Danayeli sɛ́wɔ 11:8 - LAWA A BOO SONBORE 2011

⁸ Haalɛ ǹ lawan kɛn, ǹ màn nyìnin lɛa, ǹ nə́ fɔlɔ yo ǹ nə́ kaa ǹ la, ǹ màn sonboren kɛn nɛ wɔrɔ laanka sana lɛa, á re bɛn goɛ a wo ǹ ne Ezipti gána nɛ. Bɛ lɛ kio, á re lɛ̀ lɛ kɔn zɛnɛɛ, a ná a ba woe zia biɛ gɔsɛ a lɛ̀gɔn la a kii lɛ ganaa wa.

Danayeli sɛ́wɔ 11:8 ပူးပေါင်းရင်းမြစ်များ

Siin Giala 31:30

N dikion sii bɛ́ n ganaa sisia, bɛ lɛ nɛ ń baa si. Sɛnɛ, wàa na á baa, n tá masɛ a kion lɛduə̃ ǹ dìn kɛn dɔn koɛ̃?»

Samayeli2 5:21

Ǹ nə́ ǹ dìn toa tán walan, Davida laanka a minin lɛn nə́ ǹ goa, ǹ nə́ woo ǹ ne.

Bɔ bɛ̀rɛbaa nɛ 12:12

Dɛnaa pɛ: «Ma á re boe Ezipti gána lɛ gɔ́ɔ̃-n bɛa pinaa tèlò kɛ lɛ nɛ. Ma á re gána lɛ a nɛgiĩ bibinaan yii dii ǹ gã, minbuiinin laanka tɔɔn wɔn nɛ. Ma á re a dɔlɔ boe Ezipti gána a dì din tumaa ganaa. Ma din lɛ n Dɛnaa lɛa.

Izayii 2:16

Mu la ǹ goon kɛn zii sɔsɔɔ tɔ wɔ ǹ wɔn lɛa, á re yui bɛn gialaa ka ǹ mɛnɛn bɛ́ pii màn giɔ̀mɔ kakaan goɛ.

Izayii 37:19

Ǹ nə́ ǹ dìn zũ tɛ-n, a gialaa, ǹ bie Lawa lɛa wa. Màn nyínin manɛ, gɔn hinlaa kɔlɔ lɛa, minbuiin nɛ a màn zɛnaa lɛa, ǹ nə́ ǹ ziziɛ̃.

Zeremii 46:25

Dɛnaa Lawa Pàãyiidɛnaa, Izirayeli a Lawa n kɛ pii: «Man die yui Amɔn gialaa, Tabɛsi kiwi minin dì ke, ma yoo Ezipti gána gialaa, a dìn ni, a kiin ni, ma yoo Faarahɔn gialaa, ka min mɛn tumaa bɛ́ ǹ foo n doa-n la.

Danayeli sɛ́wɔ 10:3

Ma màn kɔɔ̃n kɔn bii wa, siĩ ni ka duvɛ̃ nɛ, bɛ kɔn wɔ ma lɛ-n wa, ma nyɔɔ gìĩ kɔɔ̃n dɔ lɔ ma ganaa wa, yǎa pii zii sɔɔ lɛ lɛ pã ka buri.

Danayeli sɛ́wɔ 11:9

Gɔsɛ a lɛ̀gɔn la a kii lɛ á re woe gusin a lɛ̀gɔn la a kii lɛ a gána gialaa, a tɔn nə n bɔyaa a da a gána nɛ.

Ozee 13:15

Ta Efrayimu tɔ bɔ ǹ dɔɔ̃nɔn bii, lɛ̀giala piɛ̃ á re die, Dɛnaa Lawa a piɛ̃ lɛa, boe diə gole ne. Mu yala á re piɛ̃, mu á re damɛ. Ǹ tá re kaa naforon goɛ, ka gɔn màn giɔ̀mɔ kakan kɛn, ǹ wo ka bɛn nɛ.

Ozee 8:6

Kaa diin nɛ nyín lɛ, a n boe Izirayeli gána nɛ, dí-dɔ̃li kɔ́n na á zɛnaa, A bie Lawa lɛa wa! Taãn nɛ, Samarii minin diin nɛ nyín lɛ á re pɔpɔsɛ.

Minin nimi 33:4

Bɛ á zɛnɛɛ, bɛ̀ Ezipti minin lɛn sɛn tá a gialaa ǹ nɛgiĩ bibinaan gere bĩ. Dɛnaa Lawa na á bɛa nɛgiĩ bibinaan lɛn tumaa dɛ, á dɔlɔ bɔ Ezipti minin lɛn dìn ganaa nɛ.

Timəə dí-pɛn 12:3

Ka ǹ wúlu bɔ ǹ bǎãn kɛn yu, ka ǹ tíĩn yɔyɔrɛ, ka ǹ dì gɔnɔn kɛn tã. Ǹ màn nyínin mɛnɛn sɛlɛ ǹ nə́ ǹ baa ǹ lawan lɛa, ka bɛn yiyiɛ, ka ǹ tɔ papaã ka bɔ bǎã kɛ lɛ nɛ.

Sii yɔrɔ-bɔlen 18:24

Miikaa nə́ ǹ lɛ si: «Ma bɛ́ má dìn mɛnɛn zɛnaa, ka n ká bɛn goa, ká maa wúlu-bɔle dɔ kũ ka woo ne. Wàa mɛn nə goɛ̃ masɛ gɔn kəni? A n siɛ lɔn ka á nɔ̀n diɛ ma la, ka n pii mà wàa na á baa.»