Danayeli sɛ́wɔ 12:9 - LAWA A BOO SONBORE 2011

⁹ Á tɔ́n pɛ ma nɛ: «Nsɛ Danayeli, wo kiĩni! A giala, boo kɛ lɛ doamaa nɛ a goã durii ni, a lɛ n tiɛ-n, yǎa biikoo giala-nyɔmiɛ̃ waáraa.

Danayeli sɛ́wɔ 12:9 ပူးပေါင်းရင်းမြစ်များ

Izayii 29:11

Bɛa boon kɛn man nə́ goã ka sɛ́wɔ gɔ́ɔ̃ nɛ ǹ boo bɛ́ lɔn, ǹ ná a lɛ tã, ǹ nə́ tɔrɔ. Ǹ nə́ kɔ sɛ́wɔ-dɔ̃li la, ǹ nə́ pɛ nɛ: «Bǐɛ̃ kɔ n si n pɛ!» Sɛnɛ á ǹ lɛ si: «Ma a boe la wa. Sɛ́wɔ lɛ lɛ tiɛ̃maa nɛ.»

Izayii 8:16

Lɛ dia kɛ koa n gɔ̀ɔ̃ nɛ, maa kialandɛnan daraa maa doroo ǹ boon kɛn ganaa sɔnbɔraa nɛ.

Danayeli sɛ́wɔ 10:14

Sii mɛn bɛ́ re n tɔrɔn lɛn yii nyɛɛnɛ, masɛ n má daa bɛ pɛ n nɛ. A giala sii-yɛ kɔsɔ á re yii bɛa biikoo lɛ wɔ lɛa.»

Danayeli sɛ́wɔ 11:40

Biikoo giala-nyɔmiɛ̃ waáraa, gusin a lɛ̀gɔn la a kii kɛ á re n yɔrɔ diɛ la ka zia nɛ. Sɛnɛ, gɔsɛ a lɛ̀gɔn la a kii kɛ á re die a gialaa ka ziabaa ǹ wotoron ne, sùidɛnan nɛ, ka mu la ǹ goo damata nɛ. Á re we gánan nɛ ka mu gole bɛ́ lɔn, a basaã kɔ ǹ nɛ a kiɛ̃.

Danayeli sɛ́wɔ 12:4

Nsɛ Danayeli, boon lɛn toa durii ni, sɛ́wɔ lɛ lɛ tã, yǎa biikoo giala-nyɔmiɛ̃ waáraa. Bɛa biikoo li, min gigiã á re n binbirin boe, màn tá re miɛ sii-doɛ̃ li.

Danayeli sɛ́wɔ 12:8

Masɛ Danayeli bɛa boon lɛn ma kəni, sɛnɛ, man ma ǹ giala ma wa. Bɛ lɛ nɛ, má tɔ́n nɔ̀n da má pɛ: «Maa dɛnaagiĩ, bɛa siin lɛn man die n giala nyɔmiɛ̃ lɔn?»

Danayeli sɛ́wɔ 8:26

N sii mɛn yɛ wasamiɛ̃n laanka baayɛlɛ wɔ paǹ li, ka a bɛ́ á n pɛ lɔn, taãn nɛ. Sɛnɛ, bɛa sii-yɛ kɛ lɛ a boo toa n gɔ́ɔ̃ nɛ, a giala, sii lɛ a zɛnaa wɔlɔ á tɔn sɔsɔɔ bɔrɔ.»

Sii-nyaan 10:4

La a paraa sɔbaa lɛn nə gini, ǹ nə́ boo mɛn da, ma bɛ́ máa man kiɛ̃, má lɛn goon ma boe lon, á n pii ma nɛ: «La a paraa sɔbaa kɛ boo mɛn da, a gũ n gɔ́ɔ̃ nɛ, n nyan kiɛ̃ wa.»