Danayeli sɛ́wɔ 3:2 - LAWA A BOO SONBORE 2011

^2-3 Bɛ kio, Nebukadenezɔɔrɔ minin dia, mà ǹ wo lɛ dia gánadɛnaa dadaran la, wɔrɔ sii yɔrɔ bɔlen ne, gánadɛnaa bisinin ni, yiri kɔ minin la wolen ne, wɔrɔ-tamaalin ni, landa a sii yɔrɔ bɔlen ne, kiri-kurulin ni ka pàã dí-nyalin tumaa nɛ, màn mɛn bɛ́ toɛ, a din nə màn nyín mɛn lɛ doa, ǹ da bɛa zɔ́n ganaa. Ǹ tumaa daa n sɔkɔn bɛa zɔ́n lɛ taman yii, ǹ nə́ golee màn nyín lɛ yɔrɔ-a.

Danayeli sɛ́wɔ 3:2 ပူးပေါင်းရင်းမြစ်များ

Kiin1 12:32

Mui mɛn bɛ́ lɛ̀ a mui a kiwisi baa ǹ wɔ lɛa, Zeroboamu zɔ́n goon zɛnaa bɛ li, a lɛawaa fulusoorobaa ǹ wɔ pinaa. Á bɛ baa zɔ́n lɛa ka ǹ bɛ́ nɛn bɛ̀ ǹ zɛnaa Zudaa gána-n lɔn. Zeroboamu woo *wúlu bɔ ǹ bǎã nɛ. A na á zɛnaa miɛ̃ Betɛli dɔ nɛ, a diin nɛ nyínin mɛnɛn lɛn zɛnaa, á wúlu bɔ ǹ ganaa. A wúlu bɔ ǹ bǎãn mɛnɛn dɔ, á bɛn wúlu-bɔlen bɔ á ǹ koa Betɛli.

Suusun 29:12

Bɛ̀ kii lɛ kɔ á n too kɔ soɛn li, a dí-nyali tumaa n min bɔnɛɛ biɛ.

Danayeli sɛ́wɔ 3:27

Bɛ kio, kii lɛ a gánadɛnaa dadaran nɛ, a wɔrɔ sii yɔrɔ-bɔlen ne, a gánadɛnaa bisinin laanka a yiri kɔmala wolen ne, bɛn nə́ paã ǹ nə́ ga minin lɛn ganaa. Ǹ nə́ yɛ mà tɛ lɛ màn kɔn zɛnaa ǹ gɔ̀nɔn nɛ wa, a ǹ mìi ka dodolo wa, ǹ mɔnaan manə ǹ dinin yii lɛa, tɛ gìĩ din ba ǹ ganaa wa.

Minin nimi 25:2

Bɛa lɔn lɛn man nə́ goã lɛ diɛ Izirayeli zaman lɛ la, ǹ dì wúlu bɔn ganaa. Zaman lɛ dɔ na á goã woe màn bii, bɛ̀ ǹ nə ǹ dìn lɛn guguru kɔ.

Sii-nyaan 17:2

Kanaa a kiin tumaa nə́ n dinin kɔ a din kũ doɛ̃baã siin kɛn la, tán minbuiin tumaa lɛ kɔ á ǹ bebere ka a din kũ doɛ̃baã siin kɛn nɛ, ǹ nə́ ziziɛ̃.»

Sii yɔrɔ-bɔlen 16:23

Ǹ kɔn pinaa, Filisiti minin kiin lɛn nə́ n lɛ sɔkɔn. Ǹ dì Dagɔn kɛ lɛ ǹ lawa lɛa, ǹ nə́ *wúlu màn gole kɔ bɛ la, ǹ nə́ n nyɛnyɛɛ. N nə́ goã loe loe kɛnɛn: wɔa lawa na á wɔa zɔ́ɔ Sansɔn lɛ wɔ wɔ gɔn.