Danayeli sɛ́wɔ 2:46 - LAWA A BOO SONBORE 2011

⁴⁶ Bɛ kio, kii Nebukadenezɔɔrɔ na, á kaa tán a lɛ la, á Danayeli guguru kɔ. Á pɛ mà ǹ gɔn mànan kɔ la, ǹ nyɔɔgìĩ kɔɔ̃n tã a wɔ lɛa.

Danayeli sɛ́wɔ 2:46 ပူးပေါင်းရင်းမြစ်များ

Ɛsidrasi 6:10

Màn mɛn bɛ́ toɛ minin bɛ́ wúlu-mànan mɛnɛn koe, bɛ kɔɔ̃n kɔ lon a Lawa ganaa, ka bɛ dɔ nɛ, ǹ Lawa nyankɔ kii laanka a nɛnyaanan manɛ.

Danayeli sɛ́wɔ 3:5

«Bɛ̀ ká bɛn wuu ma ǹ mɛn waáraa, pìi ni, tùtun ni, kɔnkoɛ̃ɛn nɛ, ka bɛ̀ dɛ ǹ mànan tɔrɔ tumaa nɛ, kii Nebukadenezɔɔrɔ sana màn nyín mɛn doa tán, ka kaa tán ka bɛ lɛ guguru kɔ.

Danayeli sɛ́wɔ 3:7

Bɛ nə n da lɔn, tɔrɔ tumaa a minin ni, gána tumaa wɔn nɛ, bɔlɔ woo bɔlɔ a pɛlen ne, min mɛn tumaa bɛn lɛ wuu ma, pìi lɛ nɛ, tùtun lɛn nɛ, kɔnkoɛ̃ɛn lɛ nɛ, ka bɛ̀ dɛ ǹ mànan tɔrɔ tumaa nɛ, ǹ tumaa kaa tán ǹ nə́ sana màn nyín lɛ guguru kɔ, kii Nebukadenezɔɔrɔ nə ǹ mɛn lɛ doa tán.

Danayeli sɛ́wɔ 8:17

Ma din goã golee-n bǎã mɛn nɛ, Gabarayeli nə́ n zɔ̃ á dɔ walan. A bɛ́ á dɔ ma li, nyɛ́ɛ ma kũ, má bɔ má mɛnaa tán ma lɛ la. Á tɔ́n pɛ ma nɛ: «Minbuiin a nɛ, toa n narɛɛ kɛ lɛ giala ma koe! N sii mɛn lɛ yɛ, a n boo diɛ biikoo giala nyɔmiɛ̃ wɔ paǹ li.»

Lawa a wúlu-bɔlen 26:31

Ma á die kaa kiwin kɛn yui lenlen. Kaa dìn guguru kɔ ǹ bǎãn kɛn, man die bɛn wurii, min ná a ba woe walan doo wa. Kaa wúlu mànan kɛn tɛmaa din gìĩ ba re kɔɔ̃n koe masɛ-n doo wa.

Luku 17:16

Á daa kaa tán Yezu giulun, á n yɔrɔ kɔ tán lɛ, á barka da Yezu ni. Bɛa giĩ kɛ lɛ na á goã Samarii gána min lɛa.

Nya ǹ dín 10:25

Piɛrɛ bɛ́ á dɔ ǹ mɛn waáraa, Kɔrnɛyi daa n da lɛ, á kaa tán a giulun, a ná a guguru kɔ.

Nya ǹ dín 14:13

Zesi a wúlu kion lɛ bɛ́ á goã kiwi lɛ a wɔ ǹ kiɛnlɛ-a, Zesi a wúlu-bɔle lɛ daa ka dii gɔ̀lɔ̀n nɛ, da buũ nyaǹan nɛ ǹ ganaa. Á daa kun ka zaman lɛ nɛ, mà a n die wúlu boe.

Nya ǹ dín 28:6

Minin lɛn man nə́ goã n yii diɛ Pooli gɔn lɛ a yui laanka a dinmaa a gɛ̀ la. Sɛnɛ, a bɛ́ á belebɔ ǹ yii ná a ba baraa kɔ́n dɔ ganaa n zɛnɛɛ Pooli-n wa, ǹ taasiɛ nə́ n bɔyaa. Ǹ nə́ mɛ la ǹ nə́ pii: «Dì goon ne!»

Sii-nyaan 11:16

*Min gole fuəwensii mɛn bɛ́ ǹ kii dankanan nɛ Lawa yɔrɔ-a, ǹ nə́ kaa tánaa ǹ lɛ la, ǹ nə́ Lawa guguru koe,

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.

Sii-nyaan 22:8

Masɛ Zaã mɛn bɛ́ má boon kɛn ma, má a siin tumaa yɛ. Ma bɛ́ má ǹ ma, má ǹ yɛ má nya, lon a dia dí-a wole mɛn bɛ́ á ǹ nyaa ma nɛ, má kaa tán a giulun, máa ma na a guguru koe.