Danayeli sɛ́wɔ 4:16 - LAWA A BOO SONBORE 2011

¹⁶ Danayeli lɛ ǹ nə́ bíi Bɛlsazaara, kii a boo lɛ nyɛ́ɛ da a ganaa, a ná a yiri din lɔlɔkɔn. Á golee, boo din ba n diɛ la wa. Kii lɛ din tɔ́n pɛ nɛ: «Bɛlsazaara, narɛɛ kɛ laanka a giala baran n yiri lɔlɔkɔn wa.» Bɛlsazaara tɔ́n na a lɛ si á pɛ: – Maa dɛnaagiĩ, toa bɛ̀ narɛɛ lɛ yɔrɔ n dianɛ n zɔ́ɔn la. A bɛ́ sii mɛn giala pii, toa bɛ̀ a yɔrɔ n dianɛ n ziadɛnan la.

Danayeli sɛ́wɔ 4:16 ပူးပေါင်းရင်းမြစ်များ

Samayeli2 18:32

Kii nɔ̀n da Etiopiin giĩ lɛ la: «Tɔntɔraagiĩ Abusalɔn lɛ tá là nyantoro la?» Etiopiin giĩ lɛ ná a lɛ si á pɛ: «Maa dɛnaagiĩ kii, n zɔ́ɔn nɛ, ka min mɛnɛn tumaa bɛ́ yui n gialaa ǹ nə́ giɛ n bɔ̀n li, sii mɛn tɔntɔraagiĩ lɛ yɛ, bɛ miã die a ǹ dɔn yɛ.»

Izayii 6:10

Ǹ yiri lɔlɔkɔn, n nə ǹ too tã, n nə ǹ yii tã màn mɛn bɛ́ toɛ, ǹ yii nyan wɔlɔ yɛ wa, ǹ too nyan boo ma wa, ǹ yiri tã. Ka bɛ-n kəni, ǹ ba re wusii ǹ da ma li wa, ǹ ba re kaka koe wa.

Danayeli sɛ́wɔ 11:13

Gɔsɛ a lɛ̀gɔn la kii lɛ á re wusii a woo, a zia-baalin sɔkɔn doo, bɛn nə́ mɔnaa nɛ, ǹ nə́ la bibinaa wɔn kɛn manɛ. Á pii mà a n woe doe lɛ̀ lɛ kɔn ganaa, á re wusii a n bɔyaa a da ka zia-baali gigiã laanka ziabaa ǹ màn gigiã nɛ.

Danayeli sɛ́wɔ 12:7

Bɛa biikoo li, giĩ mɛn lɛ goã golee-n tà mu lɛ lalan, ka mɔnaa gole ná a ganaa, bɛ nə́ n gusin a gɔn laanka a gɔsɛ a gɔn dia lon, Lawa mɛn bɛ́ a tan yǎa duduu, á n liɛ ka bɛ tɔ nɛ: Siin kɛn lɛn manə ǹ tan, yǎa lɛ̀ sɔɔ ka talɛɛ. Bɛ̀ Lawa a minin lɛn pàã nya lenlen ǹ mɛn waáraa, bɛa siin lɛn tumaa á re nyɛɛ.

Danayeli sɛ́wɔ 4:23

Á pɛ dɔn, mà ǹ da lɛ giala piri toa tán. Bɛ giala n ka kɛ nɛ: Bɛ̀ ń dɔ̃ ǹ mɛn waáraa mà lon a Lawa n màn tumaa mìi la, a kiibaa lɛ á re wusii a dɔ n ganaa.

Danayeli sɛ́wɔ 4:25

Sii lɛ tumaa nə́ n zɛnaa kii Nebukadenezɔɔrɔ nɛ.

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Danayeli sɛ́wɔ 7:28

Boo lɛ a nya ǹ bǎã n ka kɛ nɛ. Siin lɛn nə́ masɛ Danayeli yiri lɔlɔkɔn parsiini, ma gɔ̀nɔn nə́ n si ma la. Sɛnɛ, má bɛa boon lɛn toa ma din gɔ́ɔ̃ nɛ.

Ebrəə 1:11

Bɛn lɛn yii á re nyɛɛ, sɛnɛ, nsɛ n goɛ̃ yǎa duduu. Ǹ tumaa á re zizi koe ka mɔnaa bɛ́ lɔn.

Sii-nyaan 12:14

Sɛnɛ, ǹ nə́ giogialatã-a gole kɛ nyàan kɔ lɔ lɛ la, mà a yoo a wo a giã ǹ bǎã lɛ-n don gɔ́ɔ̃ nɛ, maǹ die toe walan, yǎa lɛ̀ sɔɔ ka talɛɛ, a wɔlɔ á re sɔsɔɔ koe miɛ̃ kɛ ganaa.