Danayeli sɛ́wɔ 4:2 - LAWA A BOO SONBORE 2011

² Ǹ kɔn pinaa tèlò-n, ma bɛ́ nyuù ni, má narɛɛ kɔn wɔ, á nyɛ́ɛ da ma ganaa parsiini. Ma siin mɛnɛn yɛ, ǹ nə́ ma yiri lɔlɔkɔn parsiini.

Danayeli sɛ́wɔ 4:2 ပူးပေါင်းရင်းမြစ်များ

Zɔbu 7:14

Bɛa biikoo lɛ din ni, n tá nyɛ́ɛ diɛ ma ganaa ka narɛɛn nɛ, n nə́ nyɛ́ɛ diɛ ma ganaa ka sii-nyaan nɛ.

Loen 51:14

Maa kirisibaa lɛ taman yii, n din wusoo n foo kɔɔ̃nbaa kɔ ma la, n din nə n dɔ ma lɛ n bɔlɔ si ǹ yiri kɔ ma la.

Loen 65:9

Kanaa gùrù tumaa a minin nə́ nyɛ́ɛ baa n kaãbaa ǹ sii dadaran kɛn yɛ gɔ́ɔ̃ nɛ. N din nə lɛ̀giala laanka lɛ̀nyɛɛn minin kiɛ nyɛnyɛɛ ganaa.

Loen 66:16

Kasɛn mɛnɛn tumaa bɛ́ Lawa bɔlɔ-silin lɛa, ka da n too kɔ. A màn mɛn zɛnaa masɛ nɛ, ma á re bɛ laakalɛɛ ka nɛ.

Loen 71:18

Lawa! A laanɛ má zizi kɔ kanna, ma mìi ka fulu, n baran n gɔn bɔ ma ganaa wa. N dɔ ma lɛ, ń giɛ ma tá n din a boo sii la laakalɛɛ sisia minin kɛn manɛ, ma n din a Pàãyiidɛnaabaa kɛ pɛ ǹ kiodɛnan tumaa nɛ.

Danayeli sɛ́wɔ 2:1

Nebukadenezɔɔrɔ a kiibaa lɛ̀ paabaa ǹ wɔ li, á narɛɛn kɔnɔn wɔ, bɛa narɛɛn lɛn ná a yiri lɔlɔkɔn parsiini, a goã boe la á nyuù naɛ a yii-a wa.

Danayeli sɛ́wɔ 3:26

Yankɔrɔ lɛ, tɛ lɛ goã kuĩ a nɛ girigiri, Nebukadenezɔɔrɔ tɔ́n nə n zɔ̃ á dɔ bɛ lɛ-a, á lɛ dia ka koee á pɛ: «Sadraki, Mesaki, Abɛdi-Negoo, lon a Lawa a dí-nyalin, ka soo ka daa!» A din bǎã-n gɔrɔ, ǹ dinin min sɔɔ soo ǹ nə́ n bɔ tɛ lɛ bii.

Danayeli sɛ́wɔ 4:17

Ma nə́ n da yɛ, gole, gegere, a sasabaa woo yǎa lon a labaran ganaa, min nə́ n toɛ kanaa paǹ tumaa nɛ a yii ná a ganaa.

Danayeli sɛ́wɔ 4:24

Kii, maa doree n ka kɛ nɛ, ma á koe n la: N sii baraan kaa, n kɔ peperebaa lɛ, n nə n mɛnaa minin la kɛ dɔ kaa, n makara bɔ doobaan ganaa. Bɛ̀ ń lɛ kɔ ń zɛnaa miɛ̃, kɔntan màn tá tɔn miɛ n yii-nyɛɛ li.»

Danayeli sɛ́wɔ 4:25

Sii lɛ tumaa nə́ n zɛnaa kii Nebukadenezɔɔrɔ nɛ.

Danayeli sɛ́wɔ 4:34

Bɛ lɛ na á toa, masɛ Nebukadenezɔɔrɔ á lon a Kii lɛ tɔ boe sisia, ma na a tɔ siɛ lon, man gugurubaa diɛ a tɔ la. A giala, a nya ǹ dí tumaa n siĩni, a zɛnaa ǹ sii tumaa n pepere. Min mɛnɛn bɛ́ din gole kɔ ǹ sii zɛnɛɛ, pàã tá a lon a bɛn gisĩ.

Danayeli sɛ́wɔ 5:18

Kii, Lawa mɛn bɛ́ lon sɔsɔɔ, á goã á kiibaa kɔ ǹ di Nebukadenezɔɔrɔ la, golebaa nɛ, ka gugurubaa laanka zín ni.

Danayeli sɛ́wɔ 6:27

Man pii ka nɛ, máa maa gána lɛ a bǎã tumaa nɛ, min tumaa doamaa nɛ a nyɛ́ɛ baa Danayeli a Lawa kɛ-n taãn-taãnɛ. A giala, a din lɛ n Lawa yiikoonaa lɛa, a din lɛ na a tan yǎa duduu. A kiibaa kɛ a ziziɛ̃ wa, a goledɛnaabaa kɛ na a tan yǎa duduu.

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Zaã a sɛ́wɔ 4:48

Yezu tɔ́n pɛ nɛ: «Bɛ̀ ka bie ka kaãbaa ǹ sii dadaran yɛ wa, ka bɛ́ ka a re golee masɛ li duduu wa!»

Zozoe 7:19

Zozoe tɔ́n pɛ Aakan nɛ: «Maa nɛgiĩ, bǐɛ̃ kɔ n taãn pɛ Dɛnaa Lawa yɔrɔ-a, Izirayeli minin Lawa lɛ. N sii mɛn zɛnaa, bǐɛ̃ kɔ n pɛ ma-n kɛnɛn kɛnɛn, n nyan toa n pɛ mà ma nə n duri masɛ la wa.»