Danayeli sɛ́wɔ 12:8 - LAWA A BOO SONBORE 2011

⁸ Masɛ Danayeli bɛa boon lɛn ma kəni, sɛnɛ, man ma ǹ giala ma wa. Bɛ lɛ nɛ, má tɔ́n nɔ̀n da má pɛ: «Maa dɛnaagiĩ, bɛa siin lɛn man die n giala nyɔmiɛ̃ lɔn?»

Danayeli sɛ́wɔ 12:8 ပူးပေါင်းရင်းမြစ်များ

Danayeli sɛ́wɔ 10:14

Sii mɛn bɛ́ re n tɔrɔn lɛn yii nyɛɛnɛ, masɛ n má daa bɛ pɛ n nɛ. A giala sii-yɛ kɔsɔ á re yii bɛa biikoo lɛ wɔ lɛa.»

Danayeli sɛ́wɔ 12:6

Ǹ goon tɔ́n nɔ̀n da giĩ kɛ la mɔnaa gole ná a ganaa, golee-n tà lɛ a mu lalan: «Bɛa kaãbaa ǹ sii kakan lɛn man die nyɛɛ biĩ?»

Danayeli sɛ́wɔ 12:7

Bɛa biikoo li, giĩ mɛn lɛ goã golee-n tà mu lɛ lalan, ka mɔnaa gole ná a ganaa, bɛ nə́ n gusin a gɔn laanka a gɔsɛ a gɔn dia lon, Lawa mɛn bɛ́ a tan yǎa duduu, á n liɛ ka bɛ tɔ nɛ: Siin kɛn lɛn manə ǹ tan, yǎa lɛ̀ sɔɔ ka talɛɛ. Bɛ̀ Lawa a minin lɛn pàã nya lenlen ǹ mɛn waáraa, bɛa siin lɛn tumaa á re nyɛɛ.

Danayeli sɛ́wɔ 12:9

Á tɔ́n pɛ ma nɛ: «Nsɛ Danayeli, wo kiĩni! A giala, boo kɛ lɛ doamaa nɛ a goã durii ni, a lɛ n tiɛ-n, yǎa biikoo giala-nyɔmiɛ̃ waáraa.

Danayeli sɛ́wɔ 8:13

Má lon a dia dí-a wole goon lɛ ma boo diɛ. Lon a dia dí-a wole kɔsɔ tɔ́n nɔ̀n da bɛ la á pɛ: «Màn mɛn bɛ́ sii-yɛn kɛn lɛn gɔ́ɔ̃ nɛ, bɛ n die n zɛnɛɛ yǎa biĩ? Babaraa a wúlu ke ǹ nə́ minin kurəə a bɔ ganaa, bɔlɔ-tii sii ke basaã koe, Lawa a bǎã sonbore ke, ka lon mànan kɛn nɛ á tɔtɔrɛ ǹ la, bɛa siin kɛn lɛn man nə ǹ gòã la yǎa biĩ?»

Luku 18:34

Sɛnɛ, kialandɛnan lɛn nə bɛa boon kɛn lɛn giala ma wa. Bɛa boo kɛ lɛ na á goã tì ǹ yɔrɔ-a. Yezu bɛ́ màn mɛn pii ǹ ni, ǹ ba a giala miɛ wa.

Zaã a sɛ́wɔ 12:16

Sii mɛn bɛ́ á n zɛnaa, a kialandɛnan lɛn na a giala ma a waáraa wa. Sɛnɛ, Lawa bɛ́ á gugurubaa kɔ Yezu la ǹ mɛn waáraa, ǹ yiri gisĩ a nɛ, mà bɛa sii kɛ lɛ na á n kiɛ̃ Yezu din wɔ gɔn la, mà a din lɛ n ke minin lɛn nə́ zɛnaa nɛ.

Nya ǹ dín 1:7

Á pɛ ǹ nɛ: «Maa Díi bɛ́ á biikoon mɛnɛn koa ka a din pàã nɛ, ka doamaa bie ka bɛn dɔ̃ wa.

Piɛrɛ1 1:11

Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.