Danayeli sɛ́wɔ 4:12 - LAWA A BOO SONBORE 2011

¹² Sɛnɛ, ka a giala piri laanka a gòonən toa tán, a goã tán buu-n don, fɔlɔ laanka zan zɔraka ná a lɛnpɛnɛ! Pele á die n toɛ lon bɛ̀ a na a gɔ̀nɔn basã, buu ke boe tán, á die bɛ soɛ̃ kun ka don mànan nɛ.

Danayeli sɛ́wɔ 4:12 ပူးပေါင်းရင်းမြစ်များ

Zɔbu 12:24

A din nə gána minin nyɛɛnaandɛnan yiri sii ǹ la, a ǹ da binbirin bɔ ganaa don bii, zii ná a banban.

Zɔbu 14:7

Foo doa ǹ bǎã tá da din lon. A giala, bɛ̀ ǹ nə́ kuru, a n wusii a pã, a n wusii a gùrùn bɔ.

Zɔbu 14:9

bɛ̀ á mu gìĩ ma lɔn gɔrɔ, a n foɛ̃, a gùrùn bɔ ka da ten bɛ́ lɔn.

Busii pɛ 4:20

Dɛnaa Lawa kii mɛn bɔ á kɔ wɔ la, a din kɛ lɛ n wɔ nyin lɛa, a din lɛ nɛ ǹ kan kũ. A da yaa wɔ goã taasɛ, wáa bɛ̀ a tá wɔ mìi la, wɔ á re bǎã yii tɔrɔ kɔsɔn bii.

Ezekieli 17:23

Man die zumi Izirayeli a kele sasa kɛ goon mìi ni. Á re gùrùn boe a nɛ kɔ, á re da kaka biɛ gole gole. Bàan tɔrɔ tumaa á re kiɛ la, ǹ tá re ǹ kii doe a gùrùn la.

Ezekieli 31:17

Tɔrɔn mɛnɛn lɛ nə goã giɛ̃ a wúlu li, ǹ nə́ n doe lɛ, bɛn lɛn dɔn man die woe kun ni geren piɛ, ǹ wo minin kɛn yaa ǹ nə́ ǹ dɛ zia la.

Danayeli sɛ́wɔ 4:14

Bɛa dɔlɔ boo ke, lon na dia wolen man nə́ daa pɛ, boo kɛ lɛ, lon a dia dí-a wolen man nə́ daa pɛ, màn mɛn bɛ́ toɛ, minbuiinin nə dɔ̃, mà Lawa mɛn bɛ́ lon sɔsɔɔ, bɛ n minbuiinin kiibaa mìi la. Bɛ̀ a din tá li mà a kɔ min mɛn la, a n koe bɛ la, a din nə din gisĩi wole siɛ a da kiibaa la.

Matiə 13:32

A din nə màn nàn tɔrɔn tumaa a boɛɛn lɛa. Sɛnɛ, bɛ̀ ǹ nə́ da, A din nə gole á la ǹ miã dù gɔrɔ dan kɛn dinin tumaa nɛ. A n da biɛ, bàanan dinin nə́ da ǹ kii dɔ a gùrùn mala.»

Marki 13:32

Sɛnɛ, min kɔ́n ba Min a Nɛgiĩ a daa pinaa laanka a daa biikoo doɛ̃ wa, haalɛ lon a dia dí-a wolen dinin ba doɛ̃ wa, Lawa a Nɛgiĩ dɔ dinmaa ba doɛ̃ wa, yǎa Díi Lawa dinsɔɔ̃.

Marki 4:32

Sɛnɛ, bɛ̀ ǹ nə́ da, a n yui a gole kɔ, a kiɛ̃ ǹ miã dù gɔrɔ da tumaa la. A n gùrùn boe dadara, bàanan dinin nə boo la ǹ nə ǹ kii dɔ la, a wúlu li.»

Luku 13:19

A n kɔnboe ka mutardə we goon ne, giĩ goon nə́ saa á wɔ tán a dù gɔrɔ-n. Màn we lɛ bɔ á da baa, bàanan nə́ ǹ kiin dɔ a gùrùn ganaa.»