Danayeli sɛ́wɔ 12:4 - LAWA A BOO SONBORE 2011

⁴ Nsɛ Danayeli, boon lɛn toa durii ni, sɛ́wɔ lɛ lɛ tã, yǎa biikoo giala-nyɔmiɛ̃ waáraa. Bɛa biikoo li, min gigiã á re n binbirin boe, màn tá re miɛ sii-doɛ̃ li.

Danayeli sɛ́wɔ 12:4 ပူးပေါင်းရင်းမြစ်များ

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 29:11

Bɛa boon kɛn man nə́ goã ka sɛ́wɔ gɔ́ɔ̃ nɛ ǹ boo bɛ́ lɔn, ǹ ná a lɛ tã, ǹ nə́ tɔrɔ. Ǹ nə́ kɔ sɛ́wɔ-dɔ̃li la, ǹ nə́ pɛ nɛ: «Bǐɛ̃ kɔ n si n pɛ!» Sɛnɛ á ǹ lɛ si: «Ma a boe la wa. Sɛ́wɔ lɛ lɛ tiɛ̃maa nɛ.»

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Izayii 32:3

Min mɛnɛn yii bɛ́ á kɔnbɔ ka wɔlɔ yɛ nɛ, bɛn yii á tiɛ̃ doo wa. Min mɛnɛn too bɛ́ á kɔnbɔ ka boo ma nɛ, bɛn tá re n too koe sɔnbɔraa nɛ.

Izayii 8:16

Lɛ dia kɛ koa n gɔ̀ɔ̃ nɛ, maa kialandɛnan daraa maa doroo ǹ boon kɛn ganaa sɔnbɔraa nɛ.

Zeremii 5:1

Ka wo bǎã tumaa nɛ, Zeruzalɛmu a ziin la, ka ga sɔnbɔraa nɛ, ka nɔ̀n da, Ka ga a bǎã dadaran nɛ, Bɛ̀ ka min goon yɛ, pepere, bɔlɔgoondɛnaa lɛa, ma á re makara boe Zeruzalɛmu ganaa kəni.

Danayeli sɛ́wɔ 10:1

Pɛrɛsin kii Siirusu a kiibaa lɛ̀ sɔɔbaa ǹ wɔ li, Danayeli mɛn bɛ́ ǹ tá bíi Bɛlsazaara, sii kɔn nə́ n nyaa bɛ nɛ. Bɛa sii lɛ n taãn lɛa a n boo diɛ nɔmaa dadaran wɔ paǹ li. Danayeli nə́ n taasɛ bɛa sii lɛ ganaa, a ná a giala ma sii-nya barka nɛ.

Danayeli sɛ́wɔ 10:14

Sii mɛn bɛ́ re n tɔrɔn lɛn yii nyɛɛnɛ, masɛ n má daa bɛ pɛ n nɛ. A giala sii-yɛ kɔsɔ á re yii bɛa biikoo lɛ wɔ lɛa.»

Danayeli sɛ́wɔ 11:33

Zaman lɛ a sii-dɔ̃lin tá re min gigiã doree. Sɛnɛ, lɛawaa damata gɔ́ɔ̃ nɛ, ǹ tá re ǹ tɛn dii, ǹ nə ǹ tɛn tã, ǹ nə ǹ tɛn kaa kòso-n, ǹ gialakunun gɔn mànan si ǹ la ka pàã nɛ.

Danayeli sɛ́wɔ 11:40

Biikoo giala-nyɔmiɛ̃ waáraa, gusin a lɛ̀gɔn la a kii kɛ á re n yɔrɔ diɛ la ka zia nɛ. Sɛnɛ, gɔsɛ a lɛ̀gɔn la a kii kɛ á re die a gialaa ka ziabaa ǹ wotoron ne, sùidɛnan nɛ, ka mu la ǹ goo damata nɛ. Á re we gánan nɛ ka mu gole bɛ́ lɔn, a basaã kɔ ǹ nɛ a kiɛ̃.

Danayeli sɛ́wɔ 12:13

Nsɛ Danayeli, goã la kɛnɛn, yǎa a woe kiɛ a giala-nyɔmiɛ̃ lɛ. N tá re n susui, n tɔn yoo n nə n saraa si biikoo giala-nyɔmiɛ̃ waáraa.»

Danayeli sɛ́wɔ 12:5

Masɛ Danayeli bɛ́ tɔn golee-n giɛ, bɛ̀ min paa kɔsɔ á ke golee-n walan doo: goon nə tà lɛ a lɛkoro goon ganaa, goon kɛ na a lɛkoro kɔsɔ kɛ ganaa.

Danayeli sɛ́wɔ 12:9

Á tɔ́n pɛ ma nɛ: «Nsɛ Danayeli, wo kiĩni! A giala, boo kɛ lɛ doamaa nɛ a goã durii ni, a lɛ n tiɛ-n, yǎa biikoo giala-nyɔmiɛ̃ waáraa.

Danayeli sɛ́wɔ 8:17

Ma din goã golee-n bǎã mɛn nɛ, Gabarayeli nə́ n zɔ̃ á dɔ walan. A bɛ́ á dɔ ma li, nyɛ́ɛ ma kũ, má bɔ má mɛnaa tán ma lɛ la. Á tɔ́n pɛ ma nɛ: «Minbuiin a nɛ, toa n narɛɛ kɛ lɛ giala ma koe! N sii mɛn lɛ yɛ, a n boo diɛ biikoo giala nyɔmiɛ̃ wɔ paǹ li.»

Danayeli sɛ́wɔ 8:19

Bɛ kio, á tɔ́n pɛ ma nɛ: «Sii mɛn bɛ́ re n zɛnɛɛ Lawa a foo-yoo kɛ taman yii, masɛ n die bɛ pii n ni. A giala, biikoo nə́ n koa giala-nyɔmiɛ̃ biikoo lɛa.

Danayeli sɛ́wɔ 8:26

N sii mɛn yɛ wasamiɛ̃n laanka baayɛlɛ wɔ paǹ li, ka a bɛ́ á n pɛ lɔn, taãn nɛ. Sɛnɛ, bɛa sii-yɛ kɛ lɛ a boo toa n gɔ́ɔ̃ nɛ, a giala, sii lɛ a zɛnaa wɔlɔ á tɔn sɔsɔɔ bɔrɔ.»

Matiə 24:14

Boo Tii Kɔɔ̃n kɛ á die n pii kanaa paǹ tumaa nɛ, màn mɛn bɛ́ toɛ, Lawa bɛ́ a kanaa dii a wɔ ma nɛ ǹ lɛ-dia mɛn we, tɔrɔ tumaa bɛ ma. Bɛ kio kanaa tɔn nya.

Rɔmu minin 10:18

Man nɔ̀n diɛ kəni: Zuifun lɛn nə bɛa boo lɛ ma wa? Ǹ nə́ ma. Lawa a boo n pii: «Ǹ lɛn bɔ kanaa bǎã din tumaa nɛ, ǹ boon lɛn dɔn nə́ woo yǎa kanaa paǹ tumaa ganaa.»

Sii-nyaan 10:4

La a paraa sɔbaa lɛn nə gini, ǹ nə́ boo mɛn da, ma bɛ́ máa man kiɛ̃, má lɛn goon ma boe lon, á n pii ma nɛ: «La a paraa sɔbaa kɛ boo mɛn da, a gũ n gɔ́ɔ̃ nɛ, n nyan kiɛ̃ wa.»

Sii-nyaan 22:10

Á tɔ́n pɛ ma nɛ: «N nyan sɛ́wɔ kɛ a Lawa a boo gii-dalibaa ǹ boon kɛn gũ n gɔ́ɔ̃-n wa, a giala mà biikoo mɛn nə n koa siin kɛn lɛa, á diri foɛɛ̃nɛ.

Sii-nyaan 5:1

Min mɛn bɛ́ giã-n tán kii dankan nɛ, má sɛ́wɔ yɛ a gusin a gɔn nɛ, sɛ́wɔ lɛ gɔ́ɔ̃ kiɛ̃maa nɛ, ka a dɔ̀ɔ̃ nɛ, ǹ ná a lɛ tã ka zoo gón ne wɔlɔ sɔbaa, ǹ nə́ n gòon bǎã da a nɛ.