Danayeli sɛ́wɔ 2:34 - LAWA A BOO SONBORE 2011

³⁴ N nə ń goã giɛ bɛa màn nyín lɛ ganaa miɛ̃, yǎa kɔlɔ goon na lon a din li á daa kũ. Màn nyín lɛ gòãn kɛn lɛn fɔlɔ laanka gì-tiɛ̃ lɛa, kɔlɔ lɛ daa bɛn dɛ, á ǹ yɔyɔrɛ.

Danayeli sɛ́wɔ 2:34 ပူးပေါင်းရင်းမြစ်များ

Loen 118:22

Kion-dɔlen nə n piã ka kɔlɔ mɛn nɛ, a din na á wusoo á kɛ gùrù dɔ ǹ kɔlɔ baa.

Izayii 28:16

Bɛ lɛ nɛ, Dɛnaa Lawa a boo á pii: «Man kion gòã daa ǹ kɔlɔ diɛ tán *Siɔn. Kɔlɔ barkadɛnaa nɛ, doa-n tán kaka. Min woo min nə́ n tiləə a ganaa, bɛa dɛnaa a re bìn diɛ wa.

Izayii 60:12

Tɔrɔ hinlaa gána mɛn bɛ́ re n piɛ̃ ma a dí nyɛɛ n nɛ wa, bɛ á re papaɛ̃. Bɛa tɔrɔn lɛn tá re ziziɛ̃ lenlen.

Izayii 8:9

Tɔrɔn lɛn, ka gɔ̀nɔn bìn da, nyɛ́ɛ ka kũ! Gána sɔsɔɔ tɔrɔn lɛn, ka n too kɔ! Ta ka n yɔrɔ bɔ zia taman yii lɔn, kaa wɔ n ka foo biɛ na nɛ! Taãn nɛ, ta ka n yɔrɔ bɔ lɔn, kaa wɔ n ka foo biɛ na nɛ!

Ezekieli 32:28

Kasɛn Ezipti minin kɛn, ǹ tá re ka dɔn dii kun ka soroman kɛn nɛ, ka ǹ min mɛnɛn dɛ zia la, ǹ tá re ka gere biĩ kun ka bɛn nɛ.

Ezekieli 47:5

Bɛ kio doo, á wusoo á gùrù yii duu goon zɔɔ̃. Bɛa bǎã a mu na á goã mu gole lɛa ma goã boe la ma á kuri wa. A giala, mu lɛ na á goã á dii lon, min ba boe la á kuri ka yɔrɔ kɔsɔ-n wa, yǎa bɛ̀ á mu biɛ doɛ̃.

Danayeli sɛ́wɔ 2:33

a keren man nə́ goã fɔlɔ lɛa, a gòãn kɛn, bɛn man nə́ goã fɔlɔ laanka gì-tiɛ̃ lɔlɔkɔn lɛa.

Danayeli sɛ́wɔ 7:27

Bɛa biikoo li, kiibaa mɛn tumaa á ke bǎã woo bǎã nɛ kanaa kɛ gɔ́ɔ̃ nɛ, bɛn tá re n koe lon a Lawa gole a minin lɛn la. Ǹsɛn kiibaa lɛ na a tan yǎa duduu, goledɛnan tumaa á re dí nyɛɛ ǹ nɛ, ǹ nə ǹ bɔlɔ si.»

Danayeli sɛ́wɔ 8:25

A yiri lɛ bɛ́ wooro, á re boe la a min gigiã bebele. Bɛa biikoo li, á re n din gole koe. Min mɛnɛn bɛ́ taasɛ mà ǹsɛn man là nyantoro la, á re bɛn gigiã dii. Á re yui kiin Kii kɛ dɔ din gialaa. Sɛnɛ, a pàã lɛ á re ziziɛ̃, bɛ̀ min dɔ din ná a n gɔn da a ganaa wa.

Zakarii 12:3

Sonbore, bɛa biikoo li, man die Zeruzalɛmu biɛ kɔlɔ guguru lɛa tɔrɔ kɔ́n ná a boe la a saa wa. Tɔrɔ mɛn bɛ́ re n zoɛ̃ a saa li, a n die busu diɛ a din-a. Bɛ lɛ nɛ, tán a tɔrɔn tumaa á re kiɛ kun, ǹ yoo a gialaa.

Zakarii 4:6

Á ma lɛ si á pɛ: Kɛ n Dɛnaa Lawa a boo lɛa Zorobabeli wɔ paǹ li. «Dí ke n gɔn, n din a foo tãbaa hinlaa n pàã kɛ bie die toɛ n boo la n nya wa, sɛnɛ, ma din yiri kɛ nɛ, Dɛnaa Lawa Pàãyiidɛnaa n pii miɛ̃.»

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Zaã a sɛ́wɔ 1:13

Ǹ bie yii díi laanka náa la ka minbuiinin wɔ bɛ́ lɔn wa, sɛnɛ Lawa din nə yiikoonaabaa dii koe ǹ la.

Nya ǹ dín 4:11

A nə n pii Yezu lɛ wɔ gɔn la kɛnɛn: «Kion-dɔlen nə n piã ka kɔlɔ mɛn nɛ, a din na á wusoo á kɛ-gùrù dɔ ǹ kɔlɔ baa»; ka dinin man bɛa kion-dɔlen kɛn lɛn lɛa, Yezu n kɔlɔ lɛ lɛa.

Korɛnti2 5:1

Sonbore, wɔ á doɛ̃ wáa kion ke wɔ tá a nɛ, wɔ gɔ̀nɔn kɛ nɛ. A n ka mɔnaa kion kooro bɛ́ lɔn, a n die ziziɛ̃. Sɛnɛ, kion kɔsɔ tan wɔa wɔ lɛa Lawa dɔ. A n giã ǹ bǎã lɛa lon yǎa duduu. Min gɔn bie á bɛ zɛnaa wa.

Ebrəə 9:24

Sonbore, Krita bie á wɔ minbuiinin bǎã sonbore zɛnaa kɛ-n wa, bɛa minbuiinin wɔ a zɛnaa kɛ lɛ na á goã a taãn kɛ nyín kooro lɛa. Sɛnɛ, a na á wɔ lon dinmaa gɔ́ɔ̃ nɛ, màn mɛn bɛ́ toɛ, a n din nyaa kanna Lawa yɔrɔ-a wɔsɛn lɛa.

Piɛrɛ1 2:7

Haya kəni, kasɛn golee Lawa li wolen lɛn, kɔlɔ kɛ lɛ a barka n kasɛn wɔ lɛa. Sɛnɛ, golee Lawa li baãnaan kɛn, bɛn wɔ á ke: «Kion-dɔlen nə n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa.

Sii-nyaan 11:15

Lon a dia dí-a wole sɔbaabaa ǹ wɔ tɔ́n a bɛn pɛ, lɛn dadaran nə́ bɔ lon ǹ nə́ pii: «Kanaa a kiibaa lɛ n wɔa Dɛnaa Lawa wɔ lɛa kanna, ká Krita kɛ nɛ. A n die goɛ̃ pàã la baraabaraa yǎa duduu.»

Sii-nyaan 17:14

Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»