Danayeli sɛ́wɔ 2:30 - LAWA A BOO SONBORE 2011

³⁰ Masɛ din ke, a bie ka sii-doɛ̃ n ma lon á la minbuiin kɛ tumaa wɔ nɛ, sii-durii kɛ lɛ tɔn nə n nyaa ma-n wa. Sɛnɛ, kɛ na á n zɛnaa, màn mɛn bɛ́ toɛ, n nə n narɛɛ lɛ a binyəə dɔ̃, sii mɛn lɛ bɛ́ gɔ́ɔ̃-bii diɛ n ganaa, n boo la n bɛ dɔ dɔ̃.

Danayeli sɛ́wɔ 2:30 ပူးပေါင်းရင်းမြစ်များ

Siin Giala 41:16

Zozɛfu Faarahɔn lɛ si kɛnɛn: «Masɛ din bie wa, Lawa n die a binyəə taãn koe n la.»

Loen 139:2

N tá maa waa tán laanka maa yoo doɛ̃. N din nə n toɛ sɔsɔɔ n tá maa taasiɛ doɛ̃.

Izayii 45:4

Maa dí-nyali Izirayeli kɛa lɛa, ka Zakɔba kɛ nɛ má bɔ má koa, má nsɛ Siirusu bíi ka n tɔ nɛ. Má gugurubaa kɔ n la, a da yaa dɔn dinin n ba ma doɛ̃ wa.

Danayeli sɛ́wɔ 1:17

Bɛa nɛgininin kɛn lɛn, Lawa doɛ̃ kɔ ǹ dinin min sii la, á sɛ́wɔ dɔ̃ ǹ yiri kɔ ǹ la, ka sii-doɛ̃ nɛ. Danayeli lɛ sɛ na á goã sii-nyaan tumaa laanka narɛɛn dɔn giala doɛ̃ a tá ǹ pii.

Danayeli sɛ́wɔ 2:47

Á tɔ́n boo da Danayeli ni á pɛ nɛ: – N bɛ́ n boo la n sii-durii kɛ nyaa masɛ nɛ, taãnɛ sonbore! Kaa Lawa lɛ n lawan Lawa lɛa, kiin Dɛnaa lɛa, sii duriin nyaali lɛa.

Danayeli sɛ́wɔ 2:49

A kɔnpɛ ka Danayeli a nyankɔ nɛ, kii lɛ Sadraki saa, Mesaki laanka Abɛdi-Negoo ne, á ǹ kaa Baabilonii gána lɛ a dí lɛn la. Danayeli dinmaa na á goã dí nyɛɛ kii a sumu-n.

Amɔɔsi 4:13

Ga le, a din na á kelen zɛnaa, a din nə piɛ̃ diɛ bɔ ganaa, a din na a taasiɛ nyɛɛ minbuiinin manɛ, a din nə wɔlɔ fúlu bɔyɛɛ a baa wɔlɔ tì lɛa, a din nə tɔ we kanaa a kele dadaran kɛn mìi ni kiɛ̃. A tɔ mà Dɛnaa Lawa, Lawa Pàãyiidɛnaa.

Matiə 24:22

Bɛ̀ Lawa bie re màn boe bɛa lɛawaan kɛn lɛ wa, min kɔ́n ba boe la a la wa. Sɛnɛ, a min mɛnɛn yii gɔgɔɔ̃, a n die màn boe lɛawaan lɛn lɛ bɛn lɛn taman yii.

Marki 13:20

Bɛ̀ wɔa Dɛnaa bie re màn boe bɛa lɛawaan kɛn lɛ wa, min kɔ́n ba boe la a la wa. Sɛnɛ, Lawa min mɛnɛn yii gɔgɔɔ̃ a din wɔn lɛa, a n die màn boe ǹ lɛ, bɛn lɛn taman yii.

Nya ǹ dín 3:12

Piɛrɛ bɛ́ á zaman lɛ yɛ, á pɛ ǹ nɛ: – Izirayeli minin lɛn, wàa na á baa ka tá n kaãbiɛ sii kɛ ganaa? Ka baran taasɛ mà wɔsɛn dinin pàã nɛ, hinlaa mà wɔsɛn dinin nyɛ́ɛbaa Lawa yii-n na á toa, giĩ kɛ tɔ wɔ wa.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti2 4:15

Sii mɛn tumaa bɛ́ ma yii maa tá kanaa gɔ́ɔ̃ nɛ, ka dinin lɛa nɛ; bɛ lɛ n toɛ, Lawa a bǐɛ̃baa á doe min gigiã ganaa, ń giɛ min damata á boe la, ǹ barka da Lawa nɛ, Lawa a tɔ golebaa a lɛa.