Danayeli sɛ́wɔ 2:45 - LAWA A BOO SONBORE 2011

⁴⁵ Kɔlɔ lɛ, á bɔ kele lɛ la a din li á daa fɔlɔ lɛ yɔyɔrɛ, zan lɛ nɛ, gì-tiɛ̃ lɛ nɛ, wɔrɔ lɛ laanka sana lɛ nɛ, bɛ n bɛ giala pii. Kii, sii mɛn bɛ́ re n zɛnɛɛ kɛ kio, Lawa gole na á bɛ nyaa n nɛ. N narɛɛ mɛn wɔ, a din taãn lɛ n ke. A binyəə lɛ dɔ, sàabaa ba la wa.»

Danayeli sɛ́wɔ 2:45 ပူးပေါင်းရင်းမြစ်များ

Siin Giala 41:26

Dii dan sonbore sɔbaa kɛ n lɛ̀ sɔbaa lɛa, belee san sonbore sɔbaa kɛ n lɛ̀ sɔbaa lɛa; bɛa narɛɛ kɛ n boo goon giala pii.

Siin Giala 41:28

Faarahɔn, boo mɛn bɛ́ masɛ lɛ-n ma pɛ n nɛ, a din nə ka kɛ nɛ. Lawa bɛ́ re sii mɛn zɛnɛɛ, a na á bɛ lɛ nyaa n nɛ.

Siin Giala 41:32

Bɛ̀ ń yǎa ń narɛɛ lɛ wɔ gunyin paa, bɛ n nyɛɛ mà Lawa din a sii yɔrɔ boe ne, a n die n nanaɛ a zɛnaa dɔ li.

Samayeli2 7:22

Dɛnaa Lawa, n din ni maa Lawa lɛa, n din nə gole. Wɔsɛn nə màn mɛn tumaa ma ka wɔ too ne, bɛ n ka kɛ nɛ: «N miã banban, Lawa kɔsɔ banban á kiɛ̃ n din la wa.»

KZS1 16:25

Sonbore, Dɛnaa Lawa lɛ n gole. A din lɛ doamaa-n ka tɔ-bɔ nɛ. Á kakaarɛ á la lawan tumaa nɛ.

Nehemii 4:14

Ka bɛ́ re bɛn wuu miɛ boe bǎã mɛn li, ka da n sɔkɔn wɔ li walan. Wɔa Lawa lɛ á die zia diɛ wɔa lɛa!»

Nehemii 9:32

Sisia kəni, wɔa Lawa gole, pàã tá n lon, n tá nyɛ́ɛ diɛ, nsɛ mɛn bɛ́ n lɛ kɔ kɔn la lɛpiɛ̃, ń bǐɛ̃ zɛnɛɛ, a kũ Asiirii gána a kiin biikoo ganaa a da pelo yaa, nɔmaa mɛn tumaa wɔ yɛ, kɔnlɛ ka wɔa kiin ni, wɔa nyɛɛnaandɛnan nɛ, wɔa Lawa a wúlu-bɔlen ne, wɔa Lawa a boo gii-dalin ni, wɔ digolon ne, ka zaman lɛ tumaa nɛ, n baran ga bɛ ganaa sii kiɛɛrɛ lɛa wa.

Zɔbu 36:26

Sonbore, Lawa á gole. Sɛnɛ, wɔ n wɔ a boe la, wɔ á doɛ̃ wa. A Lawabaa lɛ dɔ, min ba boe la, a na a lɛ̀ lɛ yɛ a pɛ wa.

Loen 135:5

Sonbore, má dɔ̃ máa Dɛnaa Lawa á gole. Minbuiinin bɛ́ màn mɛn tumaa guguru koe, wɔsɛn Dɛnaa lɛ á gole á la bɛn tumaa nɛ.

Loen 145:3

Dɛnaa Lawa á gole, wɔ doamaa-n wɔ a guguru kɔ taãn-taãnɛ. Min ba boe la n na a golebaa kɛ lɛ-doa dɔ̃ wa.

Loen 2:9

Pàã mɛn bɛ́ kaka ka fɔlɔ nɛ, n tá re bɛ nyɛɛ ǹ nɛ, n tá re ǹ yɔyɔrɛ ka gì donkolon bɛ́ lɔn.

Loen 48:1

Koore a minin Lawa tɔ bɔ ǹ loe.

Loen 96:4

Sonbore, Dɛnaa Lawa lɛ n gole. A din lɛ doamaa-n ka tɔ-bɔ nɛ. Á kakaarɛ á la guguru kɔ ǹ mànan tumaa nɛ.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Danayeli sɛ́wɔ 2:24

Bɛ lɛ gɔ́ɔ̃ nɛ, Danayeli woo n dɔ Ariɔki li, kii lɛ min mɛn lɛ koa, mà a Baabilonii a doɛ̃-wɔlen lɛn dɛ. A bɛ́ á dɔ gɔrɔ, á pɛ nɛ: «N baran Baabilonii a doɛ̃-wɔlen lɛn dɛ wa. Wo masɛ koa kii li, má a re a narɛɛ lɛ a binyəə pii ni.»

Danayeli sɛ́wɔ 2:28

Sɛnɛ, Lawa goon tá lon, á n sii-duriin nyɛɛ. Sii mɛn bɛ́ nyɛɛn die, bɛa Lawa lɛ na á saalɛlɛ á bɛ nyaa n nɛ. N bɛ́ waa-n tán, n narɛɛ mɛn lɛ wɔ, ń siin mɛnɛn yɛ, bɛn man ka kɛn nɛ:

Danayeli sɛ́wɔ 2:29

Kii, n bɛ́ ń goã waa-n tán n piì la, n nə́ ń goã n taasɛ ka nyɛɛn sii ni. Sii mɛn bɛ́ re n zɛnɛɛ, sii duriin nyaali lɛ na á bɛ nyaa n nɛ.

Danayeli sɛ́wɔ 2:44

Bɛa kiin kɛn lɛn wasa nɛ, lon a Lawa á re kiibaa lɛ kɔn koɛ, bɛ ná a re ziziɛ̃ duduu wa. Bɛa kiibaa lɛ dɔ á re n sii a n kɔ tɔrɔ kɔsɔ la wa. Bɛ lɛ n die kiibaa gialakun kɛ tumaa yɔyɔrɛ, a ǹ ziziɛ̃ lenlen, sɛnɛ, a din nə die goɛ̃ yàa duduu.

Danayeli sɛ́wɔ 8:25

A yiri lɛ bɛ́ wooro, á re boe la a min gigiã bebele. Bɛa biikoo li, á re n din gole koe. Min mɛnɛn bɛ́ taasɛ mà ǹsɛn man là nyantoro la, á re bɛn gigiã dii. Á re yui kiin Kii kɛ dɔ din gialaa. Sɛnɛ, a pàã lɛ á re ziziɛ̃, bɛ̀ min dɔ din ná a n gɔn da a ganaa wa.

Azee 2:22

Ma á re kiin nyɛnɛɛ ma ǹ kaa, ma ǹ bɔ kii dankan la, ma á re kiin laanka gánan pàã ziziɛ̃, ma á re ziabaa ǹ wotoron noɛ̃ ma ǹ kaa kɔnlɛ ka ǹ da baa a wolen ne, sùi laanka a dii mala wole á re mɛnɛɛ, dɔɔ̃n tá re ǹ dɔɔ̃n diɛ gɛ̀ nɛ.»

Zakarii 12:3

Sonbore, bɛa biikoo li, man die Zeruzalɛmu biɛ kɔlɔ guguru lɛa tɔrɔ kɔ́n ná a boe la a saa wa. Tɔrɔ mɛn bɛ́ re n zoɛ̃ a saa li, a n die busu diɛ a din-a. Bɛ lɛ nɛ, tán a tɔrɔn tumaa á re kiɛ kun, ǹ yoo a gialaa.

Malakii 1:11

A saa lɛ̀giala ganaa a wo lɛ̀nyɛɛn yaa, tɔrɔ tumaa n maa golebaa doɛ̃, maǹ màn giĩ kɔɔ̃n tiɛ̃ bǎã tumaa nɛ ka ma tɔ nɛ, wúlu màn mɛn bɛ́ kɔnboe ka ma nɛ, ǹ nə́ die ka bɛ nɛ. Hiĩ! Tɔrɔ tumaa n maa golebaa doɛ̃, man pii ka nɛ masɛ, Dɛnaa Lawa Pàãyiidɛnaa.

Matiə 21:24

Yezu tɔ́n pɛ ǹ nɛ: «Masɛ dɔ n die nɔ̀n goon diɛ ka dɔn la. Bɛ̀ ka a binyəə kɔ ma la, min mɛn bɛ́ á siin lɛn zɛnaa ǹ pàã kɔ ma la, ma dɔ á re bɛa dɛnaa pii ka nɛ.

Matiə 24:35

Lon laanka tán tá re kiɛ̃, sɛnɛ, masɛ a boon kɛn ba re kiɛ̃ wa, maǹ goɛ̃ yǎa duduu.

Luku 17:20

*Fariziɛ̃n lɛn nə́ nɔ̀n da Yezu la mà Lawa n die a din a kiibaa lɛ koɛ biĩ, mà a na a dí lɛ nya a na a lɛ pã? Yezu nə́ ǹ lɛ si mà min ba re sii kɔ́n yii a boo la a pɛ, mà *Lawa a kiibaa lɛ a koa dɔ wa.

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Sii-nyaan 1:19

N yii bɛ́ á siin mɛnɛn yɛ, ka ǹ mɛnɛn bɛ́ n zɛnɛɛ sisia, ka ǹ mɛnɛn bɛ́ re n zɛnɛɛ bɛ kio, bɛn tumaa kiɛ̃.

Sii-nyaan 19:17

Má tɔ́n lon a dia dí-a wole goon yɛ golee-n bii-a wasa nɛ. Bàanan mɛnɛn tumaa bɛ́ kiɛ̃ piɛ̃ li lon, á n lɛ dɛ kɔsɛkɔsɛ, á pɛ ǹ nɛ: «Ka tumaa da n lɛ sɔkɔn ka Lawa a zɔ́n gole màn kɛ bii.

Sii-nyaan 4:1

Bɛ kio, má kiɛnlɛ yɛ á n bũ lon. Ma goã má lɛn mɛn ma boe lɛlɛ ka bɛn wɔ bɛ́ lɔn, bɛ́ tɔ́n pɛ ma nɛ: «Da dii kànaa, sii mɛn bɛ́ re n zɛnɛɛ bɛ kio, ma á re nyɛɛ n nɛ.»