Danayeli sɛ́wɔ 12:2 - LAWA A BOO SONBORE 2011

² Ǹ mɛnɛn bɛ́ nyuù we tán tii li, bɛn gigiã yii á re kiɛ. Ǹ tɛn yii á re kiɛ ǹ nyin nyabaã yɛ, ǹ tɛn dɔ yii á re kiɛ, ǹ sìi laanka nɔmaa duduu yɛ.

Danayeli sɛ́wɔ 12:2 ပူးပေါင်းရင်းမြစ်များ

Suusun 12:8

Maǹ min tɔ boe a yiriwoorobaa taman yii. Yirikɔkɔrɔdɛnaa wɔ n ka papaã nɛ.

Izayii 26:19

Maa zaman, n geren yii á re kiɛ ǹ mɛnɛn bɛ́ yala-n, bɛn yii á re kiɛ. Ka yoo ka n bɔ geren li ka foo kɔɔ̃nbaa ǹ lɛ dɛ kasɛn mɛnɛn bɛ́ gusuũ li! Dɛnaa Lawa á re tɛ fúlu diɛ ka pele wɔ bɛ́ lɔn. Bɛ lɛ pàã ganaa, tán a geren yii á re kiɛ.

Izayii 66:24

Bɛ̀ ǹ tá soe kiwi lɛ nɛ, min mɛnɛn nə goã ǹ nə́ n gòã dii ma ganaa, ǹ tá re bɛn gere yii tán. Nyuunun mɛnɛn bɛ́ ǹ soɛ̃, bɛn ba re giɛ̃ duduu wa. Tɛ mɛn bɛ́ ǹ kuĩ, bɛa nimi wa. Bɛ ǹ die goɛ̃ sii bɔbɔnɛɛ lɛa minbuiin nɛ tumaa ganaa.

Zeremii 20:11

Sɛnɛ, Dɛnaa Lawa n kun ka ma nɛ. A n zia biɛ ka pàã gole ne maa lɛa. Min mɛnɛn bɛ́ boe ma yii ni, bɛn tá re boe ǹ mɛnaa. Ǹ ba re boe sii kɔn la ǹ zɛnaa ma-n wa. Sìi á re n koe ǹ lɛ, a giala, ǹ pàã dɔ ma li wa. Ǹ sìi lɛ n die goɛ̃ miɛ̃ yǎa duduu. Ǹ kɔn yiri a re boe-n wa.

Ezekieli 37:12

Bɛ lɛ taman yii, maa boo kɛ da ǹ nɛ n pɛ ǹ nɛ, mà masɛ Dɛnaa Lawa a da ǹ boo á ke: Maa minin lɛn, á ke, ma á re kaa yalan lɛn buĩ, ma ka waa ma ka bɔ kaa yalan lɛn nɛ, ma da ka nɛ Izirayeli gána nɛ.

Ozee 13:14

Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Nya ǹ dín 24:15

Ma foo á doa-n Lawa ganaa, bɛa foo-doa kɛ lɛ tá ǹ dɔn dinin lon, min din tumaa, a sonboren laanka a baraan nɛ, ǹ tumaa yii á re kiɛ ǹ nə n bɔ gerebaa nɛ.

Nya ǹ dín 7:60

Bɛ kio, á n musin kurumaa tán, á n lɛn gole bɔ á pɛ: «Dɛnaa, sii baraa kɛ toa ǹ nɛ.» A bɛ́ á bɛ da á nya, á gã.

Rɔmu minin 9:21

Màn mɛn bɛ́ kɔɔ̃n dɔnɔn-bɔle ganaa, a n bɛ zɛnɛɛ ka gì ni. A n boe la a dɔn kɔ́n zɛnaa, a nyaǹ kaa a ganaa, a ǹ kɔ́n dɔ zɛnaa dɔn kooro lɛa.

Tesaloniki1 4:14

Bɛ̀ wɔ́ waa la sɛn wáa Yezu gã a yii wusoo á kaa, wɔ waa la dɔn wáa min mɛnɛn nə golee Yezu li yǎa á woo kaa ǹ gɛ̀ lɛ, Lawa á die bɛn dɔn yii kiɛ a ǹ kaa kun ka Yezu ni.

Sii-nyaan 20:12

Má geren tumaa yɛ, a bɔnboɛɛnɛn nɛ ka a dadaran nɛ, ǹ nə́ golee kii dankan lɛ yɔrɔ-a. Ǹ nə́ sɛ́wɔn lɛ bũ, geren lɛn sii-zɛnaan nə́ kiɛ̃ nɛ ǹ nɛ. Sɛ́wɔ kɔsɔ dɔ nə́ n lɛ bũ, yiikoonaabaa ǹ sɛ́wɔ n ka bɛ nɛ. Geren lɛn siin mɛnɛn bɛ́ kiɛ̃-n sɛ́wɔn lɛn nɛ, maǹ nə́ kiri kuru ǹ la bɛn lɛn li.