Danayeli sɛ́wɔ 3:6 - LAWA A BOO SONBORE 2011

⁶ Bɛ̀ min woo min nə́ n piã mà a ba kiɛ tán a na a guguru kɔ wa, ǹ die ǹ bɛa dɛnaa kũ a din bǎã nɛ, ǹ zũ nyankɔrɔ tɛ girigiri kɛ bii.»

Danayeli sɛ́wɔ 3:6 ပူးပေါင်းရင်းမြစ်များ

Siin Giala 19:28

Á n yii saa á ga Sodɔmu laanka Gomɔɔrɔ ganaa, ka ǹ lɛkoro lɛ-a bǎãn kɛn tumaa nɛ. Á tɛmaa yɛ yui tán kurukuru ka kùsì gole wɔ bɛ́ lɔn.

Bɔ bɛ̀rɛbaa nɛ 20:5

N baran n kuməə bɛa lawan kɛn lɛn yɔrɔ-a, n nə ǹ guguru kɔ wa. A giala, masɛ din Dɛnaa, n Lawa lɛ, maa sii á kaka, maa lɛ koe lawa kɔsɔ ganaa wa. Man digolon sã a dɔlɔ boe ǹ nɛnyaanan ganaa, ka ǹ nɔ̀ɔnɔn nɛ, yǎa a woe doe nɔ̀ɔ fulupaa ganaa, bɛ̀ á daa yǎa ǹ ba masɛ narɛ wa.

Izayii 44:17

Gɔn lɛ a gialakun ke, a n dì zɛnɛɛ nɛ, màn nyin lɛa. A kaa tán a yɔrɔ-a a na a guguru kɔ, a ná a nyankoe kɛnɛn: «Ma n maa lawa lɛa, ma kirisibaa!»

Zeremii 29:22

Ǹ Zudaa min mɛn tumaa goa ǹ nə́ woo ne Baabilonii gána nɛ, ǹsɛn min paa tɔ á re sii a kɔnboe biɛ bɛ̀ ǹ tá lɛn baraa bíi. A giala maǹ die pii: «Dɛnaa Lawa die a n baa ka Sedekiasi bɛ́ lɔn hinlaa ka Akaabu bɛ́ lɔn Baabiloniin kii nə́ ǹ kaa tɛ-n!»

Danayeli sɛ́wɔ 2:5

Kii doɛ̃-wɔlen lɛn lɛ si á pɛ ǹ nɛ: «Ma parsii boo á ke: Bɛ̀ ka narɛɛ lɛ laanka a binyəə pɛ ma-n wa, man ka kakaɛ̃, ma kaa kionən bɔyaa ma ǹ baa ton ton bɔlɔ lɛa.

Danayeli sɛ́wɔ 3:11

Bɛ̀ min woo min nə́ n piã mà a ba kiɛ tán a na a guguru kɔ wa, wɔ bɛa dɛnaa kũ wɔ zũ nyankɔrɔ tɛ girigiri kɛ bii.

Danayeli sɛ́wɔ 3:15

Haya! Ka tá re bɛn wuu lɛ miɛ doo, pìi ni, tùtun ni, kɔnkoɛ̃ɛn nɛ, ka bɛ̀ dɛ ǹ mànan tɔrɔ tumaa wuu ni. Bɛ̀ ka bɛa mànan kɛn lɛn wuu ma, ma màn nyín mɛn lɛ zɛnaa, ka á re lɛ koe ka kaa tán ka na a guguru kɔ? Bɛ̀ ka n piã mà ka ba a guguru koe wa-ǹ tá re ka kuĩ a din bǎã-n gɔrɔ, ǹ ka zũ nyankɔrɔ tɛ girigiri kɛ bii. Lawa mɛn nə die boe la a ka si masɛ gɔn?»

Danayeli sɛ́wɔ 3:21

A din bǎã-n gɔrɔ, ǹ nə́ bɛa minin lɛn yii ka ǹ wɔ ǹ mɔnaan laanka ǹ bafolon ne ǹ ganaa, ǹ nə́ ǹ zũ nyankɔrɔ tɛ girigiri lɛ nɛ.

Danayeli sɛ́wɔ 3:7

Bɛ nə n da lɔn, tɔrɔ tumaa a minin ni, gána tumaa wɔn nɛ, bɔlɔ woo bɔlɔ a pɛlen ne, min mɛn tumaa bɛn lɛ wuu ma, pìi lɛ nɛ, tùtun lɛn nɛ, kɔnkoɛ̃ɛn lɛ nɛ, ka bɛ̀ dɛ ǹ mànan tɔrɔ tumaa nɛ, ǹ tumaa kaa tán ǹ nə́ sana màn nyín lɛ guguru kɔ, kii Nebukadenezɔɔrɔ nə ǹ mɛn lɛ doa tán.

Danayeli sɛ́wɔ 5:19

A golebaa mɛn lɛ kɔ la, bɛ lɛ na á toa, tɔrɔn tumaa laanka gánan tumaa a minin gɔ̀nɔn nə́ goã bìn diɛ a nyɛɛnɛ, ka bɔlɔ tumaa a pɛlen ne. Bɛ̀ a tá li a min mɛn dɛ, a n bɛ dii, bɛ̀ a tá li a min mɛn yii toa koo, a n bɛ yii toɛ koo. Bɛ̀ a tá li a min mɛn saa lon, a n bɛ siɛ lon, bɛ̀ a tá li a min mɛn gisĩ, a n bɛ gisĩ.

Danayeli sɛ́wɔ 6:7

Bɛa goledɛnaa dadaran laanka gánadɛnaa dadaran lɛn nə́ woo dɔ kii li ka baa nɛ, ǹ nə́ pɛ nɛ kɛnɛn: – Kii Dariyusu, Lawa die a n nyin toa yǎa duduu!

Matiə 13:42

ǹ nə ǹ kaa tɛ-n, ǹ wuu pɛ walan ǹ sɔ kere bɔ.

Matiə 13:50

ǹ nə ǹ kaa tɛ-n. Maǹ die wuu pii walan ǹ sɔ kere bɔ.»

Matiə 4:9

Á tɔ́n pɛ nɛ: «Bɛ̀ ń lɛ kɔ n kaa tán masɛ giulun, n masɛ guguru kɔ, masɛ n kɛ din tumaa koe n la.»

Marki 6:27

Bɛa bǎã-n gɔrɔ, a sɔraasin giĩ mɛn a dí bɛ́ ka bɛ nɛ, á bɛ dia, mà a wo Zaã mìi na, a da nɛ. Sɔraasin giĩ lɛ woo wɔ kòso kion, á Zaã mìi kuru.

Sii-nyaan 14:11

Ǹsɛn mɛnɛn bɛ́ Tɔɔ kɛ laanka a nyín guguru koe, a tɔ n kiɛ̃ nɛ ǹ ganaa, tèlò-n ka baayɛlɛ nɛ, ǹ ba re susui yii wa. Tɛ mɛn bɛ́ re ǹ kuĩ, a tɛmaa á re yui yǎa duduu.»

Sii-nyaan 9:2

Leere lɛ bɛ́ á bɛa nyankɔrɔ zuzulu kɛ lɛ lɛ bũ, tɛmaa soo a nɛ, a n kɔnboe ka kùsì kaara tɛmaa nɛ. Nyankɔrɔ lɛ a tɛmaa wasa kũ á baa tì ka lon tumaa nɛ.