Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Danayeli sɛ́wɔ 3:7 - LAWA A BOO SONBORE 2011

7 Bɛ nə n da lɔn, tɔrɔ tumaa a minin ni, gána tumaa wɔn nɛ, bɔlɔ woo bɔlɔ a pɛlen ne, min mɛn tumaa bɛn lɛ wuu ma, pìi lɛ nɛ, tùtun lɛn nɛ, kɔnkoɛ̃ɛn lɛ nɛ, ka bɛ̀ dɛ ǹ mànan tɔrɔ tumaa nɛ, ǹ tumaa kaa tán ǹ nə́ sana màn nyín lɛ guguru kɔ, kii Nebukadenezɔɔrɔ nə ǹ mɛn lɛ doa tán.

အခန်းကိုကြည့်ပါ။ ကော်ပီ




Danayeli sɛ́wɔ 3:7
15 ပူးပေါင်းရင်းမြစ်များ  

Baabilonii na á goã ka mu mi ǹ kaaran bɛ́ lɔn, sana lɛa Dɛnaa Lawa gɔn. A n gàãn yui kanaa a tɔrɔn tumaa li. Kanaa a tɔrɔn man nə́ goã a duvɛ̃ mii, yǎa a ǹ yii kuĩ.


Bɛ kio, kii Nebukadenezɔɔrɔ na, á kaa tán a lɛ la, á Danayeli guguru kɔ. Á pɛ mà ǹ gɔn mànan kɔ la, ǹ nyɔɔgìĩ kɔɔ̃n tã a wɔ lɛa.


N dinmaa kii nə n pɛ kɛnɛn: Min woo min bɛ́ re bɛn wuú miɛ, pìi ni, tùtun ni, ka bɛ̀ dɛ ǹ mànan tɔrɔ tumaa wuu ni, ǹ dɛnaa kaa tán a sana màn nyín kɛ guguru kɔ.


Bɛa biikoo li, lɛ-diali tɔ́n nə n lɛ dɛ kɔsɛkɔsɛ á pɛ kɛnɛn: – Hee, tɔrɔ woo tɔrɔ, gána woo gána, bɔlɔ woo bɔlɔ a pɛlen, kii mà ma kɛ pɛ ka nɛ:


«Bɛ̀ ká bɛn wuu ma ǹ mɛn waáraa, pìi ni, tùtun ni, kɔnkoɛ̃ɛn nɛ, ka bɛ̀ dɛ ǹ mànan tɔrɔ tumaa nɛ, kii Nebukadenezɔɔrɔ sana màn nyín mɛn doa tán, ka kaa tán ka bɛ lɛ guguru kɔ.


Bɛ̀ min woo min nə́ n piã mà a ba kiɛ tán a na a guguru kɔ wa, ǹ die ǹ bɛa dɛnaa kũ a din bǎã nɛ, ǹ zũ nyankɔrɔ tɛ girigiri kɛ bii.»


Bɛ gɔ́ɔ̃ nɛ, Baabilonii minin kɔnɔn nə́ kiɛ̃ a din bǎã-n gɔrɔ, ǹ nə́ daa Zuifun lɛn biɛ kɔ kii ni.


Lɛlɛ á tɔrɔn tumaa toa walan, didie kɔ a din a zii lɛ.


Wɔ á doɛ̃, wáa wɔ n Lawa wɔn lɛa, sɛnɛ, kanaa kɛ tumu n *Sɛtaan Baraa kɛ pàã giulun.


Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.


Tɔɔ bibinaa lɛ pàã mɛn kɔ la, a na á goã tán minin yiri siɛ̃, ka bɛa kaãbaa ǹ siin lɛn nɛ, Tɔɔ lɛ yɔrɔ-a. Á pɛ tán minin manɛ, mà Tɔɔ bibinaa mɛn bɛ́ ǹ ná a mìi yaga, sɛnɛ, a ná a gã wa, mà ǹ nyín goon zɛnaa ka bɛ tɔ nɛ.


A mìin lɛn goon ne ka maǹ nə mà bɔ a ganaa lɛlɛ ká a daa a gã, sɛnɛ, a busu lɛ lɛ nya. Tán min din tumaa goã giɛ a ganaa ka kaãbaa nɛ, bɛ̀ ǹ kɔ lɛ.


Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.


N yii bɛ́ Tɔɔ mɛn ganaa, a yii goã koo, sɛnɛ, a yii a koo doo wa. Á re soe nɔmaa ǹ nyankɔrɔ zuzulu lɛ nɛ a wo a ziziɛ̃ ǹ bǎã nɛ. Tán minin mɛnɛn bɛ́ ǹ tɔ goã kiɛ̃-n yiikoonaabaa ǹ sɛ́wɔ kɛ nɛ kanaa giala kɔ waáraa wa, bɛ̀ bɛn nə́ yɛ, á re ǹ tɔwɛɛ. Taãn nɛ, a na á goã a yii n koo lɛlɛ, a yii ná a koo doo wa, sɛnɛ, a n die wusii a daa doo.


Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ