Danayeli sɛ́wɔ 2:21 - LAWA A BOO SONBORE 2011

²¹ A din nə biikoon laanka siin koɛ kɔn la, A din nə kii koɛ, a din nə kii boe a bɔ kiibaa nɛ. A din nə sii-doɛ̃ koe sii doɛ̃-wɔlen la, a din nə yiri koe sii giala malin la.

Danayeli sɛ́wɔ 2:21 ပူးပေါင်းရင်းမြစ်များ

Kiin1 10:24

Lawa sii-doɛ̃ mɛn kɔ Salomɔn la, kanaa kuturu na á goã giɛ li mà ǹsɛn nə Salomɔn yɛ, ǹ nə n too kɔ bɛ ganaa.

Kiin1 3:28

Kii lɛ kiri mɛn kuru, Izirayeli kuturu bɛ boo ma. Ǹ nə́ kii lɛ yii guguru kɔ, a giala, ǹ nə́ dɔ̃ mà Lawa na á yiri kɔ Salomɔn la mà a sii yɔrɔ bɔ nɛ.

KZS1 22:12

Lawa nə n yiri fulu, a sii-doɛ̃ kɔ n la, màn mɛn bɛ toɛ n kɔ Dɛnaa Lawa a dí-pɛn kɛn lɛ, bɛ̀ á n koa Izirayeli mìi la á pàã kɔ n la.

KZS1 29:30

Siin mɛnɛn nə n zɛnaa bɛ̀ Davida bɛ́ kiibaa la, bɛa sɛ́wɔn kɛn man bɛn laakalɛɛ. A foo tãbaa ǹ siin ni, a nɔmaan mɛnɛn yɛ, sii mɛn Izirayeli yɛ kɔnlɛ ka gána kɔsɔn kɛn dɔn nɛ.

Ɛsit 1:13

Kii lɛ dia a wɔa sii yɔrɔ-bɔlen la, mɛnɛn lɛn dinin bɛ́ kii a sii yɔrɔ boe. A giala, sii tumaa doamaa nɛ a n yɔrɔ bɔ kii li, a din laanka landa sii yɔrɔ-bɔlen ne ka dí-pɛ boo-dɔ̃len ne.

Zɔbu 12:18

A n kiibaa sii kiin la, a bɛ̀rɛbaa ǹ tuùlun da ǹ giala-a.

Bɔ bɛ̀rɛbaa nɛ 31:3

Man má yiri kɔ Besaleli lɛ la, màn mɛn bɛ́ toɛ, a sii-doɛ̃ laanka yiridɛnaabaa yɛ, ka màn-doɛ̃ laanka kanaa sii tumaa zɛnaa doɛ̃ nɛ.

Bɔ bɛ̀rɛbaa nɛ 31:6

Ka bɛ dɔ-n doo, man má Dan tɔrɔ Ayisamaaki a nɛgiĩ Oholiabu da kun ni. Má dí nya doɛ̃ kɔ ǹ la, kun ka dí-nyali kɔsɔn nɛ, màn mɛn bɛ́ toɛ, masɛ dí mɛn tumaa pɛ n din ni, ǹ bɛ nya.

Danayeli sɛ́wɔ 1:17

Bɛa nɛgininin kɛn lɛn, Lawa doɛ̃ kɔ ǹ dinin min sii la, á sɛ́wɔ dɔ̃ ǹ yiri kɔ ǹ la, ka sii-doɛ̃ nɛ. Danayeli lɛ sɛ na á goã sii-nyaan tumaa laanka narɛɛn dɔn giala doɛ̃ a tá ǹ pii.

Danayeli sɛ́wɔ 10:1

Pɛrɛsin kii Siirusu a kiibaa lɛ̀ sɔɔbaa ǹ wɔ li, Danayeli mɛn bɛ́ ǹ tá bíi Bɛlsazaara, sii kɔn nə́ n nyaa bɛ nɛ. Bɛa sii lɛ n taãn lɛa a n boo diɛ nɔmaa dadaran wɔ paǹ li. Danayeli nə́ n taasɛ bɛa sii lɛ ganaa, a ná a giala ma sii-nya barka nɛ.

Danayeli sɛ́wɔ 11:6

Bɛ̀ lɛ̀ lɛ kɔn kiɛ̃, ǹ tá re wusii ǹ kaa kun. Gusin a lɛ̀gɔn la a kii kɛ a nɛlɔ á re woe zuũ yii gɔsɛ a lɛ̀gɔn la a kii kɛ li, màn mɛn bɛ́ toɛ kɔn wɔ ma yɛ. Sɛnɛ, pàã a re goɛ̃ a lon wa. Sɛnɛ ǹ zuũ lɛ yii a re goɛ̃ koo wa, a tɔrɔn dɔn ba re goɛ̃ wa. Ǹ tá re lɔ lɛ dinmaa dii kun ka min mɛnɛn nə da koa, ǹ di ni, ka min mɛn bɛ́ re n doe lɛ bɛa biikoo lɛ gɔ́ɔ̃ nɛ.

Danayeli sɛ́wɔ 2:20

á pɛ kɛnɛn: Barka á Lawa ganaa yǎa duduu! A giala, sii-doɛ̃ laanka pàã na a din wɔ lɛa.

Danayeli sɛ́wɔ 2:23

Ma digolon Lawa, man barka diɛ n din ni, ma n tɔ bɔ, a giala, ń sii-doɛ̃ laanka pàã kɔ ma la! Wɔ nɔ̀n da n la ka sii mɛn nɛ, ń bɛ nyaa ma nɛ, ń kii a sii lɛ nyaa wɔ nɛ.

Danayeli sɛ́wɔ 2:9

Bɛ̀ ka narɛɛ lɛ pɛ ma-n wa, dɔlɔ goon nə die n boe ka dinin tumaa ganaa. Ka n ká ga soɛ li kun, ka n die boe masɛ nɛ, masɛ bebele ne, bɛ̀ sii lɛ baa n bɔyɛɛ. Bɛ boo bie wa! Ka narɛɛ lɛ pɛ masɛ nɛ, ma á re doɛ̃ ka bɛ nɛ, má ka á re boe la ka a binyəə dɔ pɛ masɛ nɛ.»

Danayeli sɛ́wɔ 4:14

Bɛa dɔlɔ boo ke, lon na dia wolen man nə́ daa pɛ, boo kɛ lɛ, lon a dia dí-a wolen man nə́ daa pɛ, màn mɛn bɛ́ toɛ, minbuiinin nə dɔ̃, mà Lawa mɛn bɛ́ lon sɔsɔɔ, bɛ n minbuiinin kiibaa mìi la. Bɛ̀ a din tá li mà a kɔ min mɛn la, a n koe bɛ la, a din nə din gisĩi wole siɛ a da kiibaa la.

Danayeli sɛ́wɔ 4:17

Ma nə́ n da yɛ, gole, gegere, a sasabaa woo yǎa lon a labaran ganaa, min nə́ n toɛ kanaa paǹ tumaa nɛ a yii ná a ganaa.

Danayeli sɛ́wɔ 4:22

Ǹ tá re n lui ǹ nə n bɔ minbuiinin bii, n tá re giɛ̃ kun ka don mànan nɛ. N tá re buu soɛ̃ ka dii bɛ́ lɔn, pele á re goɛ̃ bɛ̀ a n gɔ̀nɔn basã. N tá re goɛ̃ bɛ gɔ́ɔ̃ nɛ lɛ̀ sɔbaa, yǎa n doɛ̃, mà Lawa mɛn bɛ́ lon sɔsɔɔ lɛ-n, minbuiinin kiibaa mìi la, a bɛ́ li a kɔ min mɛn la, a n koe bɛ la.

Danayeli sɛ́wɔ 4:32

Kanaa minin tumaa ba màn kɔn lɛa a yɔrɔ-a wa. A din foo sii nə n zɛnɛɛ, lon a dia dí-a wolen laanka kanaa minin wɔ paǹ li. Min kɔn banban, bɛ boo la a na a gɔn kũ, a pɛ nɛ: «Wàa mɛn sii n ka kɛ nɛ n tá zɛnɛɛ?»

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Rɔmu minin 13:1

Min din tumaa doamaa nɛ a goledɛnan bɔlɔ si. A giala, goledɛnaabaa kɔ́n banban, bɛ̀ bɛ ná a bɔ Lawa li wa. Goledɛnan mɛnɛn bɛ́ ǹ tan ke, ǹ koa na á bɔ Lawa li.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.

Sii-nyaan 19:16

Ǹ nə́ tɔ kiɛ̃ a dɔnkɛ ganaa ka a gisi goon ne kɛnɛn: «Kiin Kii, dɛnaan Dɛnaa.»