Danayeli sɛ́wɔ 4:30 - LAWA A BOO SONBORE 2011

³⁰ A din bǎã-n gɔrɔ, sii lɛ nə́ n zɛnaa Nebukadenezɔɔrɔ nɛ: Ǹ nə́ loo ǹ nə́ bɔ minbuiinin bii, a na á goã buu soɛ̃ ka dii bɛ́ lɔn, pele na á goã a gɔ̀nɔn basɛ̃. A mìi ka pã á sɔsɔrɔ kɔ ka giogialatã-a nyàa ka nɛ, a gòon tɔ́nɔn nə́ n baa sosolo ka bàan gòon tɔ́nɔn bɛ́ lɔn.

Danayeli sɛ́wɔ 4:30 ပူးပေါင်းရင်းမြစ်များ

Siin Giala 10:10

A goã kii lɛa, kiwin mɛnɛn nɛ bibinaa nɛ, bɛn man ka Baabeli ni, Erɛki ni, ka Akaadi ni, *Baabilonii gána nɛ.

Ɛsit 1:4

Kii Zɛrzɛsi lɛ ná a gána lɛ a pàãmabaa gole kɛ nyaa, ka a din a min zíndɛnaabaa gole sonbore kɛ nɛ, bɛ biikoo saa á woo dɔ mui sɔrɔ.

Loen 104:1

Man kɔnboe ma barka da Dɛnaa Lawa nɛ, ka ma foo tumaa nɛ! Dɛnaa Lawa, maa Lawa, n tá gole á la yii ni. Siĩnbaa laanka tɛ-pɛ nə n ganaa,

Loen 49:20

A laanka bɛ yii ni, a n woe ǹ digolon li, bɛn mɛnɛn bɛ́ ǹ ba re wɔlɔ fúlu yii ka ǹ yii-n doo wa.

Loen 73:8

Maǹ yaa we, bɛ̀ ǹ nə́ bɔ̀n baraa da minin ganaa boo diɛ. Maǹ nə́ n dinin gole koe, ǹ nə́ din gole kɔ ǹ boo diɛ.

Suusun 11:2

Din gole kɔ n die ka din tìĩ bɔ nɛ. Sɛnɛ, din gisiĩ n die ka sii-doɛ̃ nɛ.

Suusun 16:18

Din gole kɔ n die mɛnaa nɛ. Din koa n die ka bɔ̀n nɛ.

Suusun 29:23

Min mɛn bɛ́ n din gole koe, bɛa dɛnaa á re boɛɛn koe. Sɛnɛ, min mɛn bɛ́ n din boɛɛn koe bɛa dɛnaa tɔ á re boe.

Izayii 13:19

Lawa Sodɔmu laanka Gomɔɔrɔ yu lɔn lɛlɛ, a n die Baabilonii dɔ yui miɛ̃, asɛ kɛ lɛ gánan kiwi sonbore lɛa, a minin nə́ n dinin gole koe a paǹ li.

Ezekieli 29:3

Boo da n pɛ, mà masɛ Dɛnaa Lawa n kɛ pii: Nsɛ Eziptin kii Faarahɔn kɛ lɛ, man die n gialaa. Nsɛ mu li ǹ màn babaraa kɛ lɛ, waa-n tán Ezipti a tà gòã nɛ, táa n din nə́ ń pɛ mà nsɛ din a tà n ka n tà nɛ, ma nsɛ nə ń zɛnaa n din wɔ lɛa.

Danayeli sɛ́wɔ 4:31

Nebukadenezɔɔrɔ pɛ kɛnɛn: – Lɛ̀ sɔbaa lɛ lɛ bɛ́ á pã, masɛ Nebukadenezɔɔrɔ nə́ n yii saa má dia lon ǹ kɔn pinaa, minbuiinin taasiɛ wusoo á wɔ ma nɛ. Lawa mɛn bɛ́ lon sɔsɔɔ, a yii n koo yǎa duduu, má barka da bɛ nɛ. Má a tɔ bɔ, má a guguru kɔ: A giala, a goledɛnaabaa lɛ a nyɛɛ wa, a kiibaa kɛ na a tan yǎa duduu.

Abakuku 1:11

Maǹ kiɛ̃ ka ǹ zii ni, ka piɛ̃ gole bɛ́ lɔn. Ǹ dinin yii li, ǹ pàã kɛ lɛ n lawa lɛa.

Luku 14:11

A giala min woo min, a tá n din siɛ lon, Lawa á re bɛ gisĩ, min mɛn bɛ́, n din boɛɛn koe, Lawa á re bɛ siɛ lon.

Luku 14:9

min mɛn bɛ́ á lɛ dia ka dinin paanan la, bɛ tɔ́n kiɛ̃ a da pɛ nɛ mà n yoo n nə n bǎã kɔ. Haya, ma n die yui kəni ka sìi ni n wo giã kio.

Korɛnti1 10:31

Bɛ lɛ nɛ, ta ka n màn bii, ta ka ǹ màn mii, ta ka n sii mɛn zɛnɛɛ, ka a tumaa zɛnaa Lawa tɔ golebaa a lɛa.

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Sii-nyaan 14:8

Lon a dia dí-a wole paabaa ǹ wɔ kɔ bibinaa lɛ kio lɛ, a n pii: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Asɛ mɛn bɛ́ á tɔrɔn tumaa a minin bebere, a ǹ baa naarɛbaali taãn-taãnan lɛa.»

Sii-nyaan 16:19

Kiwi gole lɛ nə́ n talakɔn sɔɔ, gánan tumaa a kiwin nə́ bɔ ǹ nə́ kaa. Lawa nə́ n yiri koa *Baabilonii kiwi gole kɛ a zɛnaa ǹ sii ni, á da Lawa a foo-yoo ǹ duvɛ̃ mii ganaa, ǹ mɛn lɛ bɛ́ Lawa a foo-yoo gole paan kɛ nɛ.

Sii-nyaan 17:5

Ǹ nə́ tɔ giməə kiɛ̃ a nyanlɛ-a. Bɛa tɔ giməə lɛ giala mà "*Baabilonii gole mɛn bɛ́ naarɛbaa laanka sii gɔgɔrɛ tumaa a náa lɛa kanaa gɔ́ɔ̃ nɛ".

Sii-nyaan 18:10

Fuu mɛn bɛ́ a mìi ni, ǹ tá re nyɛ́ɛ biɛ bɛ nɛ, ǹ wo giã tiãlɛa, ǹ nə́ pii: «Bɔ̀n woo bɔ̀n! Bɔ̀n gole Baabilonii kiwi gole pàãdɛnaa lɛ yɛ! A dɔlɔ bɔ ma-a ǹ gɔn yii n ke biikoo goon toto dinsɔɔ̃ nɛ!»

Sii-nyaan 18:21

Bɛ ganaa, lon a dia dí-a wole kaka goon tɔ́n kɔlɔ saa, a gugurubaa n ka wii lɔ ǹ gii bɛ́ lɔn, á zũ yìsi mu li, á pɛ: «Kɔlɔ kɛ nə n zũ ka pàã mɛn nɛ, maǹ die Baabilonii kiwi gole kɛ dɔ zuĩ tán miɛ̃, min kɔ́n ná a re yii doo wa.