Gɔsɛ a lɛ̀gɔn la a kii lɛ a nɛnyaanan tá re zia-baali kuru gigiã soekɔn, ǹ nə n dɔ lɛ nɛ. A nɛ lɛ a goon laanka a zia-baalin tá re die n daɛ gána lɛ la ka mu gole bɛ́ lɔn, ǹ bɔ a nɛ ǹ kiɛ̃. Bɛ̀ ǹ tá n bɔyɛɛ woe ǹ gána nɛ ǹ mɛn waáraa, ǹ tá re zia biɛ kiwi kɛ ganaa, kungɔn ná a lɛnpɛnɛ.
Gusin a lɛ̀gɔn la kii lɛ foo á re yui. Á re soe a zia baa gɔsɛ a lɛ̀gɔn la a kii lɛ ganaa, ka zia-baali damata nɛ. Ǹ tá re boe gɔsɛ a lɛ̀gɔn la wɔn lɛn la.
Kii mɛn bɛ́ re giɛ̃ gusin a lɛ̀gɔn la a gána kɛ mìi la, pàã á re goɛ̃ bɛ lon. Sɛnɛ, a zia-baali goledɛnaa goon tá re pàã yii a la a din ni. A pàã lɛ gɔn lɛ á re gole koe a la a wɔ nɛ.
Haalɛ ǹ lawan kɛn, ǹ màn nyìnin lɛa, ǹ nə́ fɔlɔ yo ǹ nə́ kaa ǹ la, ǹ màn sonboren kɛn nɛ wɔrɔ laanka sana lɛa, á re bɛn goɛ a wo ǹ ne Ezipti gána nɛ. Bɛ lɛ kio, á re lɛ̀ lɛ kɔn zɛnɛɛ, a ná a ba woe zia biɛ gɔsɛ a lɛ̀gɔn la a kii lɛ ganaa wa.
Ǹ tá re zia biɛ Sère Nɛ kɛ ganaa. Sɛnɛ, Sère Nɛ lɛ á re gɔ̀lɔ̀ biɛ. A giala a din nə dɛnaan Dɛnaa lɛa, a n kiin tumaa a Kii lɛa. Min mɛnɛn bɛ́ Lawa nə́ ǹ bíi á ǹ bɔ, ǹ nə́ bɔlɔgoondɛnan lɛa, bɛn dɔn tá re gɔ̀lɔ̀ biɛ kun ni.»