Danayeli sɛ́wɔ 3:4 - LAWA A BOO SONBORE 2011

⁴ Bɛa biikoo li, lɛ-diali tɔ́n nə n lɛ dɛ kɔsɛkɔsɛ á pɛ kɛnɛn: – Hee, tɔrɔ woo tɔrɔ, gána woo gána, bɔlɔ woo bɔlɔ a pɛlen, kii mà ma kɛ pɛ ka nɛ:

Danayeli sɛ́wɔ 3:4 ပူးပေါင်းရင်းမြစ်များ

Ɛsit 8:9

Ǹ nə́ lɛ dia kii a sɛ́wɔ-kiɛ̃lin la a din bǎã nɛ. *Sivan mui ke lɛ̀ a mui sɔɔbaa ǹ wɔ lɛa, bɛa lɛawaa fuəwensɔɔbaa ǹ wɔ nɛ, ǹ nə́ sɛ́wɔ lɛ kiɛ̃, á kɔnpɛ ka Mardoose a da ǹ boon ne. Ǹ nə́ dia Zuifun lɛn la, ka pàãdɛnan nɛ, ka kiwin sii yɔrɔ-bɔlen ne. Ǹ nə́ dia kii a kiodɛnan kɛn la gána lɛ a bǎãn mìi la, bǎã paabiɛ ka fuəwensɔbaa, a saa Ɛndi gána ganaa a wo Etiopii gána yaa. Bǎã gogoonmaa a sɛ́wɔ na á n kiɛ̃, ka a sɛ́wɔ kiɛ̃ ǹ gɔn nɛ, tɔrɔ gogoonmaa a sɛ́wɔ na á n kiɛ̃ a bɔlɔ nɛ. Zuifun dɔn wɔ naá n kiɛ̃ ǹ bɔlɔ nɛ, ka ǹ sɛ́wɔ kiɛ̃ ǹ gɔn nɛ.

Izayii 40:9

*Siɔn boo tii kɔɔ̃n pɛle, dii kele sasa la, Zeruzalɛmu, boo tii kɔɔ̃n pɛle, n lɛn saa ka pàã nɛ, n lɛn saa lon, nyɛ́ɛ nyan nə n kũ wa. A pɛ Zudaa kiwin manɛ: «Kaa Lawa á ke!

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Danayeli sɛ́wɔ 3:10

N dinmaa kii nə n pɛ kɛnɛn: Min woo min bɛ́ re bɛn wuú miɛ, pìi ni, tùtun ni, ka bɛ̀ dɛ ǹ mànan tɔrɔ tumaa wuu ni, ǹ dɛnaa kaa tán a sana màn nyín kɛ guguru kɔ.

Danayeli sɛ́wɔ 3:7

Bɛ nə n da lɔn, tɔrɔ tumaa a minin ni, gána tumaa wɔn nɛ, bɔlɔ woo bɔlɔ a pɛlen ne, min mɛn tumaa bɛn lɛ wuu ma, pìi lɛ nɛ, tùtun lɛn nɛ, kɔnkoɛ̃ɛn lɛ nɛ, ka bɛ̀ dɛ ǹ mànan tɔrɔ tumaa nɛ, ǹ tumaa kaa tán ǹ nə́ sana màn nyín lɛ guguru kɔ, kii Nebukadenezɔɔrɔ nə ǹ mɛn lɛ doa tán.

Danayeli sɛ́wɔ 4:1

Kii lɛ wusoo á pɛ kɛnɛn: – Masɛ Nebukadenezɔɔrɔ-n má goã maa kion, yii-nyɛɛ la, ma foo yii n kɔɔ̃nɛ maa kii kion kɛ nɛ.

Danayeli sɛ́wɔ 4:14

Bɛa dɔlɔ boo ke, lon na dia wolen man nə́ daa pɛ, boo kɛ lɛ, lon a dia dí-a wolen man nə́ daa pɛ, màn mɛn bɛ́ toɛ, minbuiinin nə dɔ̃, mà Lawa mɛn bɛ́ lon sɔsɔɔ, bɛ n minbuiinin kiibaa mìi la. Bɛ̀ a din tá li mà a kɔ min mɛn la, a n koe bɛ la, a din nə din gisĩi wole siɛ a da kiibaa la.

Danayeli sɛ́wɔ 6:25

Kii tɔ́n pɛ, mà min mɛnɛn lɛn nə goã ǹ nə́ Danayeli biɛ kɔ, mà ǹ bɛn kũ ǹ da ǹ nɛ. Ǹ nə́ ǹ kũ ǹ nə́ daa ǹ zũ yàran yala lɛ nɛ, ǹ lɔn laanka ǹ nɛnyaanan nɛ. Yàran lɛn nə́ ǹ kũ, ǹ nə́ ǹ pɔpɔsɛ kɔn, bɛ̀ ǹ tɔn dɔ tán yala lɛ din gɔ́ɔ̃-n wa.

Ozee 5:11

Ǹ tá re boe Efrayimu tɔrɔn kɛn yii ni, ǹ tá re mɛnɛɛ ǹ la kiri wɔ ǹ bǎã nɛ. A giala, ǹ dinin man nə́ n laa sii kooro zɛnaa ganaa.

Misee 6:16

Ɔmuri a landa sii kɔrɔn kɛn, a nɛ Akaabu a kion minin zɛnaa ǹ sii gɛsɛn kɛn tumaa, ka gɔn nə paraa-n bɛn lɛn ganaa. Bɛ lɛ a lɛa nɛ, ma á die kaa gána lɛ yui. Kaa kiwi minin kɛn, ǹ tá re bɛn diɛ yaa lɛa. Sìi sii mɛn bɛ́ re maa zaman lɛ yii, a guĩ á re doe ka ganaa.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.