Danayeli sɛ́wɔ 12:6 - LAWA A BOO SONBORE 2011

⁶ Ǹ goon tɔ́n nɔ̀n da giĩ kɛ la mɔnaa gole ná a ganaa, golee-n tà lɛ a mu lalan: «Bɛa kaãbaa ǹ sii kakan lɛn man die nyɛɛ biĩ?»

Danayeli sɛ́wɔ 12:6 ပူးပေါင်းရင်းမြစ်များ

Loen 74:9

Wɔ yii ba n din a tá wɔ li ǹ sii kɔn ganaa doo wa. N boo gii-dali kɔn banban doo wa. Á n die goɛ̃ miɛ̃ dɔn yǎa biĩ, wɔ kɔn ba bɛ dɔ doɛ̃ wa.

Ezekieli 9:2

Má tɔ́n giĩ sɔrɔ yɛ ǹ nə́ soo Lawa a kion gɔ́ɔ̃ li a kiɛnlɛ kɛ nɛ, ǹ mɛn lɛ yɔrɔ bɛ́ dia-n gɔsɛ a lɛ̀gɔn la. Didie a basaã kɔ ǹ màn na á goã a gɔn. Giĩ goon ná a goã ǹ bii ka mɔnaa gole ná a ganaa, sɛ́wɔ-kiɛ̃lin sɛ́wɔ kiɛ̃ ǹ màn kɛ n lɔɔ nɛ a maabɛlɛ ganaa. *Wúlu bɔ ǹ bǎã ke zan lɛa, ǹ nə́ daa, ǹ nə́ golee bɛ genli.

Danayeli sɛ́wɔ 12:5

Masɛ Danayeli bɛ́ tɔn golee-n giɛ, bɛ̀ min paa kɔsɔ á ke golee-n walan doo: goon nə tà lɛ a lɛkoro goon ganaa, goon kɛ na a lɛkoro kɔsɔ kɛ ganaa.

Danayeli sɛ́wɔ 12:8

Masɛ Danayeli bɛa boon lɛn ma kəni, sɛnɛ, man ma ǹ giala ma wa. Bɛ lɛ nɛ, má tɔ́n nɔ̀n da má pɛ: «Maa dɛnaagiĩ, bɛa siin lɛn man die n giala nyɔmiɛ̃ lɔn?»

Danayeli sɛ́wɔ 8:13

Má lon a dia dí-a wole goon lɛ ma boo diɛ. Lon a dia dí-a wole kɔsɔ tɔ́n nɔ̀n da bɛ la á pɛ: «Màn mɛn bɛ́ sii-yɛn kɛn lɛn gɔ́ɔ̃ nɛ, bɛ n die n zɛnɛɛ yǎa biĩ? Babaraa a wúlu ke ǹ nə́ minin kurəə a bɔ ganaa, bɔlɔ-tii sii ke basaã koe, Lawa a bǎã sonbore ke, ka lon mànan kɛn nɛ á tɔtɔrɛ ǹ la, bɛa siin kɛn lɛn man nə ǹ gòã la yǎa biĩ?»

Danayeli sɛ́wɔ 8:16

Má tɔ́n min lɛ ma boe Ulayi tà kɛ bii, n lɛ dii pii kɛnɛn: «Gabarayeli, sii-nyaa lɛ giala pɛ kɛ a dɛnaa kɛ nɛ!»

Matiə 24:3

Yezu bɛ́ giã-n tán *Olivie dan kele la, a kialandɛnan nə́ n zɔ̃ ǹ nə́ dɔ a li ǹ dininsɔɔ̃nɔn, ǹ nə́ nɔ̀n da la: – Bɛ n die n zɛnɛɛ biĩ? Sii mɛn dɔ n die nyɛɛ mà n wusoo a daa biikoo dɔ, mà kanaa a nya biikoo dɔ? Bɛ pɛ wɔsɛn manɛ.

Marki 13:4

ǹ nə́ nɔ̀n da la mà siin lɛn man die n zɛnɛɛ biĩ? Mà siin mɛnɛn man die nyɛɛ, mà a biikoo dɔ? Mà a bɛ pɛ ǹsɛn manɛ.

Efɛɛzi minin 3:10

A na á bɛ zɛnaa, màn mɛn bɛ́ toɛ, lon màn pàãdɛnan laanka ǹ goledɛnan na a sii-doɛ̃ gole kɛ dɔ̃ kanna, ka a sɔmɔ kɛ barka nɛ.

Piɛrɛ1 1:12

Lawa nyaa boo gii-dalin lɛn manɛ, mà boo kɛ lɛ ǹ tá diɛ, mà a bie ǹsɛn wɔ lɛa wa, sɛnɛ, mà kasɛn wɔ nɛ. Kanna, Boo Tii Kɔɔ̃n pɛlen kɛn man nə́ bɛa boo kɛ lɛ saa, ǹ nə́ pɛ ka nɛ ka Yiri Fu pàã nɛ, Lawa Yiri Fu mɛn dia á bɔ lon ke lɛn. Haalɛ lon a dia dí-a wolen dinin man giɛ li, ǹ nə n yii wɔ bɛa boo kɛ lɛ gɔ́ɔ̃ nɛ, ǹ na a giala ma.

Sii-nyaan 15:6

Lon a dia dí-a wole sɔbaa mɛn bɛ́, ka koe bɔ ǹ màn sɔbaa nə́ ǹ gɔn, bɛn nə́ soo Lawa a Kion kɛ nɛ. Dɔnkɛ fufu tɛ-pɛlen manə ǹ ganaa, ka sana maabɛlɛ-n yii ni ǹ binbin ni.

Sii-nyaan 19:14

Lon a zia-baalin nə́ dii sùi fufun la, ǹ nə́ koe lɛ, ka dɔnkɛ fufu yii nɔnɔɔ nə́ ǹ ganaa, gɔ̀ ná a ba a wa.

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»