Danayeli sɛ́wɔ 2:22 - LAWA A BOO SONBORE 2011

²² Siin mɛnɛn bɛ́ zuzulu, yii bɛ́ a doe siin mɛnɛn gɔ́ɔ̃-n wa, a din nə bɛn nyɛɛ. Sii mɛn bɛ́ wɔlɔ tì li, a tá doɛ̃, a din li, wɔlɔ fúlu na a tan.

Danayeli sɛ́wɔ 2:22 ပူးပေါင်းရင်းမြစ်များ

Siin Giala 41:16

Zozɛfu Faarahɔn lɛ si kɛnɛn: «Masɛ din bie wa, Lawa n die a binyəə taãn koe n la.»

Zɔbu 12:22

Wɔlɔ tì siin kɛn, a n pìi boe bɛn lɛ. Gɛ̀ dɛ ǹ sii tìtìn kɛn, a n bɛn diɛ wɔlɔ fúlu-a.

Zɔbu 26:6

A giala, geren piɛ a sii tumaa n foaãnɛ Lawa yɔrɔ-a, bɛa nyankɔrɔ zuzulu kɛa sii kɔn ba durii-n Lawa-a wa.

Loen 104:2

tɛ fúlu nə n ganaa ka dɔnkɛ nɛ. N din nə ń lon nyɔmaa ka mɔnaa kion ne.

Loen 25:14

Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.

Loen 36:9

Maǹ nə́ ǹ dinin bundara piɛ̃, ka n kion a màn-bii gigiã nɛ. N sonborebaa kɛ n goon ka tà nɛ, n nə́ ǹ goe mu-n walan.

Boo-laakalaali 8:1

Die n sii-dɔ̃li taãn lɛa? Die yii n doe sii gɔ́ɔ̃-n taãn-taãnɛ? Min a sii-doɛ̃ na a yɔrɔ diɛ tɛ pɛ-a. Ǹ dɛnaa yɔrɔ a babaraabaa dɔ nə n bɔyɛɛ.

Izayii 41:22

Ka da ǹ nɛ, siin mɛnɛn bɛ́ die, ka bɛn pɛ wɔ nɛ. Lɛlɛ siin kɛn nə goã lɔn, ka bɛ pɛ wɔ nɛ. Ka ǹ nyaa wɔ nɛ, wɔ n taasɛ ǹ ganaa. Wɔ á re bɛn kio siin doɛ̃. Biɛ̃ ǹ siin kɛn, ka ǹ pɛ wɔ nɛ, wɔ dɔ̃ sii mɛn bɛ́ re n zɛnɛɛ.

Izayii 41:26

Die na á bɛ pɛ wɔ nɛ a giala-kɔ li, mà wɔ dɔ̃? Die na á n gɔn waa wɔ-n lɛlɛ, mà wɔ pɛ mà sonbore ne? Ka bii min kɔn màn kɔn pɛ wa. Min kɔn nə n lɛ bũ wa. Min boo kɔn din ma ka lɛ-n wa.

Izayii 42:9

Á ke, sii bibinaan nə́ n zɛnaa ǹ nə́ kiɛ̃. Kanna, man sii soreen boo diɛ. Ma nə ǹ pii ka nɛ, ǹ laan bɛ̀ ǹ nə n zɛnaa.»

Izayii 45:7

Man wɔlɔ fúlu koɛ, ma wɔlɔ tì zɛnaa. Man là nyantoro zɛnɛɛ, ma koe dɔ zɛnaa. Hiĩ, ma din Dɛnaa Lawa n bɛ tumaa zɛnɛɛ.

Zeremii 23:24

Ta min na á n duru dɔndɔɔn nɛ, ma yii na a ganaa. Dɛnaa Lawa a da ǹ boo ne. Man bǎã tumaa nɛ, lon laanka tán. Dɛnaa Lawa a da ǹ boo ne.

Zeremii 33:3

Ma bíi wɔ, ma á re n lɛ sii. Ma á re sii duriin nyɛɛ n nɛ, sii dadaran lɛa n bɛ́ n tɔ nə ǹ mɛnɛn dɔ̃ wa.

Danayeli sɛ́wɔ 2:11

Kii bɛ́ nɔ̀n diɛ ka sii mɛn nɛ, á kaka á la yii ni. Bɛa dɛnaa din banban, a boo la a kɛ pɛ kii-n wa, bɛ̀ á n bɔ lawan kɛn nɛ, ǹsɛn mɛnɛn bɛ́ ǹ ba giã-n minbuiinin bii wa.»

Danayeli sɛ́wɔ 2:19

Lawa tɔ́n sii-durii lɛ nyaa Danayeli-n tèlò-n. Bɛ kio, Danayeli barka da lon a Lawa nɛ,

Danayeli sɛ́wɔ 2:47

Á tɔ́n boo da Danayeli ni á pɛ nɛ: – N bɛ́ n boo la n sii-durii kɛ nyaa masɛ nɛ, taãnɛ sonbore! Kaa Lawa lɛ n lawan Lawa lɛa, kiin Dɛnaa lɛa, sii duriin nyaali lɛa.

Danayeli sɛ́wɔ 5:11

Giĩ goon tá n gána lɛ nɛ, lawa sonboren kɛn yiri tá a lon. N di a kiibaa biikoo li, ǹ nə́ dɔ̃ mà bɛa giĩ lɛ yii á buĩ ni, á sii giala miɛ, sii-doɛ̃ tá a lon ka lawan kɛn wɔ bɛ́ lɔn. Bɛ lɛ na á toa ǹ di Nebukadenezɔɔrɔ koa nyɛɛnaandɛnaa lɛa kɔ́lɔnbaali ni, wɔ-kũlin ni, doɛ̃-wɔlen mii la ka bòon ne.

Danayeli sɛ́wɔ 5:14

Má ma n wɔ paǹ li, máa lawan kɛn yiri tá n lon, n yii á bui ni, n ta sii giala miɛ, sii-doɛ̃ nə n lon taãn-taãnɛ.

Matiə 13:13

Bɛ̀ n yaa masɛ tá boo diɛ ka nɛ ka boo giməə ne, a mìi n ka kɛ nɛ: A giala, maǹ giɛ, sɛnɛ, ǹ yii a wɔlɔ yii wa, maǹ nə n too koe, ǹ too a boo miɛ wa, ǹ ba a giala miɛ wa.

Zaã a sɛ́wɔ 1:9

Bɛa Boo kɛ lɛ n wɔlɔ fúlu taãn lɛa, á daa kanaa gɔ́ɔ̃ nɛ, a n minbuiin din tumaa yii buĩ.

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «Zaã a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Zaã a sɛ́wɔ 8:12

Yezu wusoo doo á boo giməə kɔsɔ da zaman lɛ nɛ, á pɛ: «Masɛ n kanaa a wɔlɔ fúlu lɛa. Bɛ̀ min mɛn tá koe masɛ kio lɛ, bɛa dɛnaa a die tɔ we wɔlɔ tì li wa. Wɔlɔ fúlu mɛn bɛ́ toɛ min yiikoonaabaa yɛ, bɛa dɛnaa á die bɛ yii.»

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Efɛɛzi minin 3:5

Lɛlɛ, Lawa bɛa sii-durii kɛ lɛ nyaa minbuiinin ni wa. Sɛnɛ kanna, a din na á nyaa, Yezu a dia dí-a wole sonboren laanka Lawa a boo gii-dali sonboren nə́ dɔ̃, a din a Yiri Fu pàã ganaa.

Timəə dí-pɛn 29:28

Sii mɛn bɛ́ durii ni, bɛ n wɔa Lawa, Dɛnaa Lawa wɔ lɛa. Sɛnɛ, màn mɛn nə n nyaa wɔ dinin laanka wɔa nɛnyaanan manɛ, bɛa sii n wɔ mìi ni yǎa duduu: bɛ n ka dí-pɛ kɛ nɛ, wɔ doamaa nɛ, wɔ kɔ a boon tumaa lɛ.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Ebrəə 4:13

Màn kɔ́n din ba durii-n Lawa la wa. Màn din tumaa na a yɔrɔ-a panparaanɛ, a yii nə́ ǹ ganaa. Wɔ tumaa n die n bɔlɔ pii a din yɔrɔ-a.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaã1 1:5

Wɔ boo mɛn ma Yezu Krita li, bɛ n ke wɔ á pii toɛ̃ ka nɛ: Lawa n wɔlɔ fúlu lɛa, wɔlɔ tì kɔ́n ba a li wa.