Danayeli sɛ́wɔ 2:28 - LAWA A BOO SONBORE 2011

²⁸ Sɛnɛ, Lawa goon tá lon, á n sii-duriin nyɛɛ. Sii mɛn bɛ́ nyɛɛn die, bɛa Lawa lɛ na á saalɛlɛ á bɛ nyaa n nɛ. N bɛ́ waa-n tán, n narɛɛ mɛn lɛ wɔ, ń siin mɛnɛn yɛ, bɛn man ka kɛn nɛ:

Danayeli sɛ́wɔ 2:28 ပူးပေါင်းရင်းမြစ်များ

Siin Giala 40:8

Ǹ nə́ tɔ́n pɛ-n kɛnɛn: «Wɔ ǹ wɔ́ n narɛ, min kɔ́n dɔ banban, a n boe la, a tá wɔa narɛɛn lɛn giala pii wɔ-n wa.» Zozɛfu tɔ́n pɛ ǹ nɛ: «Lawa á boe la, a na a giala pɛ ka nɛ. Ka n narɛ ka sii mɛn nɛ, ka pɛ ma nɛ.»

Siin Giala 41:16

Zozɛfu Faarahɔn lɛ si kɛnɛn: «Masɛ din bie wa, Lawa n die a binyəə taãn koe n la.»

Siin Giala 41:25

Zozɛfu tɔ́n pɛ Faarahɔn nɛ: «N narɛɛ màn paa lɛ tumaa a binyəə n goon. Lawa bɛ́ re sii mɛn zɛnɛɛ, a na á saa lɛlɛ, á bɛ lɛ da n yiri-a.

Siin Giala 49:1

Zakɔba ná a nɛgiĩn lɛn bíi, á pɛ ǹ nɛ: «Ka n lɛ sɔkɔn, màn mɛn bɛ́ toɛ, sii mɛn bɛ́ re ka yii biɛ̃, ma bɛ pɛ ka nɛ:

Loen 115:3

Wɔsɛn Lawa lɛ n lon. A bɛ́ sii mɛn li, a n bɛ zɛnɛɛ.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Zeremii 10:7

N doamaa-n ka gugurubaa nɛ tán tumaa a Dɛnaa. Bɛ lɛ nə n wɔ gii lɛa. Sii-dɔ̃lin tumaa bii tán la, ǹ gánan tumaa bii, min kɔn ba ka n bɛ lɔn wa.

Zeremii 30:24

Dɛnaa Lawa a golee ka a foo-yoo baraa kɛ-n wa, yǎa bɛ̀ a din dùũ sii kɛ nə́ n zɛnaa á nya ǹ mɛn waáraa. Ǹ kɔn pinaa, ka á re a giala miɛ.

Zeremii 48:47

«Sɛnɛ, ǹ kɔn pinaa, ma á re Moabu a lɛlɛ ǹ giã ǹ gɔn koe la.» Dɛnaa Lawa a da ǹ boo ne. Moabu a kiri wɔmaa nə n lɛ doɛ kànaa.

Ezekieli 28:3

Á ke, n tá sii doɛ̃ ń la Danieli ni. Sii-durii kɔn banban, mà n nə n ba bɛ doɛ̃ wa.

Ezekieli 38:16

N tá re die maa zaman Izirayeli minin lɛn gialaa, n kɔ n lɛ ka labara bɛ́ lɔn. Bɛ n die n zɛnɛɛ biikoo giala nyɔmiɛ̃ waáraa. Ma á re nsɛ Gɔgu diɛ, n wo maa gána minin lɛn gialaa, màn mɛn bɛ́ toɛ, tɔrɔ kɔsɔn nə maa Lawabaa dɔ̃.

Ezekieli 38:8

Lɛ̀ damata gɔ́ɔ̃ nɛ bɛ kio, ma á re n diɛ Izirayeli gána gialaa. Bɛa waáraa kəni, bɛ̀ a minin nə n dinin si zia la. Bɛ̀ ǹ nə́ soo ǹ nə́ n bɔ kiwin kɛn nɛ ǹ nə́ goã ǹ nɛ. Ǹ tá re goɛ̃ soe-n kɔn Izirayeli a kelen kɛn la, ǹ nə́ belebɔ bii-a min ná a ba giã-n la wa. Ǹ bɛ́ ǹ nə́ soo ǹ nə́ n bɔ tɔrɔ kɔsɔn bii, ǹ tumaa á re goɛ̃ là nyantoro la.

Danayeli sɛ́wɔ 1:20

Sii mɛn tumaa bɛ́ sii-doɛ̃ laanka yiri ná a yɔrɔ boe, kii lɛ nɔ̀n da ǹ la ka ǹ mɛnɛn nɛ, á woo yǎa bɛ̀ ǹ nə́ la a gána lɛ a wɔ-kũlin laanka bòon kɛn tumaa nɛ gunyin fù.

Danayeli sɛ́wɔ 10:14

Sii mɛn bɛ́ re n tɔrɔn lɛn yii nyɛɛnɛ, masɛ n má daa bɛ pɛ n nɛ. A giala sii-yɛ kɔsɔ á re yii bɛa biikoo lɛ wɔ lɛa.»

Danayeli sɛ́wɔ 2:18

Á pɛ ǹ nɛ: «Ka gòã-kũ da lon a Lawa ganaa sii-durii kɛ lɛ a lɛa, màn mɛn bɛ́ toɛ, ǹ baran masɛ Danayeli laanka maa tá-kun wolen lɛn dɛ kun ka Baabilonii a doɛ̃-wɔle gialakunun kɛn nɛ wa.»

Danayeli sɛ́wɔ 2:22

Siin mɛnɛn bɛ́ zuzulu, yii bɛ́ a doe siin mɛnɛn gɔ́ɔ̃-n wa, a din nə bɛn nyɛɛ. Sii mɛn bɛ́ wɔlɔ tì li, a tá doɛ̃, a din li, wɔlɔ fúlu na a tan.

Danayeli sɛ́wɔ 2:44

Bɛa kiin kɛn lɛn wasa nɛ, lon a Lawa á re kiibaa lɛ kɔn koɛ, bɛ ná a re ziziɛ̃ duduu wa. Bɛa kiibaa lɛ dɔ á re n sii a n kɔ tɔrɔ kɔsɔ la wa. Bɛ lɛ n die kiibaa gialakun kɛ tumaa yɔyɔrɛ, a ǹ ziziɛ̃ lenlen, sɛnɛ, a din nə die goɛ̃ yàa duduu.

Danayeli sɛ́wɔ 2:45

Kɔlɔ lɛ, á bɔ kele lɛ la a din li á daa fɔlɔ lɛ yɔyɔrɛ, zan lɛ nɛ, gì-tiɛ̃ lɛ nɛ, wɔrɔ lɛ laanka sana lɛ nɛ, bɛ n bɛ giala pii. Kii, sii mɛn bɛ́ re n zɛnɛɛ kɛ kio, Lawa gole na á bɛ nyaa n nɛ. N narɛɛ mɛn wɔ, a din taãn lɛ n ke. A binyəə lɛ dɔ, sàabaa ba la wa.»

Danayeli sɛ́wɔ 2:47

Á tɔ́n boo da Danayeli ni á pɛ nɛ: – N bɛ́ n boo la n sii-durii kɛ nyaa masɛ nɛ, taãnɛ sonbore! Kaa Lawa lɛ n lawan Lawa lɛa, kiin Dɛnaa lɛa, sii duriin nyaali lɛa.

Danayeli sɛ́wɔ 4:5

Bɛ kio ne, Danayeli dɔ́ tɔ́n wɔ. A din lɛ nɛ ǹ tá bíi Bɛlsazaara a kɔnpɛ ka maa lawa kɛ tɔ nɛ, lawa sonboren lɛn yiri na á goã a lon. Má narɛɛ lɛ a boo da a yii-n kɛnɛn:

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Amɔɔsi 4:13

Ga le, a din na á kelen zɛnaa, a din nə piɛ̃ diɛ bɔ ganaa, a din na a taasiɛ nyɛɛ minbuiinin manɛ, a din nə wɔlɔ fúlu bɔyɛɛ a baa wɔlɔ tì lɛa, a din nə tɔ we kanaa a kele dadaran kɛn mìi ni kiɛ̃. A tɔ mà Dɛnaa Lawa, Lawa Pàãyiidɛnaa.

Minin nimi 24:14

Kanna kəni, man die woe ma tɔrɔ minin li. Sɛnɛ, Izirayeli minin lɛn bɛ́ re sii mɛn zɛnɛɛ ka nyɛɛn biɛ̃, Balaaki, n tɔrɔ minin manɛ, daa ma bɛ lɛ pɔrɔ n nɛ.»

Matiə 6:9

Ka doamaa nɛ ka Lawa nyankɔ kɛnɛn: Wɔ Di mɛn bɛ́ lon, toa n tɔ gole kɔ.

Timəə dí-pɛn 31:19

Sisia kəni, man die loe nyɛɛ ka nɛ ka kiɛ̃. Muizu ganaa, Izirayeli minin lɛn daraa bɛa loe lɛ a lɔ ganaa, yǎa ǹ boe la ǹ loe. Bɛa loe lɛ n die siére biɛ ǹ ganaa masɛ wɔ paǹ li.

Timəə dí-pɛn 4:30

A biikoo din tá die, bɛ̀ bɛa siin kɛn lɛn tá ka mìi ni ǹ mɛn waáraa, ká n nɔmaa gɔ́ɔ̃ nɛ, ka á re n bɔyɛɛ ka da yǎa kaa Lawa, Dɛnaa Lawa li. Ka á re n too koe a lon bɛa biikoo li.

Timote2 3:1

N yiri koa li n dɔ̃, mà biikoo giala-nyɔmiɛ li, lɛawaa kakan tá re yii.

Ebrəə 1:1

Lɛlɛ, Lawa na á boo da wɔ digolon ne, gunyin damata ka yɔrɔ gigiã nɛ, ka a din a boo gii-dalin barka nɛ.

Piɛrɛ2 3:3

Ka dɔ̃ dinin bɔrɔ, mà giala-nyɔmiɛ biikoo li, yaa-wɔlen tá re yii, ǹ nə́ tɔ we á n kɔnpii ǹ dinin dùũ sii babaraan nɛ. Maǹ die ka diɛ yaa lɛa,

Sii-nyaan 1:1

Yezu *Krita siin mɛnɛn nyaa, bɛa sɛ́wɔ n ke. Lawa na á ǹ kɔ la, mà siin mɛnɛn bɛ́ re n zɛnɛɛ kànaa ka boɛɛn nɛ, mà a ǹ nyaa a bɛ̀rɛn manɛ. Yezu ná a lon a dia dí-a wole dia a bɛ̀rɛ Zaã la, mà a bɛn nyaa nɛ.