Danayeli sɛ́wɔ 4:14 - LAWA A BOO SONBORE 2011

¹⁴ Bɛa dɔlɔ boo ke, lon na dia wolen man nə́ daa pɛ, boo kɛ lɛ, lon a dia dí-a wolen man nə́ daa pɛ, màn mɛn bɛ́ toɛ, minbuiinin nə dɔ̃, mà Lawa mɛn bɛ́ lon sɔsɔɔ, bɛ n minbuiinin kiibaa mìi la. Bɛ̀ a din tá li mà a kɔ min mɛn la, a n koe bɛ la, a din nə din gisĩi wole siɛ a da kiibaa la.

Danayeli sɛ́wɔ 4:14 ပူးပေါင်းရင်းမြစ်များ

Zɔbu 24:20

Lɔ mɛn din yɛ, bɛ yiri n boe ne. Nyuunun manə n nyɛnyɛɛ la yala-n. Min kɔn ba n taasɛ ka a sii-n doo wa. Min baraa lɛ nyin biɛ na, ka da gùrù na á yiɛ.

Zeremii 27:5

Ma din ni má tán zɛnaa, minbuiinin ni ka tɔɔn tumaa-n tán la. Man má ǹ zɛnaa ka ma pàã gole kɛ laanka maa boo sii la gole kɛ nɛ. Bɛ̀ min mɛn kɔɔ̃n kɔ ma ganaa, ma mànan mɛnɛn zɛnaa ma ǹ koe bɛa dɛnaa la.

Zeremii 51:6

Ka baa si, ka n wɔlɔ sɔsɔɔ kɔ Baabilonii ganaa! Didie tumaa ga a din li! Ka bɛ nɛ, ka a re giɛ̃, a sii baraan lɛa wa. A giala, Dɛnaa Lawa a dɔlɔ bɔ biikoo ne. A kɔnbɔ ka màn mɛn nɛ, a n die bɛ lɛ a saraa koe la.

Zeremii 51:9

Wɔ́ dagòã da Baabilonii ganaa, sɛnɛ a kaka koe wa. Ka toa walan, didie tumaa wo a gána nɛ! Taãn nɛ, dɔlɔ mɛn bɛ́ a mìi ni, á woo yǎa lon, á dɔ labaran ganaa.

Ezekieli 31:10

Bɛ́ lɛ na á toa masɛ Dɛnaa Lawa á kɛ pii kii wɔ paǹ li: «Da kaka lɛ bɛ́ á gole kɔ, a mìi la woo n doa labaran ganaa bɛ lɛ na á toa din gole kɔ wɔ a foo ne.

Danayeli sɛ́wɔ 2:21

A din nə biikoon laanka siin koɛ kɔn la, A din nə kii koɛ, a din nə kii boe a bɔ kiibaa nɛ. A din nə sii-doɛ̃ koe sii doɛ̃-wɔlen la, a din nə yiri koe sii giala malin la.

Danayeli sɛ́wɔ 3:4

Bɛa biikoo li, lɛ-diali tɔ́n nə n lɛ dɛ kɔsɛkɔsɛ á pɛ kɛnɛn: – Hee, tɔrɔ woo tɔrɔ, gána woo gána, bɔlɔ woo bɔlɔ a pɛlen, kii mà ma kɛ pɛ ka nɛ:

Danayeli sɛ́wɔ 4:12

Sɛnɛ, ka a giala piri laanka a gòonən toa tán, a goã tán buu-n don, fɔlɔ laanka zan zɔraka ná a lɛnpɛnɛ! Pele á die n toɛ lon bɛ̀ a na a gɔ̀nɔn basã, buu ke boe tán, á die bɛ soɛ̃ kun ka don mànan nɛ.

Danayeli sɛ́wɔ 4:23

Á pɛ dɔn, mà ǹ da lɛ giala piri toa tán. Bɛ giala n ka kɛ nɛ: Bɛ̀ ń dɔ̃ ǹ mɛn waáraa mà lon a Lawa n màn tumaa mìi la, a kiibaa lɛ á re wusii a dɔ n ganaa.

Danayeli sɛ́wɔ 4:29

Ǹ tá re n lui ǹ nə n bɔ minbuiinin bii, n tá re goɛ̃ kun ka don mànan nɛ, n tá re buu soɛ̃ ka dii wɔ bɛ́ lɔn. N tá re goɛ̃ bɛ gɔ́ɔ̃ nɛ lɛ̀ sɔbaa, yǎa n doɛ̃ mà lon a Lawa gole lɛ n minbuiinin kiibaa mìi la, mà a bɛ́ li dɔn a kɔ min mɛn la, mà a n koe bɛa dɛnaa la.»

Danayeli sɛ́wɔ 5:20

Sɛnɛ, n di lɛ bɛ́ á piɛ̃ dɔ a din ni, á n too kaka kɔ yǎa á woo kaa din-koa lɛ, ǹ nə́ bɔ ǹ nə́ bɔ a kiibaa la, ǹ ná a gugurubaa kɛ si la.

Danayeli sɛ́wɔ 5:21

Ǹ nə́ loo ǹ nə́ bɔ minbuiinin bii. A taasiɛ nə́ n bɔyaa á n baa ka tɔɔn wɔ bɛ́ lɔn. A na á goã kun ka don dundunun ni, buu soɛ̃ ka dii wɔ bɛ́ lɔn, pele goã piɛ̃ a ganaa. A na á goã bɛ lɛ gɔ́ɔ̃-n miɛ̃, yǎa a bɛ́ á dɔ̃ ǹ mɛn pinaa, mà lon a Lawa n minbuiinin kiibaa mìi la, mà a bɛ́ li a kɔ min mɛn la, mà a n koe bɛa dɛnaa la.

Matiə 3:10

Lawa a kiri-kurii lɛ a biikoo dɔ á nya, a n die n biɛ ka sɛ̀miɛ̃ dɔ da giala-n bɛ́ lɔn. Da mɛn din tumaa bɛ́ a nɛ sonbore koe wa, maǹ die bɛ kuri ǹ zũ tɛ-n.

Matiə 7:19

Da mɛn din tumaa bɛ́ a ba nɛ sonbore koe wa, bɛ lɛ nə n kukuri a n kaa tɛ-n.

Luku 3:9

Lawa a kiri-kurii lɛ a biikoo dɔ. A n die kuri ka min bɛ́ da wɔrɛɛ a giala-a ka sɛ̀miɛ-n lɔn. Da mɛn din tumaa bɛ́ a nɛ sonbore koe wa, bɛ yii n die n kuri a n zũ tɛ-n.»

Sii-nyaan 10:3

Á n lɛ dɛ ka lɛn gole ne, ka yàra bɛ́ parɛɛ lɔn. A bɛ́ á n lɛ dɛ á nya, la a paraa sɔbaa kɛ dɔ tɔ́n gini.

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.