Danayeli sɛ́wɔ 3:29 - LAWA A BOO SONBORE 2011

²⁹ Bɛ lɛ nɛ, masɛ á kɛ pii koɛ tán: «Tɔrɔn tumaa bii, gána woo gána nɛ, bɔlɔ woo bɔlɔ a pɛlen bii, bɛ̀ min mɛn boo baraa da Sadraki laanka Mesaki ka Abɛdi-Negoo a Lawa ganaa, ǹ die ǹ bɛa dɛnaa kakã, ǹ na a kion bɔyaa, ǹ baa kɛbɔlɔ lɛa. A giala, lawa kɔsɔ banban, a boo la a min bɔ sii-n kɛnɛn wa.»

Danayeli sɛ́wɔ 3:29 ပူးပေါင်းရင်းမြစ်များ

Kiin2 10:27

Ǹ bɛ́ ǹ nə́ Baali a tíĩn lɛn ziziɛ̃ ǹ nə́ nya, ǹ nə́ Baali guguru kɔ ǹ kion lɛ dɔ wuru, bɛa bǎã lɛ lalaa kɔ ǹ bǎã baa. Bɛa lalaa kɔ ǹ bǎã lɛ goã yǎa á daa dɔ pelo ganaa.

Ɛsidrasi 6:11

Min mɛn bɛ́ a re koe bɛa boo kɛ lɛ wa, man kɛ pii ǹ dɛnaa wɔ paǹ li: Ǹ die ǹ mɛn goon bɔ ǹ dɛnaa a kion ne, ǹ da bii-a, ǹ nə ǹ dɛnaa saa ǹ dere lɛ. Ka bɛ dɔ nɛ, ǹ die ǹ nə ǹ dɛnaa a kion baa tonton bɔlɔ lɛa.

Loen 3:8

Dɛnaa Lawa, n dɔ ma lɛ! E, maa Lawa, da ma la! N din lɛ n dɔlɔ boe maa zɔ́ɔn tumaa ganaa. N din lɛ n toɛ, min baraan kɛn ba boe la ǹ basaã kɔ ma-n wa.

Loen 76:10

Bɛ̀ n yoo kiri kurii li, n nə́ die kanaa lɛ a nɔmaa-wɔlen kirisibiɛ, nyɛ́ɛ n tán minin kuĩ, ǹ golee ka kiĩni. Doa

Danayeli sɛ́wɔ 1:19

Kii lɛ sùn baa kunun ǹ ni. Sɛnɛ, ǹ dinin tumaa bii, Danayeli ni, Anania nɛ, Mikayeli laanka Azaria nɛ, a min kɔn yɛ ka bɛn bɛ́ lɔn wa. Bɛ lɛ nɛ, ǹsɛn lɛn nə́ tɔ́n kii a dí-nyalin baa.

Danayeli sɛ́wɔ 1:7

Dí-nyalin goledɛnaa lɛ tɔ kɔsɔn wɔ ǹ ganaa: á Danayeli bíi Bɛlsazaara, á Anania bíi Sadraki, á Mikayeli bíi Mesaki, á Azaria bíi Abɛdi-Negoo.

Danayeli sɛ́wɔ 2:17

Danayeli bɛ́ á soo walan á dɔ piɛ, á sii lɛ laakalaa a tá-kun wolen lɛn manɛ: Anania nɛ, Mikayeli ni ka Azaria nɛ.

Danayeli sɛ́wɔ 2:47

Á tɔ́n boo da Danayeli ni á pɛ nɛ: – N bɛ́ n boo la n sii-durii kɛ nyaa masɛ nɛ, taãnɛ sonbore! Kaa Lawa lɛ n lawan Lawa lɛa, kiin Dɛnaa lɛa, sii duriin nyaali lɛa.

Danayeli sɛ́wɔ 2:49

A kɔnpɛ ka Danayeli a nyankɔ nɛ, kii lɛ Sadraki saa, Mesaki laanka Abɛdi-Negoo ne, á ǹ kaa Baabilonii gána lɛ a dí lɛn la. Danayeli dinmaa na á goã dí nyɛɛ kii a sumu-n.

Danayeli sɛ́wɔ 2:5

Kii doɛ̃-wɔlen lɛn lɛ si á pɛ ǹ nɛ: «Ma parsii boo á ke: Bɛ̀ ka narɛɛ lɛ laanka a binyəə pɛ ma-n wa, man ka kakaɛ̃, ma kaa kionən bɔyaa ma ǹ baa ton ton bɔlɔ lɛa.

Danayeli sɛ́wɔ 3:12

Zuifun kɔnɔn tan, n goa ń nə ǹ kaa Baabilonii gána a dí lɛn la: Sadraki ni, Mesaki ni, ka Abɛdi-Negoo ni. Kii, bɛa minin kɛn lɛn nə nyɛ́ɛ baa n nɛ wa. Ǹ ba dí nyɛɛ n dìn man wa, n sana màn nyín mɛn doa tán, ǹ ba bɛ dɔ guguru koe wa.»

Danayeli sɛ́wɔ 3:15

Haya! Ka tá re bɛn wuu lɛ miɛ doo, pìi ni, tùtun ni, kɔnkoɛ̃ɛn nɛ, ka bɛ̀ dɛ ǹ mànan tɔrɔ tumaa wuu ni. Bɛ̀ ka bɛa mànan kɛn lɛn wuu ma, ma màn nyín mɛn lɛ zɛnaa, ka á re lɛ koe ka kaa tán ka na a guguru kɔ? Bɛ̀ ka n piã mà ka ba a guguru koe wa-ǹ tá re ka kuĩ a din bǎã-n gɔrɔ, ǹ ka zũ nyankɔrɔ tɛ girigiri kɛ bii. Lawa mɛn nə die boe la a ka si masɛ gɔn?»

Danayeli sɛ́wɔ 3:17

Ta a na á ǹ mɛn baa, wɔsɛn Lawa kɛ lɛ wɔ á dí nyɛɛ nɛ, bɛ lɛ á re wɔsɛn boe nyankɔrɔ tɛ girigiri kɛ lɛ nɛ, a wɔ si n din kii kɛ lɛ la.

Danayeli sɛ́wɔ 3:28

Nebukadenezɔɔrɔ tɔ́n pɛ: – Ma á barka diɛ Sadraki laanka Mesaki ka Abɛdi-Negoo a Lawa nɛ. A din na á ná a lon a dia dí-a wole dia, á daa a dí-nyalin kirisibaa. A giala, ǹ nə́ n foo doa n ganaa, ǹ nə́ n piã ka masɛ a boo ne, ǹ nə́ n dinin nyin kɔ, mà ǹsɛn ba re lawa kɔsɔ guguru koe wa, bɛ̀ á n bɔ ǹ dinin Lawa kɛ nɛ.

Danayeli sɛ́wɔ 6:28

A din nə min boe sii ni, a din nə min kirisibiɛ. Sii nyaa ǹ siin laanka kaãbaa ǹ sii dadaran kɛn, a din nə bɛn zɛnɛɛ lon laanka tán nɛ. Sonbore, a din na á Danayeli si yàran la á da.»

Timəə dí-pɛn 32:31

A giala, màn mɛn bɛ́ wɔa zɔ́ɔn lɛn tamaɛ, bɛ pàã dɔ wɔsɛn tamaali Lawa kɛ wɔ li wa. Ǹ dininmaan tá bɛ doɛ̃.