Danayeli sɛ́wɔ 3:12 - LAWA A BOO SONBORE 2011

¹² Zuifun kɔnɔn tan, n goa ń nə ǹ kaa Baabilonii gána a dí lɛn la: Sadraki ni, Mesaki ni, ka Abɛdi-Negoo ni. Kii, bɛa minin kɛn lɛn nə nyɛ́ɛ baa n nɛ wa. Ǹ ba dí nyɛɛ n dìn man wa, n sana màn nyín mɛn doa tán, ǹ ba bɛ dɔ guguru koe wa.»

Danayeli sɛ́wɔ 3:12 ပူးပေါင်းရင်းမြစ်များ

Ɛsit 3:8

Haman tɔ́n pɛ kii Zɛrzɛsi ni: «Tɔrɔ lɛ kɔn tan a ba goon ka ǹ miãn nɛ wa. Bɛa tɔrɔ lɛ a minin tá ǹ mìi ni pɛsiɛ̃ nɛ tɔrɔn bii n gána lɛ a bǎãn tumaa nɛ. Ǹ sii zɛnaa ǹ gɔnɔn ba goon ka tɔrɔ kɔn wɔn nɛ wa, ǹ ba kii lɛ bɔlɔ sii wa. Bɛ̀ kii lɛ nə́ ǹ toa walan kiĩn ni, a là ba a-n wa.

Suusun 27:4

Kakaarɛbaa n nyɛ́ɛ da ǹ sii lɛa. Foo yoo n ka tà bɛ́ lɔn á pã á pisi. Die n boe la a gole foo yoo nyɛɛnɛ.

Boo-laakalaali 4:4

Má yɛ dɔn, máa dí din tumaa, sii a bǐɛ̃-kɔ din tumaa, foo a wuu pɛ kɔn li ni. Bɛ dɔ giala banban, a n piɛ̃ loo lɛa.

Danayeli sɛ́wɔ 1:7

Dí-nyalin goledɛnaa lɛ tɔ kɔsɔn wɔ ǹ ganaa: á Danayeli bíi Bɛlsazaara, á Anania bíi Sadraki, á Mikayeli bíi Mesaki, á Azaria bíi Abɛdi-Negoo.

Danayeli sɛ́wɔ 2:48

Bɛ kio, kii lɛ golebaa kɔ Danayeli la, á gɔ ka màn sonbore gigiã nɛ. Á koa Baabilonii bǎã tumaa a gánadɛnaa lɛa, á koa doɛ̃-wɔlen kɛn tumaa dɔ a nyɛɛnaandɛnaa gole lɛa.

Danayeli sɛ́wɔ 2:49

A kɔnpɛ ka Danayeli a nyankɔ nɛ, kii lɛ Sadraki saa, Mesaki laanka Abɛdi-Negoo ne, á ǹ kaa Baabilonii gána lɛ a dí lɛn la. Danayeli dinmaa na á goã dí nyɛɛ kii a sumu-n.

Danayeli sɛ́wɔ 3:11

Bɛ̀ min woo min nə́ n piã mà a ba kiɛ tán a na a guguru kɔ wa, wɔ bɛa dɛnaa kũ wɔ zũ nyankɔrɔ tɛ girigiri kɛ bii.

Danayeli sɛ́wɔ 3:16

Sadraki ni, Mesaki ni, Abɛdi-Negoo ne, ǹ nə́ kii lɛ si ǹ nə́ pɛ nɛ: «Kii Nebukadenezɔɔrɔ, là ba a ganaa, wɔsɛn nə boo kɔn da n nɛ sii kɛ lɛ gɔ́ɔ̃-n wa.

Danayeli sɛ́wɔ 3:29

Bɛ lɛ nɛ, masɛ á kɛ pii koɛ tán: «Tɔrɔn tumaa bii, gána woo gána nɛ, bɔlɔ woo bɔlɔ a pɛlen bii, bɛ̀ min mɛn boo baraa da Sadraki laanka Mesaki ka Abɛdi-Negoo a Lawa ganaa, ǹ die ǹ bɛa dɛnaa kakã, ǹ na a kion bɔyaa, ǹ baa kɛbɔlɔ lɛa. A giala, lawa kɔsɔ banban, a boo la a min bɔ sii-n kɛnɛn wa.»

Danayeli sɛ́wɔ 3:30

Bɛa sii lɛ kio, Sadraki lɛ nɛ, ka Mesaki laanka Abɛdi-Negoo ne kii lɛ nə́ ǹ kaa dí dadara lɛ la Baabilonii gána nɛ.

Danayeli sɛ́wɔ 6:13

Ǹ nə́ wusoo ǹ nə́ woo dɔ kii li, ǹ nə́ pɛ nɛ landa lɛ wɔ paǹ li: «Kii, táa n din ni nə gɔn bǎã da landa sɛ́wɔ lɛ nɛ, ǹ mɛn lɛ á ke pii kɛnɛn: A saa pelo ganaa, a wo dɔ lɛawaa pɔsɔɔ, bɛ̀ min mɛn kii din toa walan á lawa kɔsɔ hinlaa minbuiin nɛ nyankɔ, ǹ die ǹ bɛa dɛnaa kũ ǹ zũ yàran yala kɛ nɛ. N din bie ń pɛ miɛ̃ wa?» Kii tɔ́n nə ǹ lɛ si á pɛ: «Sii lɛ n miɛ̃, a kɔnpɛ ka Mɛdi minin laanka Pɛrsi minin landa nɛ, sàabaa ná a ba la wa.»

Danayeli sɛ́wɔ 6:14

Bɛa minin lɛn nə́ tɔ́n pɛ kii ni kɛnɛn: «Danayeli ke ń bɔ nɛ Zudaa gána nɛ kun ka wo bɛ̀rɛbaa ǹ bǎã n wolen ne, n dinmaa lɛ a màn kɔn lɛa a yii li wa. N goã ń nə́ n gɔn bǎã da landa sɛ́wɔ mɛn dɔ nɛ, bɛ dɔ a sii lɛa a yii li wa. Á ke, a na a Lawa nyankoe gunyin sɔɔ pinin goon.»

Nya ǹ dín 17:7

Zaazɔn na á lɛ kɔ ǹ nə́ n yu a piɛ. Kɛa minin kɛn nya ǹ dí n zia diɛ kii gole gole lɛ a boon ganaa. Maǹ pii mà kii kɔsɔ tan, a tɔ n Yezu.»

Nya ǹ dín 5:28

«Táa wɔsɛn nə́ pɛ wɔ́ laa ka ganaa, wáa ka baran minin daraa bɛa tɔ kɛ lɛ ganaa wa. Á ke, ka kaa daraa lɛ wɔ Zeruzalɛmu kiwi minin tumaa yiri ni. Ka ǹ li mà giĩ kɛ lɛ a gɛ̀ dɔlɔ wɔsɛn kũ?»