Danayeli sɛ́wɔ 2:23 - LAWA A BOO SONBORE 2011

²³ Ma digolon Lawa, man barka diɛ n din ni, ma n tɔ bɔ, a giala, ń sii-doɛ̃ laanka pàã kɔ ma la! Wɔ nɔ̀n da n la ka sii mɛn nɛ, ń bɛ nyaa ma nɛ, ń kii a sii lɛ nyaa wɔ nɛ.

Danayeli sɛ́wɔ 2:23 ပူးပေါင်းရင်းမြစ်များ

Siin Giala 18:17

Dɛnaa pɛ: «Ma bɛ́ re sii mɛn zɛnɛɛ, ma a re bɛ duri Abrahamu ganaa wa.

Siin Giala 31:42

Bɛ̀ ma di gole Abrahamu a Lawa, ma di Izaaki bɛ́ nyɛ́ɛ biɛ Lawa mɛn lɛ nɛ, bɛ̀ bɛ bie á goã kun ka masɛ-n wa, bɛ̀ n nə ǹ die toɛ ma gɔn kooro woo. Sɛnɛ, Lawa ga masɛ á nɔmaa ganaa, ma dí kaka mɛn nya, á bɛ yɛ. Bɛ lɛ nɛ, a ná a yɔrɔ bɔ gunun tèlò-n.»

Kiin1 18:36

Wasamiɛ̃n wúlu bɔ biikoo li, Yilii nə́ n zɔ̃ á dɔ wúlu bɔ ǹ bǎã lɛ li, á pɛ: «Dɛnaa Lawa, Abrahamu a Lawa, Izaaki a Lawa, Izirayeli a Lawa, toa minin nə dɔ̃ pelo, mà n din nə Lawa lɛa Izirayeli gána nɛ. Toa ǹ dɔ̃ dɔn, mà masɛ nə n dí-nyali lɛa, ka bɛ dɔ nɛ, ǹ dɔ̃, mà masɛ n má bɛa siin kɛn lɛn tumaa zɛnaa ka n din a boo barka nɛ.

Kiin1 8:57

Wɔa Lawa, Dɛnaa Lawa lɛ die a goã kun ka wɔ nɛ ka a goã kun ka wɔ digolon ne lɔn. A baran n gɔn bɔ wɔ ganaa wa, a baran wɔ toa walan duduu wa.

KZS1 29:10

Davida barka da Dɛnaa Lawa nɛ zaman tumaa yɔrɔ-a, a n pii kɛnɛn: «Gugurubaa nə wɔ lɛa, biikoo yii tumaa li yǎa duduu, Dɛnaa Lawa, Izirayeli a Lawa, wɔa Lawa!

KZS1 29:13

Kanna kəni wɔa Lawa, wɔ n barka diɛ n nɛ, wɔ nə n tɔ sonbore kɛ boe ka loe ne.

KZS2 20:6

Á pɛ: – Dɛnaa Lawa, wɔ digolon Lawa, n din ni lon, n nə́ tán a gána tumaa mìi la. Kakabaa ka pàã nə n wɔ lɛa. Min kɔn ba boe la a n gòãn dii n ganaa wa.

Loen 21:2

E Dɛnaa Lawa! Kii lɛ nə n nyɛnyɛɛ ka n din pàã nɛ. N dɔmalɛ kɛ foo kɔɔ̃nbaa mɛn kɔ la, lɛ a pii wa.

Loen 21:4

N din nə́ n da lɛ ka bǐɛ̃ sonboren ne. N din nə ń kiibaa ǹ bafolo wɔ a mìi-a, sana lɛa.

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Loen 50:14

Barka da Lawa nɛ ǹ wúlu màn lɛa, n nə n lɛ kɔ lon a Lawa la ka màn mɛn nɛ, bɛ zɛnaa.

Bɔ bɛ̀rɛbaa nɛ 3:15

Boo da Izirayeli nɛnyaanan lɛn man kɛnɛn: «Dɛnaa Lawa lɛ, ka digolon Lawa lɛa, Abrahamu ni, Izaaki ni ka Zakɔba nɛ, bɛn Lawa kɛ na á ma dia ka li "Dɛnaa" lɛ na a tɔ lɛa yǎa duduu, ka n die bíi miɛ̃ biikoo tumaa li.»

Suusun 21:22

Zia-baali kakan bɛ́ kiwi mɛn lɛduĩ, sii-dɔ̃li n bɛ sii. Kungɔnɔn mɛnɛn bɛ́ ǹ foo n doa nɛ ǹ ganaa, a n bɛn noɛ̃ a ǹ kaa.

Suusun 24:5

Pàã n sii-dɔ̃li lon. Bɛ̀ doɛ̃ wole ne, màn nə wusii miɛ̃ a pàã li.

Suusun 8:14

Doroo laanka gɔn waa n masɛ wɔ lɛa. Ma din ni sii-doɛ̃ lɛa, pàã n ma din lon.

Boo-laakalaali 7:19

Sii-doɛ̃ n pàã koe sii-dɔ̃li la, a la goledɛnaa fù wɔ nɛ kiwi.

Boo-laakalaali 9:16

Má tɔ́n pɛ, máa sii-doɛ̃ tá soɛ pàã nɛ. Sɛnɛ, maǹ pàã boe doobaa a sii-doɛ̃ nɛ, ǹ ba n too koe a lon wa.

Boo-laakalaali 9:18

Sii-doɛ̃ tá soɛ ziabaa ǹ mànan manɛ. Sɛnɛ baãnaa goon nə sii bǐɛ̃ gigiã ziziɛ̃.

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Zeremii 33:3

Ma bíi wɔ, ma á re n lɛ sii. Ma á re sii duriin nyɛɛ n nɛ, sii dadaran lɛa n bɛ́ n tɔ nə ǹ mɛnɛn dɔ̃ wa.

Danayeli sɛ́wɔ 1:17

Bɛa nɛgininin kɛn lɛn, Lawa doɛ̃ kɔ ǹ dinin min sii la, á sɛ́wɔ dɔ̃ ǹ yiri kɔ ǹ la, ka sii-doɛ̃ nɛ. Danayeli lɛ sɛ na á goã sii-nyaan tumaa laanka narɛɛn dɔn giala doɛ̃ a tá ǹ pii.

Danayeli sɛ́wɔ 2:18

Á pɛ ǹ nɛ: «Ka gòã-kũ da lon a Lawa ganaa sii-durii kɛ lɛ a lɛa, màn mɛn bɛ́ toɛ, ǹ baran masɛ Danayeli laanka maa tá-kun wolen lɛn dɛ kun ka Baabilonii a doɛ̃-wɔle gialakunun kɛn nɛ wa.»

Amɔɔsi 3:7

A din goon ne: A dí-nyalin kɛn a boo gii diɛ, Dɛnaa Lawa a sii kɔn zɛnɛɛ, bɛ̀ a ná a n gɔ́ɔ̃ pii bɛn ma-n wa.

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Luku 10:21

A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.

Zaã a sɛ́wɔ 11:41

Ǹ nə́ kɔlɔ lɛ bɔ ǹ nə́ bɔ lɛ. Bɛ kio, Yezu nə́ n yii saa lon, á pɛ: «Maa Díi, ma á barka diɛ n nɛ, a giala, n masɛ lɛ si.

Zaã a sɛ́wɔ 15:15

Ma ba ka bíi máa maa dí-nyalin doo wa, a giala, dí-nyali ba a dɛnaagiĩ a nya ǹ dí doɛ̃ wa. Má ka bíi giaáran, a giala, ma màn mɛn tumaa ma maa Díi li, má a tumaa nyaa ka nɛ.

Sii-nyaan 1:1

Yezu *Krita siin mɛnɛn nyaa, bɛa sɛ́wɔ n ke. Lawa na á ǹ kɔ la, mà siin mɛnɛn bɛ́ re n zɛnɛɛ kànaa ka boɛɛn nɛ, mà a ǹ nyaa a bɛ̀rɛn manɛ. Yezu ná a lon a dia dí-a wole dia a bɛ̀rɛ Zaã la, mà a bɛn nyaa nɛ.

Sii-nyaan 5:5

Min golen kɛn goon tɔ́n pɛ ma nɛ: «N nyan wuu pɛ wa! Á ke, Zudaa tɔrɔn Yàra ke kii Davida a nɔ̀ɔn lɛa! Á gɔ̀lɔ̀baa yɛ lɛlɛ. Á re sɛ́wɔ kɛ a lɛ tã ǹ bǎã sɔbaa kɛ bɔyɛɛ a bɔ a ganaa, a na a lɛ bũ.»