Danayeli sɛ́wɔ 2:40 - LAWA A BOO SONBORE 2011

⁴⁰ Kii lɛ a siibaa ǹ wɔ á re yui bɛ kio, kaka ka fɔlɔ bɛ́ lɔn. Fɔlɔ bɛ́ màn tumaa yui lɔn bɛ̀ a yɔyɔrɛ, a pɔpɔsɛ, a n die kɛn lɛn tumaa yui miɛ̃, a ǹ pɔpɔsɛ.

Danayeli sɛ́wɔ 2:40 ပူးပေါင်းရင်းမြစ်များ

Zɔbu 9:17

Á ma yɔyɔrɛ, ma yii ba a giala-a wa, a n màn diɛ maa wɔ̀lɔ̀ li, mìi ba la wa.

Zeremii 15:12

Fɔlɔ á boe la a gɔsɛ a lɛ̀gɔn la fɔlɔ laanka a zan kuru?

Danayeli sɛ́wɔ 2:33

a keren man nə́ goã fɔlɔ lɛa, a gòãn kɛn, bɛn man nə́ goã fɔlɔ laanka gì-tiɛ̃ lɔlɔkɔn lɛa.

Danayeli sɛ́wɔ 2:39

Kii kɔsɔ á re yui n kio, a pàã n kiɛɛrɛ n wɔ lɛ ganaa. Kii lɛ a sɔɔbaa ǹ wɔ á re yui, bɛ n die goɛ̃ kanaa tumaa mìi la. A sii a kɔnboe n ka zan kɛ nɛ.

Danayeli sɛ́wɔ 2:41

N bɛ́ ń ná a gòãn laanka a tán a gòonən lɛn yɛ gì laanka fɔlɔ lɛa, bɛ n nyɛɛ, mà bɛa kiibaa lɛ á re n talɛɛ. Kakabaa mɛn bɛ́ fɔlɔ nɛ, bɛ á re yii a nɛ, ka a bɛ́ ke á fɔlɔ lɛ yɛ lɔloɛ-n kɔn ka gì lɛ-n lɔn.

Danayeli sɛ́wɔ 7:7

Bɛ kio doo, maa tèlò a sii-yɛn lɛn gɔ́ɔ̃ nɛ, ma bɛ́ giɛ, bɛ̀ tɔɔ lɛ a siibaa ǹ wɔ á ke. Bɛa tɔɔ lɛ na á goã nyɛ́ɛ diɛ taãn-taãnɛ, pàã ná a lon á kiɛ̃ a bǎã la. A sɔn man nə́ goã dadara, fɔlɔ lɛa. A na á goã màn soɛ̃ ka bɛn lɛn nɛ, bɛ̀ a tɔtoɛ̃, a tɔtɔrɔ a gialakun la ká a gòãn nɛ. Tɔɔn mɛnɛn tumaa goã ǹ nə́ daa a nyɛɛnɛ, a na á goã tɔtɔ ka bɛn nɛ. Bɛn fù na á goã a ganaa.

Danayeli sɛ́wɔ 8:24

Màn tá re miɛ̃ a pàã li miɛ a woo, sɛnɛ, bɛ bie re boe a din a boo sii la li wa. Á re basaã dadaran koe. A nya ǹ dí tumaa á re bǐɛ̃ koe a gɔn. Á re pàãdɛnan dii, haalɛ Lawa a minin lɛn dɔn dinin.

Danayeli sɛ́wɔ 9:26

Lɛ̀ sɔbaa wɔlɔ pɔsɔrɔwenpaa lɛ kio, Lawa min mɛn lɛ bɔ á koa, ǹ tá re bɛ dii, min kɔn ná a sii a da wa. Bɛ kio, goledɛnaa goon tá re die ka a zaman nɛ ǹ kiwi lɛ laanka Lawa a kion lɛ ziziɛ̃. Sɛnɛ, a giala-nyɔmiɛ̃ li, Lawa a foo-yoo á re bɛa goledɛnaa lɛ bii. A wo kaa zia lɛ a nya lɛ, basaã n die goɛ̃ a tan miɛ̃ ká a bɛ́ á n pɛ lɔn.

Amɔɔsi 1:3

Dɛnaa Lawa na á pɛ kɛnɛn: Damaasi minin kɛn nə́ sii baraa gigiã zɛnaa. Ǹ sii mɛn zɛnaa, á kiɛ̃ a bǎã la: A giala ǹ nə́ boo Galaati minin kɛn la ka fɔlɔ mànan nɛ, ǹ nə́ ǹ kakã. Bɛ lɛ nɛ, ma á ǹ zɛ̀rɛ biɛ, ma a re wusii maa da ǹ boo dɔ kio wa.

Zaã a sɛ́wɔ 11:48

Mà bɛ̀ ǹsɛn nə́ kɛ da a gɔn lɛ-a, mà min tumaa á die golee li, mà Rɔmu gána a pàãdɛnan tá re miɛ, mà ǹ tá re die ǹsɛn Lawa a kion kɛ wurii, ǹ nə ǹsɛn gána yu.