Danayeli sɛ́wɔ 3:17 - LAWA A BOO SONBORE 2011

¹⁷ Ta a na á ǹ mɛn baa, wɔsɛn Lawa kɛ lɛ wɔ á dí nyɛɛ nɛ, bɛ lɛ á re wɔsɛn boe nyankɔrɔ tɛ girigiri kɛ lɛ nɛ, a wɔ si n din kii kɛ lɛ la.

Danayeli sɛ́wɔ 3:17 ပူးပေါင်းရင်းမြစ်များ

Siin Giala 17:1

Abramu lɛ̀ pɔmanangɔrɔwenmanangɔrɔ, Dɛnaa nə́ n din nyaa nɛ, á pɛ nɛ kɛnɛn: «Ma din nə Lawa Pàãyiidɛnaa lɛa. Tɔ wɔ masɛ yɔrɔ-a pepere, zɛ̀rɛ baran goã n ganaa wa.

Siin Giala 18:14

Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

Zɔbu 34:29

Sɛnɛ, bɛ̀ Lawa ba li a sii zɛnaa wa, die n die a zɛ̀rɛ biɛ? Bɛ̀ á n duru, die n boe la a yɛ? A bɛ́ giɛ tɔrɔn walan lɔn, a n giɛ min gogoonmaa dɔ walan miɛ̃.

Zɔbu 5:19

Ta nɔmaa sɔrɔ nɛ, á die n kirisibiɛ ǹ ganaa. Ta a din na á dɔ sɔbaa, baraa ba re doe n ganaa wa.

Loen 115:3

Wɔsɛn Lawa lɛ n lon. A bɛ́ sii mɛn li, a n bɛ zɛnɛɛ.

Loen 37:39

Dɛnaa Lawa n min sonboren kirisibiɛ. A din nə ǹ tamaɛ fuu-yɛ biikoo li.

Loen 37:40

Dɛnaa Lawa nə n doe ǹ lɛ, a tá ǹ sii ǹ kiɛ. A nə ǹ kanbiɛ min baraan ganaa, a tá ǹ kirisibiɛ. A giala, maǹ nə́ kaa a din yele.

Loen 73:20

Dɛnaa, bɛ̀ n yoo ǹ li, maǹ die papaɛ̃ ǹ nə n bɔ n yɔrɔ-a, ka min a narɛ ǹ siin bɛ́ papaɛ̃ ǹ nə n bɔ a yɔrɔ-a lɔn, bɛ̀ á yoo nyuù ni.

Izayii 12:2

Á ke, Dɛnaa Lawa n ma kirisibaali lɛa. Ma foo n doa nɛ a din ganaa, nyɛ́ɛ ba ma ganaa doo wa. Dɛnaa Lawa n ma pàã laanka maa loe lɛa, ma kirisibaali ni.»

Izayii 54:14

Peperebaa n die pàã koe n la. Giã tìãlɛa mɛnaa ma la ganaa, nyɛ́ɛ ba re n kuĩ doo wa. N wɔlɔ sɔsɔɔ kɔ nyɛ́ɛ ganaa, a ba re n mɔrɛ n ganaa doo wa.

Zeremii 1:8

N baran nyɛ́ɛ baa ǹ nɛ wa, ma á kunun n ni, ma n kirisibaa. Dɛnaa Lawa a da ǹ boo ne.

Zeremii 15:20

Man die n biɛ ka zan kungɔn bɛ́ lɔn, min kɔn ná a boe la a nɔɔ a kaa wa. Ǹ tá re yui n gialaa, sɛnɛ, ǹ ba re boe n la wa. Sonbore, ma á re goɛ̃ kunun n ni, ma á re n kirisibiɛ. Dɛnaa Lawa a da ǹ boo ne

Zeremii 15:21

Ma á re n gɔsiɛ ma n bɔ min baraan gɔn, ma n kanbaa min kakaarɛn pàã ganaa.

Danayeli sɛ́wɔ 3:26

Yankɔrɔ lɛ, tɛ lɛ goã kuĩ a nɛ girigiri, Nebukadenezɔɔrɔ tɔ́n nə n zɔ̃ á dɔ bɛ lɛ-a, á lɛ dia ka koee á pɛ: «Sadraki, Mesaki, Abɛdi-Negoo, lon a Lawa a dí-nyalin, ka soo ka daa!» A din bǎã-n gɔrɔ, ǹ dinin min sɔɔ soo ǹ nə́ n bɔ tɛ lɛ bii.

Danayeli sɛ́wɔ 6:16

Sɛnɛ, minin lɛn nə́ wusoo ǹ nə́ yiɛ ǹ nə́ woo kii li, ǹ nə́ pɛ nɛ: «Kii, táa n din tá doɛ̃ mà a kɔnpɛ ka Mɛdi minin laanka Pɛrɛsi minin landa nɛ, bɛ̀ kii din pɛ mà sii mɛn ba n zɛnɛɛ wa, bɛ̀ á landa mɛn koa, bɛ ba n bɔyɛɛ wa.»

Danayeli sɛ́wɔ 6:23

Masɛ a Lawa ná a lon a dia dí-a wole dia, á daa yàran lɛn lɛ tã. Bɛ lɛ nɛ, ǹ boo la ǹ nə́ sii kɔn zɛnaa ma-n wa. A giala, Lawa lɛ zɛ̀rɛ yɛ ma ganaa wa, n din kii dɔ wɔ paǹ li, ma sii kɔn la wa.»

Danayeli sɛ́wɔ 6:27

Man pii ka nɛ, máa maa gána lɛ a bǎã tumaa nɛ, min tumaa doamaa nɛ a nyɛ́ɛ baa Danayeli a Lawa kɛ-n taãn-taãnɛ. A giala, a din lɛ n Lawa yiikoonaa lɛa, a din lɛ na a tan yǎa duduu. A kiibaa kɛ a ziziɛ̃ wa, a goledɛnaabaa kɛ na a tan yǎa duduu.

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Luku 1:37

A dɔ̃ sonbore, mà sii kɔ́n ba piɛ̃ Lawa ganaa wa.»

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 21:13

Á tɔ́n wɔ lɛ si: «Wàa mɛn wuu-n ka á pii, ka n masɛ foo pipii? Ma yɔrɔ boemaa nɛ, ta gɛ̀ lɛ dɔ din ni masɛ á re we Zeruzalɛmu, Dɛnaa Yezu tɔ kɛ lɛ a lɛa, masɛ lɛ kɔ, sanparɛ ka kũ a yii ni.»

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Korɛnti2 1:10

A din na á ma kirisibaa bɛ miã gɛ̀ kɛ lɛ ganaa. Á re ma kirisibiɛ doo dinin. Hiĩ, man má n foo doa a din lɛ ganaa, á tɔn die ma kirisibiɛ doo.

Ebrəə 7:25

Bɛ lɛ taman yii ni, min mɛnɛn bɛ́ n mɔrɛ Lawa ganaa a din barka nɛ, á boe la, a bɛn kirisibaa yǎa a giala-nyɔmiɛ ganaa, a giala, a dinmaa lɛ yii n koo yǎa duduu, á n Lawa nyankoe ǹ lɛa.

Samayeli1 17:37

Davida nə́ n toa doo: «Dɛnaa Lawa mɛn nə ma si yàra laanka kuruu la, a din ni die ma sii Filisiti min kɛ lɛ la.» Sayulu pɛ Davida nɛ: «Woo, Dɛnaa Lawa die a goã kunun n ni.»

Samayeli1 17:46

Pelo dinin, Dɛnaa Lawa tá re n we ma gɔn, masɛ n die n dii, man mìi na. Pelo dinin, man die Filisiti sɔraasin geren koe bàanan laanka don mànan la, tán kuturu tá re doɛ̃, mà Izirayeli a Lawa tan.