Danayeli sɛ́wɔ 2:44 - LAWA A BOO SONBORE 2011

⁴⁴ Bɛa kiin kɛn lɛn wasa nɛ, lon a Lawa á re kiibaa lɛ kɔn koɛ, bɛ ná a re ziziɛ̃ duduu wa. Bɛa kiibaa lɛ dɔ á re n sii a n kɔ tɔrɔ kɔsɔ la wa. Bɛ lɛ n die kiibaa gialakun kɛ tumaa yɔyɔrɛ, a ǹ ziziɛ̃ lenlen, sɛnɛ, a din nə die goɛ̃ yàa duduu.

Danayeli sɛ́wɔ 2:44 ပူးပေါင်းရင်းမြစ်များ

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Samayeli2 7:13

Bɛ lɛ n die kion doe a masɛ tɔ da la. Man die bɛ lɛ koɛ kiibaa la yǎa duduu.

Samayeli2 7:16

N kion laanka n kiibaa lɛ n die goɛ̃ yǎa duduu. N kii dankan lɛ gɔ́ɔ̃ kooro á die goɛ̃ duduu wa.»

Loen 145:13

N kiibaa lɛ a nyɛɛ wa, a na a tan yǎa duduu. N pàã lɛ n goɛ̃ yǎa duduu. Lawa n bɔlɔgoondɛnaa lɛa a da ǹ boo tumaa gɔ́ɔ̃ nɛ, a zɛnaa ǹ sii tumaa n siĩni.

Izayii 60:12

Tɔrɔ hinlaa gána mɛn bɛ́ re n piɛ̃ ma a dí nyɛɛ n nɛ wa, bɛ á re papaɛ̃. Bɛa tɔrɔn lɛn tá re ziziɛ̃ lenlen.

Ezekieli 37:25

Ma gána mɛn lɛ kɔ maa dí-nyali Zakɔba la, ka digolon nə goã ǹ nə́ giã gána mɛn lɛ nɛ, ka dɔn tá re giɛ̃ a nɛ, kaa nɛnyaanan laanka kaa nɔ̀ɔnɔn nə giã a nɛ, yǎa duduu. Maa dí-nyali Davida á re goɛ̃ kaa nyɛɛnaandɛnaa lɛa, yǎa duduu.

Danayeli sɛ́wɔ 2:28

Sɛnɛ, Lawa goon tá lon, á n sii-duriin nyɛɛ. Sii mɛn bɛ́ nyɛɛn die, bɛa Lawa lɛ na á saalɛlɛ á bɛ nyaa n nɛ. N bɛ́ waa-n tán, n narɛɛ mɛn lɛ wɔ, ń siin mɛnɛn yɛ, bɛn man ka kɛn nɛ:

Danayeli sɛ́wɔ 2:34

N nə ń goã giɛ bɛa màn nyín lɛ ganaa miɛ̃, yǎa kɔlɔ goon na lon a din li á daa kũ. Màn nyín lɛ gòãn kɛn lɛn fɔlɔ laanka gì-tiɛ̃ lɛa, kɔlɔ lɛ daa bɛn dɛ, á ǹ yɔyɔrɛ.

Danayeli sɛ́wɔ 2:35

A din bǎã nɛ, fɔlɔ lɛ nɛ, gì-tiɛ̃ lɛ nɛ, zan lɛ nɛ, wɔrɔ lɛ laanka sana lɛ nɛ, ǹ tumaa yɔyɔrɛ kun, ǹ nə́ n baa ka wii kaã bɛ́ lɔn a duwəə biikoo li. Piɛ̃ nə́ ǹ goa á kiɛ̃ ǹ nɛ, min nə ǹ basa yɛ doo wa. Kɔlɔ lɛ sɛ, ǹ mɛn lɛ bɛ́ á màn nyín lɛ dɛ, bɛ́ kele gole baa, á kanaa gɔ́ɔ̃ tumaa pã.

Danayeli sɛ́wɔ 2:37

Kii, n din nə kiin kii lɛa. Lon a Lawa na á kiibaa kɔ n la, boo sii la nɛ, pàã nɛ, ka gugurubaa nɛ.

Danayeli sɛ́wɔ 2:43

Fɔlɔ laanka gì lɔlɔkɔn lɛ ń yɛ, bɛ n nyɛɛ dɔn, mà kiin tá re ǹ wɔ kiɛ kun kɔn-wɔ gɔ́ɔ̃ nɛ, sɛnɛ, ǹ tá-kun lɛ a re woe wa. A n die goɛ̃ ka fɔlɔ laanka gì lɔlɔkɔn bɛ́ lɔn, ǹ ba kɔn kuĩ wa.

Danayeli sɛ́wɔ 4:3

Má tɔ́n pɛ máa ǹ *Baabilonii gána a doɛ̃-wɔlen tumaa sɔkɔn maa piɛ, màn mɛn bɛ́ toɛ, ǹ ma a narɛɛ lɛ a binyəə pɛ ma nɛ.

Danayeli sɛ́wɔ 4:34

Bɛ lɛ na á toa, masɛ Nebukadenezɔɔrɔ á lon a Kii lɛ tɔ boe sisia, ma na a tɔ siɛ lon, man gugurubaa diɛ a tɔ la. A giala, a nya ǹ dí tumaa n siĩni, a zɛnaa ǹ sii tumaa n pepere. Min mɛnɛn bɛ́ din gole kɔ ǹ sii zɛnɛɛ, pàã tá a lon a bɛn gisĩ.

Danayeli sɛ́wɔ 6:26

Bɛ kio kəni, kii tɔ́n sɛ́wɔ kiɛ̃ á dia kanaa paǹ tumaa nɛ, tɔrɔ tumaa a minin la, gána tumaa a minin ni, ka bɔlɔ woo bɔlɔ a pɛlen ne, á pɛ kɛnɛn: «Là nyantoro gole die a giã ka li!

Danayeli sɛ́wɔ 6:27

Man pii ka nɛ, máa maa gána lɛ a bǎã tumaa nɛ, min tumaa doamaa nɛ a nyɛ́ɛ baa Danayeli a Lawa kɛ-n taãn-taãnɛ. A giala, a din lɛ n Lawa yiikoonaa lɛa, a din lɛ na a tan yǎa duduu. A kiibaa kɛ a ziziɛ̃ wa, a goledɛnaabaa kɛ na a tan yǎa duduu.

Danayeli sɛ́wɔ 7:27

Bɛa biikoo li, kiibaa mɛn tumaa á ke bǎã woo bǎã nɛ kanaa kɛ gɔ́ɔ̃ nɛ, bɛn tá re n koe lon a Lawa gole a minin lɛn la. Ǹsɛn kiibaa lɛ na a tan yǎa duduu, goledɛnan tumaa á re dí nyɛɛ ǹ nɛ, ǹ nə ǹ bɔlɔ si.»

Danayeli sɛ́wɔ 8:25

A yiri lɛ bɛ́ wooro, á re boe la a min gigiã bebele. Bɛa biikoo li, á re n din gole koe. Min mɛnɛn bɛ́ taasɛ mà ǹsɛn man là nyantoro la, á re bɛn gigiã dii. Á re yui kiin Kii kɛ dɔ din gialaa. Sɛnɛ, a pàã lɛ á re ziziɛ̃, bɛ̀ min dɔ din ná a n gɔn da a ganaa wa.

Misee 4:7

Wɔ̀lɔ̀ goã ǹ mɛnɛn lɛn ganaa, ma á re bɛn toɛ maa zaman lɛ tɔrɔ lɛa. Ǹ nə ǹ mɛnɛn lɛn loo, ǹ nə́ woo ǹ ne sɔsɔɔ, ma á re ǹ soekɔn, ma ǹ baa gána pàãdɛnaa lɛa. Dɛnaa Lawa din tá re goɛ̃ ǹ kii lɛa, Siɔn kele kɛ la, a kũ bɛa pinaa lɛ ganaa, yǎa duduu.

Azee 2:22

Ma á re kiin nyɛnɛɛ ma ǹ kaa, ma ǹ bɔ kii dankan la, ma á re kiin laanka gánan pàã ziziɛ̃, ma á re ziabaa ǹ wotoron noɛ̃ ma ǹ kaa kɔnlɛ ka ǹ da baa a wolen ne, sùi laanka a dii mala wole á re mɛnɛɛ, dɔɔ̃n tá re ǹ dɔɔ̃n diɛ gɛ̀ nɛ.»

Azee 2:7

Ma á re bìn diɛ kanaa tɔrɔn ganaa, kanaa gɔn màn tumaa á re die kanna. Lawa a kion kɛ á re piɛ̃ ka gugurubaa nɛ. Dɛnaa Lawa Pàãyiidɛnaa a da ǹ boo n ka kɛ nɛ.

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Zaã a sɛ́wɔ 12:34

Zaman lɛ tɔ́n pɛ Yezu ni: «Wɔ́ yɛ dí-pɛn sɛ́wɔ nɛ, mà Minin Nyin-sili lɛ n die goɛ̃ a yii n koo miɛ̃ a ná a ba giɛ̃ wa. Wàa na á baa nsɛ dɔ á pii, mà yǎa ǹ Min a Nɛgiĩ siɛ lon? Bɛa Min a Nɛgiĩ lɛ, die n ka bɛ nɛ?»

Ebrəə 12:28

Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»