Danayeli sɛ́wɔ 2:2 - LAWA A BOO SONBORE 2011

² Kii lɛ tɔ́n pɛ mà ǹ lɛ dia kɔ́lɔnbaalin laanka wɔ-kũlin la, bòon laanka doɛ̃-wɔlen ne, màn mɛn bɛ́ toɛ ǹ na asɛ a narɛɛn lɛn pɛ asɛ nɛ. Ǹ nə́ daa, ǹ nə́ golee kii yɔrɔ-a.

Danayeli sɛ́wɔ 2:2 ပူးပေါင်းရင်းမြစ်များ

Siin Giala 41:8

A lɛawaa baayɛlɛ, a yiri bɛ́ lɔloɛkɔn, á minin dia, mà ǹ wo Eziptin kɔ́lɔnbaalin tumaa bíi, ka ǹ sii-dɔ̃lin tumaa nɛ, mà ǹ daa. Ǹ bɛ́ ǹ nə́ daa, a ná a narɛɛn lɛn pɛ ǹ nɛ, sɛnɛ, min kɔ́n boo la, á ǹ giala pɛ-n wa.

Ɛsit 1:13

Kii lɛ dia a wɔa sii yɔrɔ-bɔlen la, mɛnɛn lɛn dinin bɛ́ kii a sii yɔrɔ boe. A giala, sii tumaa doamaa nɛ a n yɔrɔ bɔ kii li, a din laanka landa sii yɔrɔ-bɔlen ne ka dí-pɛ boo-dɔ̃len ne.

Bɔ bɛ̀rɛbaa nɛ 7:11

Sɛnɛ, Faarahɔn dɔ lɛ dia a màn-dɔ̃lin laanka a kɔ́lɔnbaalin la, ǹ dɔn ná a din dí lɛ nya, ka ǹ boo sii la ǹ pàã baraa kɛ nɛ.

Izayii 19:3

Ezipti minin foo á re ziziɛ̃. Ǹ sii yɔrɔ bɔn kɛn, ma á re bɛn lɔloɛkɔn. Ǹ tá re woe n lɛ koɛ dìn li, dagòãdɛnan nɛ, nyín-biilin ni ka wɔ-kulin ni.

Izayii 8:19

Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,

Danayeli sɛ́wɔ 1:20

Sii mɛn tumaa bɛ́ sii-doɛ̃ laanka yiri ná a yɔrɔ boe, kii lɛ nɔ̀n da ǹ la ka ǹ mɛnɛn nɛ, á woo yǎa bɛ̀ ǹ nə́ la a gána lɛ a wɔ-kũlin laanka bòon kɛn tumaa nɛ gunyin fù.

Danayeli sɛ́wɔ 1:4

Wɔ̀lɔ̀ kɔn doamaa bie a goã bɛa nɛgininin lɛn ganaa wa. Ǹ yɔrɔ doamaa nɛ a goã siĩni. Sii-doɛ̃ doamaa nɛ a goã ǹ lon sii tumaa wɔ paǹ li, yiri nə́ ǹ lon, ǹ nə́ sii a woo ǹ bǎã doɛ̃, ǹ nə́ die boe la ǹ kii a kion dí nya. Ka tá re bɛa nɛgininin lɛn darɛɛ Baabiloniin bɔlɔ laanka ǹ sɛ́wɔ kiɛ̃ ǹ gɔn ganaa.

Danayeli sɛ́wɔ 2:10

Doɛ̃-wɔlen lɛn nə́ tɔ́n kii lɛ si, ǹ nə́ pɛ a yii ni: «Min kɔn din banban kanaa kɛ nɛ, a boo la a kii a sii kɛ lɛ pɛ-n wa. Kii kɔn dɔ bin sii kɛ miã da kɔ́lɔnbaali hinlaa wɔ-kũli, hinlaa doɛ̃-wɔle kɔn mìi-n duduu wa. Haalɛ ta kii lɛ din nə gole lɔn, pàã ná a lon.

Danayeli sɛ́wɔ 2:27

Danayeli tɔ́n kii lɛ si á pɛ kɛnɛn: «Kii, n bɛ́ nɔ̀n diɛ ka sii-durii mɛn nɛ, sii-dɔ̃lin ni, bòon ne, wɔ-kũlin ni ka doɛ̃-wɔlen ne, ǹ kɔn ba boe la a kɛ yɛ apɛ n nɛ wa.

Danayeli sɛ́wɔ 3:8

Bɛ gɔ́ɔ̃ nɛ, Baabilonii minin kɔnɔn nə́ kiɛ̃ a din bǎã-n gɔrɔ, ǹ nə́ daa Zuifun lɛn biɛ kɔ kii ni.

Danayeli sɛ́wɔ 4:3

Má tɔ́n pɛ máa ǹ *Baabilonii gána a doɛ̃-wɔlen tumaa sɔkɔn maa piɛ, màn mɛn bɛ́ toɛ, ǹ ma a narɛɛ lɛ a binyəə pɛ ma nɛ.

Danayeli sɛ́wɔ 4:6

«Kɔ́lɔnbaalin goledɛnaa Bɛlsazaara, ma á doɛ̃, máa lawa sonboren kɛn yiri tá nsɛ lon, sii-durii kɔn ba piɛ̃ n ganaa wa. Ma sii mɛn yɛ maa narɛɛ lɛ gɔ́ɔ̃ nɛ, bɛ pɛ ma nɛ, n na a giala dɔ pɛ ma nɛ.

Danayeli sɛ́wɔ 5:7

Á tɔ́n nə n lɛ dɛ kɔsɛkɔsɛ, mà ǹ lɛ dia sii-dɔ̃lin la ǹ daa, ka kɔ́lɔnbaalin ni, doɛ̃-wɔlen laanka wɔ-kũlin ni. *Baabilonii gána a sii-dɔ̃lin lɛn bɛ́ ǹ nə́ daa, kii lɛ pɛ ǹ nɛ kɛnɛn: «Bɛ̀ min mɛn boo la á sɛ́wɔ-kiɛ̃ kɛ lɛ pɛ, a ná a giala dɔ pɛ masɛ nɛ, masɛ á re kii dɔnkɛ we a ganaa, ma sana gii da a bɔlɔ-a nyaǹ lɛa. Goledɛnaa paa mɛn bɛ́ gána lɛ a sii mìi la, bɛa dɛnaa n die goɛ̃ a sɔɔbaa ǹ wɔ lɛa.»

Samayeli1 6:2

Filisiti minin lɛn nə́ lɛ dia wúlu bolen laanka wɔ-kũlin la, ǹ nə́ pɛ ǹ nɛ: «Wɔsɛn man die Dɛnaa Lawa a goo lɛ biɛ lɔn? Wɔ bɛ́ re siɛ lɔn wɔ tɔn dia a bǎã nɛ, ka bɛ nyaa wɔsɛn manɛ.»