Danayeli sɛ́wɔ 4:19 - LAWA A BOO SONBORE 2011

¹⁹ Kii, bɛa da kɛ lɛ, n din ni! A giala, n dɔ nə n gole kɔ, ń pàã yɛ ka da kɛ lɛ bɛ́ lɔn. N golebaa lɛ nə́ n da wɔlɔ la, á woo yǎa lon, n goledɛnaabaa lɛ woo yǎa kanaa paǹ tumaa ganaa.

Danayeli sɛ́wɔ 4:19 ပူးပေါင်းရင်းမြစ်များ

Siin Giala 31:35

Raseli tɔ́n pɛ ǹ di lɛ nɛ: «Díi, bɛ̀ n yaa, masɛ á boe la ma á yui lon n yɔrɔ-a wa, n foo baran busu ma li wa, a giala, lɔn lɛawaa n ma ganaa.» Laban wɔlɔ gugusi, a dìn lɛn yɛ wa.

Siin Giala 32:18

Á pɛ bɛ̀rɛgiĩ bibinaan nɛ, á laa a ganaa: – Bɛ̀ ma gologiĩ Ezawu kaa n lɛ, yǎa a nɔ̀n da n la mà die a min ni n ni? Mà n nə n woe maa? Mà tɔɔn kɛn n nyɛɛnɛ, mà die wɔn manɛ?

Siin Giala 40:12

Zozɛfu mà a ganaa, mà a narɛɛ lɛ giala á ke: «Da gùrù màn sɔɔ lɛ n lɛawaa sɔɔ lɛa.

Kiin1 18:7

A Obadia toa zii la, bɛ̀ Yilii á ke a yɔrɔ-a ka yɛlɛɛn. Obadia dɔ̃ mà Yilii ni, á na á kaa tán a lɛ la á pɛ: «Maa dɛnaagiĩ Yilii lɛ n ka n din ni taãn nɛ?»

Bɔ bɛ̀rɛbaa nɛ 32:32

Sɛnɛ kanna, masɛ nə n nyankoe, bɛ̀ ń boe la, n sii baraa gole kɛ toa ǹ nɛ. Dɛnaa, bɛ̀ a ba n zɛnɛɛ miɛ̃ wa, n masɛ tɔ tuturu, n bɔ yiikoonaabaa ǹ sɛ́wɔ kɛ lɛ nɛ, n din kiɛ̃.»

Zeremii 29:7

Ka dí nya kaa gùli kɔ ǹ kiwi lɛ nɛ màn mɛn bɛ́ toɛ a wo nyɛɛnɛ. Ka Dɛnaa Lawa nyankɔ a lɛa a giala kaa yii-nyɛɛ n boe bɛa kiwi kɛ lɛ a là nyantoro li.»

Zeremii 4:19

Áh! Ma nɔ̀! Ma nɔ̀! Ma nə n duwii là paparɛɛ gɔn! Ma foo n die puri! Ma gɔ̀nɔn tumaa n bìn diɛ. Ma a n lɛ tiɛ̃ doɛ̃ wa. A giala, ma bɛn wuu ma, ka ziabaa ǹ lɛ-dɛ nɛ.

Danayeli sɛ́wɔ 1:7

Dí-nyalin goledɛnaa lɛ tɔ kɔsɔn wɔ ǹ ganaa: á Danayeli bíi Bɛlsazaara, á Anania bíi Sadraki, á Mikayeli bíi Mesaki, á Azaria bíi Abɛdi-Negoo.

Danayeli sɛ́wɔ 2:26

Danayeli lɛ, ǹ nə́ bii Bɛlsazaara, kii lɛ nɔ̀n da bɛ la kɛnɛn: «Masɛ narɛɛ mɛn wɔ, n tá boe la n bɛ pɛ ma nɛ, n na a binyəə dɔ pɛ ma nɛ sonbore?»

Danayeli sɛ́wɔ 2:37

Kii, n din nə kiin kii lɛa. Lon a Lawa na á kiibaa kɔ n la, boo sii la nɛ, pàã nɛ, ka gugurubaa nɛ.

Danayeli sɛ́wɔ 4:24

Kii, maa doree n ka kɛ nɛ, ma á koe n la: N sii baraan kaa, n kɔ peperebaa lɛ, n nə n mɛnaa minin la kɛ dɔ kaa, n makara bɔ doobaan ganaa. Bɛ̀ ń lɛ kɔ ń zɛnaa miɛ̃, kɔntan màn tá tɔn miɛ n yii-nyɛɛ li.»

Danayeli sɛ́wɔ 5:12

A giala, ǹ nə́ yɛ mà yiri tá bɛa Danayeli lɛ lon á la yii ni. Màn-doɛ̃ laanka sii giala ma tá a lon, á boe la a narɛɛn giala pɛ, a sii-duriin nyaa, a sii kakan yɔrɔ bɔ. Bɛa Danayeli kɛ lɛ, kii Bɛlsazaarabaa wɔ a ganaa, ka bɛ lɛ bíi a da sisia. Sɛ́wɔ-kiɛ̃ lɛ bɛ́ sii mɛn giala pii, á re bɛ nyɛɛ ka nɛ.»

Danayeli sɛ́wɔ 5:18

Kii, Lawa mɛn bɛ́ lon sɔsɔɔ, á goã á kiibaa kɔ ǹ di Nebukadenezɔɔrɔ la, golebaa nɛ, ka gugurubaa laanka zín ni.

Danayeli sɛ́wɔ 5:19

A golebaa mɛn lɛ kɔ la, bɛ lɛ na á toa, tɔrɔn tumaa laanka gánan tumaa a minin gɔ̀nɔn nə́ goã bìn diɛ a nyɛɛnɛ, ka bɔlɔ tumaa a pɛlen ne. Bɛ̀ a tá li a min mɛn dɛ, a n bɛ dii, bɛ̀ a tá li a min mɛn yii toa koo, a n bɛ yii toɛ koo. Bɛ̀ a tá li a min mɛn saa lon, a n bɛ siɛ lon, bɛ̀ a tá li a min mɛn gisĩ, a n bɛ gisĩ.

Danayeli sɛ́wɔ 7:15

Masɛ Danayeli, ma yiri nə́ n lɔlɔkɔn, ma siin mɛnɛn yɛ, ǹ nə́ nyɛ́ɛ da ma-a.

Danayeli sɛ́wɔ 7:28

Boo lɛ a nya ǹ bǎã n ka kɛ nɛ. Siin lɛn nə́ masɛ Danayeli yiri lɔlɔkɔn parsiini, ma gɔ̀nɔn nə́ n si ma la. Sɛnɛ, má bɛa boon lɛn toa ma din gɔ́ɔ̃ nɛ.

Danayeli sɛ́wɔ 8:27

Bɛa biikoo li, masɛ Danayeli gù gã ma din-a, má busu kɔ lɛawaa paa. Ma bɛ́ má yoo, má wusoo má woo kii a dí nya. Bɛa sii-yɛ kɛ lɛ masɛ yiri lɔlɔkɔn parsiini. Sɛnɛ, min kɔ́n goã maa yiri lɔlɔkɔn lɛ mìi doɛ̃ wa.

Abakuku 3:10

Kelen yii tá n ganaa. Maǹ bìn diɛ nyɛ́ɛ gɔn. Mu n kiɛ tán ka we ne, Yìsi mu gole n gini a ná a mu zuĩ lon.

Samayeli1 1:15

«Haayii, maa dɛnaagiĩ, masɛ n lɔ lɛa, lɔ mɛn foo á ke ziziɛ̃ nɛ. Ma yɔ mi wa, ma yɔ kakaarɛ kɔn mi wa. Man má goã ǹ gɔ́ɔ̃ dinsɔɔ̃ pii Dɛnaa Lawa yɔrɔ-a.

Samayeli1 24:8

Davida bɛa boon lɛn da, á ná a minin kurəə ne, a lɛ kɔ mà ǹ yoo Sayulu gialaa wa. Bɛ kio, Sayulu yoo á n tele lon, á soo á n bɔ yala lɛ nɛ, á kiɛ̃ ka a zii ni.

Samayeli1 26:15

Davida pɛ Abnɛɛrɛ-n kɛnɛn: «Táa n nə n giĩ lɛa, n miã ná a banban Izirayeli gána-n wa. Sɛnɛ, wàa na á baa, n kii lɛ lɛduə̃ wa, n dɛnaagiĩ lɛ? Zaman lɛ a min goon daa mà a n kii lɛ dii, n dɛnaagiĩ lɛ.

Samayeli1 3:17

Elii tɔ́n pɛ: «Lawa na á wàa mɛn boo da n nɛ? Bǐɛ̃ kɔ n baran duru ma la wa. Lawa boo mɛn tumaa pɛ n nɛ, bɛ̀ ń bɛ mɛn a goon duru masɛ la, Lawa die a dɔlɔ babaraa bɔ n ganaa.»