Danayeli sɛ́wɔ 12:7 - LAWA A BOO SONBORE 2011

⁷ Bɛa biikoo li, giĩ mɛn lɛ goã golee-n tà mu lɛ lalan, ka mɔnaa gole ná a ganaa, bɛ nə́ n gusin a gɔn laanka a gɔsɛ a gɔn dia lon, Lawa mɛn bɛ́ a tan yǎa duduu, á n liɛ ka bɛ tɔ nɛ: Siin kɛn lɛn manə ǹ tan, yǎa lɛ̀ sɔɔ ka talɛɛ. Bɛ̀ Lawa a minin lɛn pàã nya lenlen ǹ mɛn waáraa, bɛa siin lɛn tumaa á re nyɛɛ.

Danayeli sɛ́wɔ 12:7 ပူးပေါင်းရင်းမြစ်များ

Zɔbu 27:2

– Lawa lɛ n ma nui ka sonbore ne, Pàãyiidɛnaa lɛ n ma foo ziziɛ̃. Ka bɛa Lawa yiikoonaa kɛ lɛ tɔ nɛ,

Izayii 62:12

Ǹ tá re ǹ bíi mà «Tɔrɔ sonbore» «Dɛnaa Lawa min mɛnɛn si á ǹ kaa». Nsɛ Zeruzalɛmu, ǹ tá re n bíi: «Lawa foo sii kiwi», «kiwi mɛn bɛ́ ǹ nə n la bɔ a ganaa wa».

Zeremii 4:2

Bɛ̀ n tá pepere, bɔlɔgoondɛnaa lɛa, n gɔ́ɔ̃ n fu, bɛ̀ n lɛ kɔ wɔ, ń pɛ: «Ma nə n liɛ ka Dɛnaa Lawa Yiikoonaa tɔ nɛ», bɛa waáraa kəni, tɔrɔ kɔsɔn kɛn tá re ma nyankoe mà ma barka da ǹsɛn ganaa. Ǹ tá re gugurubaa yii masɛ taman yii.

Ezekieli 20:5

A pɛ ǹ nɛ mà masɛ Dɛnaa Lawa n kɛ pii: «Ma bɛ́ má Izirayeli tɔrɔn lɛn yii gɔgɔɔ̃ ǹ mɛn pinaa, má n liɛ Zakɔba tɔrɔn lɛn nɛ. Má n din nyaa ǹ nɛ Ezipti gána nɛ, má n liɛ má pɛ: Ma din Dɛnaa Lawa n kaa Lawa lɛa.

Danayeli sɛ́wɔ 10:5

Má n yii saa má ga, bɛ̀ giĩ goon nə́ ke ka mɔnaa gole ná a ganaa. Maabɛlɛ na á goã a bɔ̃sɔ, sana yoreen yoreen lɛa.

Danayeli sɛ́wɔ 11:13

Gɔsɛ a lɛ̀gɔn la kii lɛ á re wusii a woo, a zia-baalin sɔkɔn doo, bɛn nə́ mɔnaa nɛ, ǹ nə́ la bibinaa wɔn kɛn manɛ. Á pii mà a n woe doe lɛ̀ lɛ kɔn ganaa, á re wusii a n bɔyaa a da ka zia-baali gigiã laanka ziabaa ǹ màn gigiã nɛ.

Danayeli sɛ́wɔ 12:6

Ǹ goon tɔ́n nɔ̀n da giĩ kɛ la mɔnaa gole ná a ganaa, golee-n tà lɛ a mu lalan: «Bɛa kaãbaa ǹ sii kakan lɛn man die nyɛɛ biĩ?»

Danayeli sɛ́wɔ 12:8

Masɛ Danayeli bɛa boon lɛn ma kəni, sɛnɛ, man ma ǹ giala ma wa. Bɛ lɛ nɛ, má tɔ́n nɔ̀n da má pɛ: «Maa dɛnaagiĩ, bɛa siin lɛn man die n giala nyɔmiɛ̃ lɔn?»

Danayeli sɛ́wɔ 4:31

Nebukadenezɔɔrɔ pɛ kɛnɛn: – Lɛ̀ sɔbaa lɛ lɛ bɛ́ á pã, masɛ Nebukadenezɔɔrɔ nə́ n yii saa má dia lon ǹ kɔn pinaa, minbuiinin taasiɛ wusoo á wɔ ma nɛ. Lawa mɛn bɛ́ lon sɔsɔɔ, a yii n koo yǎa duduu, má barka da bɛ nɛ. Má a tɔ bɔ, má a guguru kɔ: A giala, a goledɛnaabaa lɛ a nyɛɛ wa, a kiibaa kɛ na a tan yǎa duduu.

Danayeli sɛ́wɔ 4:34

Bɛ lɛ na á toa, masɛ Nebukadenezɔɔrɔ á lon a Kii lɛ tɔ boe sisia, ma na a tɔ siɛ lon, man gugurubaa diɛ a tɔ la. A giala, a nya ǹ dí tumaa n siĩni, a zɛnaa ǹ sii tumaa n pepere. Min mɛnɛn bɛ́ din gole kɔ ǹ sii zɛnɛɛ, pàã tá a lon a bɛn gisĩ.

Danayeli sɛ́wɔ 7:21

Ma bɛ́ giɛ, má bɛa tɔɔ bɛn lɛ yɛ zia biɛ Lawa a minin ganaa, á n die boe ǹ la.

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Danayeli sɛ́wɔ 8:14

Lon a dia dí-a wole bibinaa lɛ tɔ́n na a lɛ si á pɛ nɛ: «Yǎa wasamiɛ̃n laanka baayɛlɛ duu paa biɛsɔɔ (2 300). Bɛ kio, Lawa a kion lɛ a sii tɔn nə n tele.»

Danayeli sɛ́wɔ 8:24

Màn tá re miɛ̃ a pàã li miɛ a woo, sɛnɛ, bɛ bie re boe a din a boo sii la li wa. Á re basaã dadaran koe. A nya ǹ dí tumaa á re bǐɛ̃ koe a gɔn. Á re pàãdɛnan dii, haalɛ Lawa a minin lɛn dɔn dinin.

Luku 21:14

Ka da ka yiri ni mà ka doamaa bie, ka saa lɛlɛ ka n dinin bɔ sii ni ǹ boo yɔrɔ bɔ ka koa wa.

Luku 21:24

Ǹ tá re zia biɛ ǹ ganaa, ǹ nə ǹ tɛnɛn dɛ ǹ gã, ǹ wo ǹ gialakunun ni gána kɔsɔn kɛn tumaa nɛ kòso nɛn lɛa. Tɔrɔ kɔsɔn tá re basaã koe Zeruzalɛmu kiwi lɛ nɛ, Lawa din nə biikoo mɛn kɔ ǹ la, yǎa bɛ́ kiɛ̃.

Timəə dí-pɛn 26:19

A giala, Lawa tɔrɔ kɔsɔn mɛnɛn tumaa zɛnaa, a n die gugurubaa koe ka la, a ka tɔ bɔ, ka golebaa yɛ a la bɛn manɛ. Bɛ gɔ́ɔ̃ nɛ, a n giɛ li ka goã asɛ din wɔ lɛa, ka a bɛ́ á pɛ lɔn.

Timəə dí-pɛn 32:36

Dɛnaa Lawa din nə die a minin lɛn sii yɔrɔ boe. Bɛ̀ á yɛ mà ǹ pàã nya ǹ mɛn waáraa, dɔmalɛ wole ná a ba ǹ lon wa, foo doa ǹ bǎã ná a ba ǹ lon wa, á re wusii a makara bɔ a dí-nyalin lɛn ganaa.

Timəə dí-pɛn 32:40

Ma nə n gɔn siɛ ma dia lon ma kɛ pɛ: Ma din lɛ yii n koo yǎa duduu!

Timəə dí-pɛn 7:6

Kaa Lawa, Dɛnaa Lawa din na á ka bɔ á ka koa a din wɔ lɛa. A din na á ka bɔ tɔrɔ kɔsɔn kɛn tumaa bii kanaa, màn mɛn bɛ́ toɛ, ka a dinsɔɔ̃ gɔn màn baa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Sii-nyaan 12:14

Sɛnɛ, ǹ nə́ giogialatã-a gole kɛ nyàan kɔ lɔ lɛ la, mà a yoo a wo a giã ǹ bǎã lɛ-n don gɔ́ɔ̃ nɛ, maǹ die toe walan, yǎa lɛ̀ sɔɔ ka talɛɛ, a wɔlɔ á re sɔsɔɔ koe miɛ̃ kɛ ganaa.

Sii-nyaan 12:6

Lɔ lɛ baa si á woo don gɔ́ɔ̃ nɛ, Lawa din na á bɛa bǎã lɛ yɔrɔ bɔ á koa nɛ, mà ǹ die ǹ too walan, yǎa lɛawaa duu goon biɛpaa ka pɔsɔrɔ (1 260).

Sii-nyaan 13:5

Tɔɔ babaraa piɛ̃ wole lɛ na á lɛ kɔ la, mà a din-koa ǹ boon da, ka sɔ kaa Lawa la ǹ boon ne. Á pàã kɔ la, mà a goã la yǎa mui pusiwenpaa.

Sii-nyaan 4:10

min golen fuəwensii mɛnɛn bɛ́ ǹ tan, bɛn man yui ǹ kaa tán, kii dankan dɛnaa lɛ yɔrɔ-a. Min mɛn bɛ́ a tan yǎa duduu, maǹ bɛ guguru koe. Maǹ nə́ ǹ kii bafolon waa ǹ nə́ ǹ zũ tán kii dankan lɛ yɔrɔ-a, ǹ nə́ pii:

Sii-nyaan 4:9

Min mɛn bɛ́ kii dankan nɛ, a yii n koo yǎa duduu, bɛ̀ màn yiikoonaa sii lɛ yoo, ǹ nə́ loe lɔ ǹ ná a tɔ bɔ, ǹ ná a guguru kɔ, ǹ nə́ barka da-n lɔn,