Danayeli sɛ́wɔ 3:15 - LAWA A BOO SONBORE 2011

¹⁵ Haya! Ka tá re bɛn wuu lɛ miɛ doo, pìi ni, tùtun ni, kɔnkoɛ̃ɛn nɛ, ka bɛ̀ dɛ ǹ mànan tɔrɔ tumaa wuu ni. Bɛ̀ ka bɛa mànan kɛn lɛn wuu ma, ma màn nyín mɛn lɛ zɛnaa, ka á re lɛ koe ka kaa tán ka na a guguru kɔ? Bɛ̀ ka n piã mà ka ba a guguru koe wa-ǹ tá re ka kuĩ a din bǎã-n gɔrɔ, ǹ ka zũ nyankɔrɔ tɛ girigiri kɛ bii. Lawa mɛn nə die boe la a ka si masɛ gɔn?»

Danayeli sɛ́wɔ 3:15 ပူးပေါင်းရင်းမြစ်များ

Kiin2 18:35

Bɛa gánan kɛn lɛn dìn lɛn tumaa, ǹ mɛn na a ná a gána si ma la á da, Dɛnaa Lawa sɛ tɔn boo la a Zeruzalɛmu si masɛ la a da?»

Bɔ bɛ̀rɛbaa nɛ 32:32

Sɛnɛ kanna, masɛ nə n nyankoe, bɛ̀ ń boe la, n sii baraa gole kɛ toa ǹ nɛ. Dɛnaa, bɛ̀ a ba n zɛnɛɛ miɛ̃ wa, n masɛ tɔ tuturu, n bɔ yiikoonaabaa ǹ sɛ́wɔ kɛ lɛ nɛ, n din kiɛ̃.»

Bɔ bɛ̀rɛbaa nɛ 5:2

Faarahɔn pɛ: «Dɛnaa lɛ n die lɛa, ma tɔn nə n too kɔ a boo ganaa, ma toa Izirayeli nɛnyaanan nə woo? Ma a Dɛnaa doɛ̃ wa, ma a toɛ Izirayeli nɛnyaanan nə woo wa.»

Izayii 37:23

Ma nə ń sɔ kɔ die ganaa? Ma nə ń die piɛ̃ bɔ? N yii na á wɔ n boo da die ganaa? Ma nə n ga die ganaa ka din koa nɛ? Masɛ din Izirayeli a Lawa sonbore kɛ nɛ!

Danayeli sɛ́wɔ 2:47

Á tɔ́n boo da Danayeli ni á pɛ nɛ: – N bɛ́ n boo la n sii-durii kɛ nyaa masɛ nɛ, taãnɛ sonbore! Kaa Lawa lɛ n lawan Lawa lɛa, kiin Dɛnaa lɛa, sii duriin nyaali lɛa.

Danayeli sɛ́wɔ 2:9

Bɛ̀ ka narɛɛ lɛ pɛ ma-n wa, dɔlɔ goon nə die n boe ka dinin tumaa ganaa. Ka n ká ga soɛ li kun, ka n die boe masɛ nɛ, masɛ bebele ne, bɛ̀ sii lɛ baa n bɔyɛɛ. Bɛ boo bie wa! Ka narɛɛ lɛ pɛ masɛ nɛ, ma á re doɛ̃ ka bɛ nɛ, má ka á re boe la ka a binyəə dɔ pɛ masɛ nɛ.»

Danayeli sɛ́wɔ 3:17

Ta a na á ǹ mɛn baa, wɔsɛn Lawa kɛ lɛ wɔ á dí nyɛɛ nɛ, bɛ lɛ á re wɔsɛn boe nyankɔrɔ tɛ girigiri kɛ lɛ nɛ, a wɔ si n din kii kɛ lɛ la.

Danayeli sɛ́wɔ 6:16

Sɛnɛ, minin lɛn nə́ wusoo ǹ nə́ yiɛ ǹ nə́ woo kii li, ǹ nə́ pɛ nɛ: «Kii, táa n din tá doɛ̃ mà a kɔnpɛ ka Mɛdi minin laanka Pɛrɛsi minin landa nɛ, bɛ̀ kii din pɛ mà sii mɛn ba n zɛnɛɛ wa, bɛ̀ á landa mɛn koa, bɛ ba n bɔyɛɛ wa.»

Danayeli sɛ́wɔ 6:20

Lɛ̀ din waa lɔn, kii yoo baayɛlɛ yiisoone, á woo yàran yala lɛ lɛ-a ka baa nɛ.

Matiə 10:19

Bɛ̀ ǹ tá woe ka nɛ kiri kuru ǹ bǎã nɛ, ka baran ǹ gɔ́ɔ̃ bii ka kaa da ǹ boo-n wa, ka baran ǹ gɔ́ɔ̃ bii ka a da ǹ gɔn dɔ-n wa. Ka doamaa bɛ́ nɛ ka boon mɛnɛn da, Lawa á re bɛa boon lɛn koe ka la a din biikoo kɛ lɛ li.

Matiə 27:43

N foo doa Lawa ganaa n pɛ, mà nsɛ n Lawa a Nɛgiĩ lɛa. Haya! Bɛ̀ Lawa lɛ a n narɛ kəni, a n kirisibaa sisia, wɔsɛn nə yɛ!»

Marki 13:11

Bɛ̀ ń yaa ǹ nə́ ka kũ mà maǹ woe kiri we ka ganaa, ka baran saa lɛlɛ ka n gɔ́ɔ̃ bii ka kaa da ǹ boo-n wa. Lawa bɛ́ re boo mɛn koe ka la bɛa biikoo lɛ gɔ́ɔ̃ nɛ, ka bɛ lɛ pɛ. A giala, a bie boe ka dinin ni wa, Yiri Fu n die kaa da ǹ boo we ka lɛ-n.

Luku 12:11

Bɛ̀ ǹ nə́ ka kũ ǹ nə́ woo ka nɛ lɛsɔkɔn kionən ne, ǹ nə́ die kiri kuri ka la, hinlaa nyɛɛnaandɛnan kɔsɔn li ka pàã mìilan dɛnan nɛ, ka baran n gɔ́ɔ̃ bii ka ka bɔ ǹ gɔn nɛ wa, ka baran n gɔ́ɔ̃ bii ka kaa da ǹ boo dɔ-n wa.

Luku 13:9

Kɔntan á die nɛ koe lɛ̀boe. Bɛ̀ a nɛ kɔ wa, ma tɔn kuru.»

Nya ǹ dín 4:19

Sɛnɛ, Piɛrɛ laanka Zaã nə́ ǹ lɛ si: «Ka dinin nə ga sii màn paa kɛ bii, ǹ mɛn a zɛnaa n pepere Lawa yɔrɔ-a: Wɔsɛn nə ka bɔlɔ si, hinlaa wɔ Lawa bɔlɔ si? Ka dinin nə màn pɛ.»

Nya ǹ dín 5:29

Sɛnɛ, Piɛrɛ laanka dia dí-a wole gialakunun lɛn nə́ ǹ lɛ si: «Wɔsɛn doamaa nɛ, wɔ Lawa bɔlɔ si a la minbuiinin wɔ nɛ.

Nya ǹ dín 6:15

Kiri-wɔlen mɛnɛn tumaa goã bǎã lɛ nɛ, bɛn yii na á goã doa nɛ a din la, ǹ ná a yɔrɔ yɛ tɛ pii ka lon a dia dí-a wole wɔ bɛ́ lɔn.