Danayeli sɛ́wɔ 4:21 - LAWA A BOO SONBORE 2011

²¹ Danayeli mà kii ganaa: «Narɛɛ lɛ bɛ́ màn mɛn giala pii, Lawa mɛn bɛ́ lon sɔsɔɔ, bɛ bɛ́ mà màn mɛn, sii mɛn bɛ́ re masɛ a dɛnaagiĩ kii yii, bɛ n ka kɛ nɛ:

Danayeli sɛ́wɔ 4:21 ပူးပေါင်းရင်းမြစ်များ

Loen 104:17

Bàanan manə ǹ kii doe walan, gɔgɔrɔn man kii doe bɛa dan lɛn la.

Ezekieli 17:23

Man die zumi Izirayeli a kele sasa kɛ goon mìi ni. Á re gùrùn boe a nɛ kɔ, á re da kaka biɛ gole gole. Bàan tɔrɔ tumaa á re kiɛ la, ǹ tá re ǹ kii doe a gùrùn la.

Ezekieli 31:6

Bàanan tumaa na á goã kii doe a gùrùn la, don siĩn tumaa na á goã nɛ yii a din lɛ giulun, tɔrɔ tumaa a zaman na á goã giɛ̃ a din lɛ a wúlu li.

Danayeli sɛ́wɔ 2:38

Lawa lɛ minbuiinin wɔ n gɔn, don mànan nɛ ka bàanan nɛ. Haalɛ ta maǹ bǎã woo bǎã, Lawa na á n koa ǹ tumaa mìi la. Màn nyín lɛ mìi kɛ lɛ sana lɛa, n din kii ni.

Danayeli sɛ́wɔ 4:11

Á paraa ka pã, á pɛ kɛnɛn: Ka da lɛ kuru ka daa, ka a gùrùn bɔbɔ, ka a luu sɔlɔ ka bɔ-a, ka a nɛ pɛsɛ̃, ń giɛ don mànan kɛn tá baa sii ǹ nə n bɔ a giulun, ń giɛ bàanan kɛn tá yui, ǹ nə n bɔ a gùrùn ganaa.

Danayeli sɛ́wɔ 4:20

Bɛ kio, n nə n lon a dia dí-a wole sonbore goon yɛ, bɛ nə́ n toa lon, á n gisĩ tán. A na á goã parɛɛ á n pii kɛnɛn: «Ka da lɛ kuru, ka kakã! Sɛnɛ, a giala piri ke, ka bɛ toa tán buu ni don, fɔlɔ laanka zan zɔraka ná a lɛnpɛnɛ. Pele á re boe lon a pã a ganaa, á re buu soɛ̃ kun ka don mànan nɛ, yǎa lɛ̀ sɔbaa.»

Danayeli sɛ́wɔ 4:22

Ǹ tá re n lui ǹ nə n bɔ minbuiinin bii, n tá re giɛ̃ kun ka don mànan nɛ. N tá re buu soɛ̃ ka dii bɛ́ lɔn, pele á re goɛ̃ bɛ̀ a n gɔ̀nɔn basã. N tá re goɛ̃ bɛ gɔ́ɔ̃ nɛ lɛ̀ sɔbaa, yǎa n doɛ̃, mà Lawa mɛn bɛ́ lon sɔsɔɔ lɛ-n, minbuiinin kiibaa mìi la, a bɛ́ li a kɔ min mɛn la, a n koe bɛ la.

Luku 13:19

A n kɔnboe ka mutardə we goon ne, giĩ goon nə́ saa á wɔ tán a dù gɔrɔ-n. Màn we lɛ bɔ á da baa, bàanan nə́ ǹ kiin dɔ a gùrùn ganaa.»