Danayeli sɛ́wɔ 2:35 - LAWA A BOO SONBORE 2011

³⁵ A din bǎã nɛ, fɔlɔ lɛ nɛ, gì-tiɛ̃ lɛ nɛ, zan lɛ nɛ, wɔrɔ lɛ laanka sana lɛ nɛ, ǹ tumaa yɔyɔrɛ kun, ǹ nə́ n baa ka wii kaã bɛ́ lɔn a duwəə biikoo li. Piɛ̃ nə́ ǹ goa á kiɛ̃ ǹ nɛ, min nə ǹ basa yɛ doo wa. Kɔlɔ lɛ sɛ, ǹ mɛn lɛ bɛ́ á màn nyín lɛ dɛ, bɛ́ kele gole baa, á kanaa gɔ́ɔ̃ tumaa pã.

Danayeli sɛ́wɔ 2:35 ပူးပေါင်းရင်းမြစ်များ

Zɔbu 6:17

Sɛnɛ, sɛ̀fuu waáraa, maǹ piɛ̃, wasa waáraa, ǹ mu n nyɛɛ.

Loen 103:16

Sɛnɛ, bɛ̀ piɛ̃ bɔ, a n papaɛ̃, a bǎã n goɛ̃ ka a bin tɔn buu pã wa.

Loen 22:27

Doobaan tá re màn bii ǹ kã, min mɛnɛn bɛ́ giɛ Dɛnaa Lawa li, bɛn tá re a guguru koe. A die a ka foo nyɛɛ a yii-nyɛɛ kɔ ka la!

Loen 37:10

Kànaa ka boɛɛn nɛ, min baraa á re papaɛ̃. Ta n ga li lɔn, n ba re a gòɛ̃ yii wa.

Loen 37:36

Sɛnɛ, ma bɛ́ má wusoo má bɔ walan, ma yɛ doo wa, má ga li, má fɔ̃.

Loen 46:9

Ka da ga Dɛnaa Lawa a nya ǹ dí ganaa, a kaãbaa ǹ din mɛnɛn nya tán la.

Loen 66:4

Kanaa minin tumaa die ǹ kaa tán n giulun, ǹ nə n tɔ bɔ ka ǹ loen ne, ǹ nə nsɛ Dɛnaa Lawa lɛ tɔ bɔ. *Doa

Loen 86:9

Dɛnaa, n tɔrɔn mɛnɛn tumaa zɛnaa, bɛn tá re die kiɛ tán-a n yɔrɔ-a, ǹ nə n tɔ guguru kɔ.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 8:9

Tɔrɔn lɛn, ka gɔ̀nɔn bìn da, nyɛ́ɛ ka kũ! Gána sɔsɔɔ tɔrɔn lɛn, ka n too kɔ! Ta ka n yɔrɔ bɔ zia taman yii lɔn, kaa wɔ n ka foo biɛ na nɛ! Taãn nɛ, ta ka n yɔrɔ bɔ lɔn, kaa wɔ n ka foo biɛ na nɛ!

Danayeli sɛ́wɔ 2:44

Bɛa kiin kɛn lɛn wasa nɛ, lon a Lawa á re kiibaa lɛ kɔn koɛ, bɛ ná a re ziziɛ̃ duduu wa. Bɛa kiibaa lɛ dɔ á re n sii a n kɔ tɔrɔ kɔsɔ la wa. Bɛ lɛ n die kiibaa gialakun kɛ tumaa yɔyɔrɛ, a ǹ ziziɛ̃ lenlen, sɛnɛ, a din nə die goɛ̃ yàa duduu.

Ozee 13:3

Bɛ lɛ nɛ, minin kɛn tá re papaɛ̃ ka baayɛlɛ labara bɛ́ lɔn, ka pele bɛ́ kiɛ lɔn, ka wii duwəə ǹ bǎã a kaã bɛ́ woe piɛ̃ li lɔn, ka tɛmaa bɛ soe sìã-n lɔn.

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Zakarii 12:3

Sonbore, bɛa biikoo li, man die Zeruzalɛmu biɛ kɔlɔ guguru lɛa tɔrɔ kɔ́n ná a boe la a saa wa. Tɔrɔ mɛn bɛ́ re n zoɛ̃ a saa li, a n die busu diɛ a din-a. Bɛ lɛ nɛ, tán a tɔrɔn tumaa á re kiɛ kun, ǹ yoo a gialaa.

Korɛnti1 15:25

A giala, a n kɔnboe Krita goã kii lɛa, yǎa Lawa boe a zɔ́ɔn tumaa la, a ǹ kiɛ a gòãn giulun.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 12:8

sɛnɛ, ǹ boo ǹ la wa. Ǹ giã ǹ bǎã dɔ yɛ lon doo wa.

Sii-nyaan 20:11

Má wusoo má kii dankan fu gole yɛ, ka ǹ dɛnaa ná a nɛ. Lon laanka tán baa si ǹ nə́ papaã a nyɛɛnɛ, min wusoo á ǹ yɛ wa.