́wɔ 4:26

Lɛ̀ goon, boo lɛ a diɛ kio, ǹ kɔn pinaa, a na á goã n gòãn boboe kɔn a kii kion kɛ a kala la Baabilonii gána nɛ.

Danayeli sɛ́wɔ 4:3

Má tɔ́n pɛ máa ǹ *Baabilonii gána a doɛ̃-wɔlen tumaa sɔkɔn maa piɛ, màn mɛn bɛ́ toɛ, ǹ ma a narɛɛ lɛ a binyəə pɛ ma nɛ.

Danayeli sɛ́wɔ 4:32

Kanaa minin tumaa ba màn kɔn lɛa a yɔrɔ-a wa. A din foo sii nə n zɛnɛɛ, lon a dia dí-a wolen laanka kanaa minin wɔ paǹ li. Min kɔn banban, bɛ boo la a na a gɔn kũ, a pɛ nɛ: «Wàa mɛn sii n ka kɛ nɛ n tá zɛnɛɛ?»

Danayeli sɛ́wɔ 5:18

Kii, Lawa mɛn bɛ́ lon sɔsɔɔ, á goã á kiibaa kɔ ǹ di Nebukadenezɔɔrɔ la, golebaa nɛ, ka gugurubaa laanka zín ni.

Danayeli sɛ́wɔ 5:21

Ǹ nə́ loo ǹ nə́ bɔ minbuiinin bii. A taasiɛ nə́ n bɔyaa á n baa ka tɔɔn wɔ bɛ́ lɔn. A na á goã kun ka don dundunun ni, buu soɛ̃ ka dii wɔ bɛ́ lɔn, pele goã piɛ̃ a ganaa. A na á goã bɛ lɛ gɔ́ɔ̃-n miɛ̃, yǎa a bɛ́ á dɔ̃ ǹ mɛn pinaa, mà lon a Lawa n minbuiinin kiibaa mìi la, mà a bɛ́ li a kɔ min mɛn la, mà a n koe bɛa dɛnaa la.

Danayeli sɛ́wɔ 6:26

Bɛ kio kəni, kii tɔ́n sɛ́wɔ kiɛ̃ á dia kanaa paǹ tumaa nɛ, tɔrɔ tumaa a minin la, gána tumaa a minin ni, ka bɔlɔ woo bɔlɔ a pɛlen ne, á pɛ kɛnɛn: «Là nyantoro gole die a giã ka li!

Danayeli sɛ́wɔ 7:14

Goledɛnaabaa nə́ n kɔ la, gugurubaa nɛ, ka kiibaa nɛ. Tɔrɔ tumaa a minin ni, gána tumaa wɔn nɛ, ka bɔlɔ woo bɔlɔ a pɛlen ne, bɛn man nə́ goã dí nyɛɛ nɛ. A goledɛnaabaa ke, bɛ na a tan yǎa duduu, a re nyɛɛ wa, a kiibaa kɛ a re ziziɛ̃ duduu wa.

Danayeli sɛ́wɔ 7:27

Bɛa biikoo li, kiibaa mɛn tumaa á ke bǎã woo bǎã nɛ kanaa kɛ gɔ́ɔ̃ nɛ, bɛn tá re n koe lon a Lawa gole a minin lɛn la. Ǹsɛn kiibaa lɛ na a tan yǎa duduu, goledɛnan tumaa á re dí nyɛɛ ǹ nɛ, ǹ nə ǹ bɔlɔ si.»

Danayeli sɛ́wɔ 9:14

Bɛ lɛ nɛ, Dɛnaa Lawa, ń koa li miɛ̃, ń bɛa sii baraa kɛ lɛ da wɔ mìi ni. A giala, Dɛnaa Lawa, wɔa Lawa, n zɛnaa ǹ sii tumaa n pepere. Wɔ dinin man wɔ n too kɔ n lon wa.

Zonaasi 1:14

Ǹ nə́ n lɛ dɛ Dɛnaa Lawa ganaa ǹ nə́ pɛ: «E Dɛnaa Lawa, n nyan toa wɔsɛn nə bɔ̀n baa wa. N baran giĩ zɛrɛdɛnaa kɛa gɛ̀ dɔlɔ da wɔsɛn mìi-n wa. A giala, bɛ̀ sii mɛn kɔɔ̃n kɔ n din ganaa, n nə n bɛ zɛnɛɛ.»

Misee 4:7

Wɔ̀lɔ̀ goã ǹ mɛnɛn lɛn ganaa, ma á re bɛn toɛ maa zaman lɛ tɔrɔ lɛa. Ǹ nə ǹ mɛnɛn lɛn loo, ǹ nə́ woo ǹ ne sɔsɔɔ, ma á re ǹ soekɔn, ma ǹ baa gána pàãdɛnaa lɛa. Dɛnaa Lawa din tá re goɛ̃ ǹ kii lɛa, Siɔn kele kɛ la, a kũ bɛa pinaa lɛ ganaa, yǎa duduu.

Luku 1:33

A n die giɛ̃ Izirayeli tɔrɔ minin mìi la yǎa duduu, a kiibaa a re nyɛɛ wa.»

Luku 18:13

Wusuru-sili lɛ sɛ na á goã golee ne tiãlɛa, a yii din ba we á n mìi siɛ lon wa. Sɛnɛ, a na á goã n foo bii dii, a nə́ n lala diɛ bɛ̀ á n pii: «Lawa, makara bɔ masɛ-a, masɛ n sii baraa-zɛnaali lɛa.»

Zaã a sɛ́wɔ 5:26

A giala, Díi bɛ́ boe la a yiikoonaabaa kɔ min la lɔn, a ná a kɔ min la ǹ pàã kɔ Nɛgiĩ dɔ la miɛ̃.

Timəə dí-pɛn 32:4

A din nə wɔ tamaɛ, a sii tumaa lɛ n piɛ̃ nɛ. A n sii tumaa siɛ a zii li, Lawa bɔlɔgoondɛnaa nɛ, kɔkɔrɔbaa ba a li wa, a n pepere, telee ne.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Sii-nyaan 10:6

á n liɛ ka Lawa nɛ, Lawa mɛn bɛ́ a yii n koo baraabaraa yǎa duduu, lon mànan ka tán mànan laanka yìsi mu li ǹ mànan-zɛnaali lɛa, á pɛ: «Biikoo kɔsɔ ba n koe doo wa.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 4:10

min golen fuəwensii mɛnɛn bɛ́ ǹ tan, bɛn man yui ǹ kaa tán, kii dankan dɛnaa lɛ yɔrɔ-a. Min mɛn bɛ́ a tan yǎa duduu, maǹ bɛ guguru koe. Maǹ nə́ ǹ kii bafolon waa ǹ nə́ ǹ zũ tán kii dankan lɛ yɔrɔ-a, ǹ nə́ pii:

Sii-nyaan 4:9

Min mɛn bɛ́ kii dankan nɛ, a yii n koo yǎa duduu, bɛ̀ màn yiikoonaa sii lɛ yoo, ǹ nə́ loe lɔ ǹ ná a tɔ bɔ, ǹ ná a guguru kɔ, ǹ nə́ barka da-n lɔn,