Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Danayeli sɛ́wɔ 3:1 - LAWA A BOO SONBORE 2011

1 Kii Nebukadenezɔɔrɔ màn nyín zɛnaa ka sana nɛ. A sasabaa n mɛtərə pɔsɔɔ, a pəməbaa n mɛtərə sɔɔ. Á bɛa màn nyín lɛ doa tán Duraa a diə fúlu kɛ nɛ, *Baabilonii gána nɛ.

အခန်းကိုကြည့်ပါ။ ကော်ပီ




Danayeli sɛ́wɔ 3:1
29 ပူးပေါင်းရင်းမြစ်များ  

Kii Zeroboamu nɔ̀n da min tɛnɛn la ka yiri ni, á diin nɛ nyín paa zɛnaa ka sana nɛ, á pɛ zaman lɛ nɛ: «Kaa wo Zeruzalɛmu lɛ la yii ni, Izirayeli minin lɛn, kaa dìn lɛn nə́ ke, kɛn lɛn man nə́ ka waa Ezipti gána nɛ ǹ nə́ soo ka nɛ.»


Kii Zɛrzɛsi bɛ́ á goã pàã la ǹ mɛn waáraa, a na á goã gána paabiɛ ka fuəwensɔbaa (127) mìi la. A n kuĩ Ɛndi gána ganaa a wo yǎa Etiopii gána nɛ.


Tɔrɔ kɔsɔn bɛ́ mànan mɛnɛn guguru koe, maǹ nə́ ǹ zɛnaa ka wɔrɔ nɛ, ka sana nɛ. Minbuiin nɛ gɔn na á ǹ zɛnaa.


Kaa boe la, ka masɛ baa ka lawan kɛn bɛ́ lɔn, ǹ nə́ ǹ zɛnaa ka wɔrɔgiala laanka sana-n wa. Kaa boe la, ka bɛn miãn zɛnaa masɛ genli wa.


Muizu wusoo bɛa yɔrɔ kɛ lɛ la, á woo Dɛnaa li, á pɛ nɛ: «Dɛnaa, kaarɛ! Zaman kɛ na á sii baraa gole taãn-taãn zɛnaa. Maǹ nə́ lawa zɛnaa ka sana nɛ ǹ dinin manɛ.


Bɛa pinaa kɛ nɛ, minin nə sana hinlaa wɔrɔ dì nyínin mɛnɛn zɛnaa ǹ nə́ n musin koa tán-a ǹ giulun, ǹ tá re bɛn zuĩ kɛ́nɛn laanka kion fònon giulun.


N dìn kɛn n wɔrɔ kaa ǹ la n dì kooron kɛn n sana kaa ǹ la, n tá re giɛ bɛn ganaa *gɔ̀ dama-a ǹ mànan lɛa. N tá re ǹ zuĩ ka màn gɔgɔrɛn bɛ́ lɔn, n pɛ ǹ nɛ: «Ka n tá ka n bɔ kànaa!»


Min tɛnɛn man sana gigiã wɛɛ ǹ lon, maǹ wɔrɔ zoɛ̃ kilo la. Maǹ pii sana-yoli ni, mà a dì zɛnaa a kɔ ǹsɛn la. Bɛ kio, maǹ kiɛ tán dì lɛ yɔrɔ-a, ǹ na a guguru kɔ.


Gɔn-sɛlɛli nə́ ǹ sɛlɛ, Zan-kaali nə́ ǹ nyaǹ kɔ ka Tarsisi wɔrɔ nɛ, hinlaa ka Ufaazi sana nɛ. Bɛ kio, ǹ tɔn mɔnaa wɔ ǹ ganaa, mɔnaa wùsu tã hinlaa a koreeboree lɛa. Bɛ tumaa n gɔn dí-nyalin màn zɛnaa lɛa.


Minbuiin nɛ á boe la a lawan zɛnaa? A bɛ́ màn mɛn zɛnɛɛ, Lawa bie wa!»


Bɛ kio, kii lɛ golebaa kɔ Danayeli la, á gɔ ka màn sonbore gigiã nɛ. Á koa Baabilonii bǎã tumaa a gánadɛnaa lɛa, á koa doɛ̃-wɔlen kɛn tumaa dɔ a nyɛɛnaandɛnaa gole lɛa.


A kɔnpɛ ka Danayeli a nyankɔ nɛ, kii lɛ Sadraki saa, Mesaki laanka Abɛdi-Negoo ne, á ǹ kaa Baabilonii gána lɛ a dí lɛn la. Danayeli dinmaa na á goã dí nyɛɛ kii a sumu-n.


Kii Nebukadenezɔɔrɔ tɔ́n nɔ̀n da ǹ la kɛnɛn: «Sadraki, Mesaki ka Abɛdi-Negoo, ka n ka n piã, mà ka a dí nyɛɛ masɛ a lawan man wa, ma sana màn nyin mɛn doa tán, mà ka a bɛ dɔ guguru koe wa, taãn nɛ sonbore?


Bɛa sii lɛ kio, Sadraki lɛ nɛ, ka Mesaki laanka Abɛdi-Negoo ne kii lɛ nə́ ǹ kaa dí dadara lɛ la Baabilonii gána nɛ.


N nə́ n gòãn dii lon a Lawa ganaa: A giala, ń minin dia ǹ nə́ woo Lawa a kion mànan goa ǹ nə́ daa ǹ kɔ n la, n din laanka n kiodɛnaa dadaran nə́ duvɛ̃ kaa ǹ nɛ ka mi, kun ka ka gòã li ǹ lɔn laanka kaa lɔ kɔsɔn nɛ. Ka bɛ dɔ nɛ, dìn mɛnɛn nə́ ke ǹ nə́ ǹ zɛnaa ka wɔrɔ nɛ, ka sana nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ yii ná a wɔlɔ yii wa, ǹ too ná a boo miɛ wa, ǹ nə ǹ ba màn kɔn doɛ̃ wa, ń loe lɔ, ń bɛn tɔ bɔ nɛ. Sɛnɛ, Lawa mɛn lɛ á ke n fɔfoã ná a gɔn, n sii tumaa ná a gɔn, n nə́ n piã n bɛ guguru kɔ wa.


Ǹ bɛ́ ǹ nə́ duvɛ̃ mi ǹ nə́ kã, ǹ dìn mɛnɛn zɛnaa ka sana nɛ, ka wɔrɔ nɛ, ka zan nɛ, ka fɔlɔ nɛ, ka gɔn nɛ, ka kɔlɔ nɛ, ǹ nə́ loe lɔ, ǹ nə́ bɛn tɔ bɔ nɛ.


Bɛ lɛ n ke, masɛ Lawa á re nyan we a bɔ ǹ zii lɛ, ma á re kungɔn doe ma a nyɛɛnaan tã nɛ, a re a zii lɛ yii a kɔ lɛ doo wa.


Ǹ nə́ kiin koa, ma ba a siére-a wa, ǹ nə́ goledɛnan bɔ, má n ma zii kɔ ǹ la wa. Ǹ nə́ ǹ wɔrɔ laanka ǹ sana goa, ǹ nə́ dìn zɛnaa nɛ. Ǹ dinin papaã ǹ wɔ lɛ dɔ n ka bɛ nɛ.


Kaa wɔ n ka koe ne! Ka ǹ pii gɔn lɛkoro ne: «N yii bũ!» Ka ǹ pii màn nyín ni kɔlɔ lɛa a ná a boo diɛ wa: «N nyan nyuù wɔ wa!» A da yaa ǹ ba boe la ǹ tá sii kɔn nyɛɛ ka-n wa. Sonbore, maǹ nə́ sana laanka wɔrɔ kaa bɛa màn nyínin lɛn la. Sɛnɛ, yiikoonaabaa ǹ piɛ̃ goon din ba ǹ nɛ wa!


Haya, ka bɛ́ Lawa din tɔrɔ lɛa, ka doamaa bie ka taasɛ, mà Lawa n kɔnboe ka sana nɛ, ka wɔrɔgiala nɛ, ka kɔlɔ mɛn tumaa nə n zɛnaa, á kɔnpɛ ka minbuiin nɛ a gɔn a kɔɔ̃nbaa laanka a taasiɛ-n wa.


Ka dinin yii tá a ganaa, hinlaa ka tá a boo miɛ, mà Pooli lɛ bie a dí nyɛɛ Efɛɛzi kiwi dinsɔɔ̃-n wa, a n goon Azii gána din tumaa nɛ. A n pii zaman nɛ a tá ǹ sɔsɔmɛ, ǹ bɛ́ dìn mɛnɛn zɛnɛɛ ka ǹ gɔnɔn nɛ, mà bɛn ba Lawa taãnan lɛa wa.


Màn nyínin mɛnɛn bɛ́ ǹ dìn lɛa, ka die ka bɛn tã. Ka nyan toa ka yii bɔ wɔrɔ laanka sana kɛ li ǹ la, ka ka dinin kaa sii-n wa. A giala, sii bɔbɔnɛɛ nɛ, kaa Lawa, Dɛnaa Lawa lɛ yii li.


Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ