Danayeli sɛ́wɔ 11:6 - LAWA A BOO SONBORE 2011

⁶ Bɛ̀ lɛ̀ lɛ kɔn kiɛ̃, ǹ tá re wusii ǹ kaa kun. Gusin a lɛ̀gɔn la a kii kɛ a nɛlɔ á re woe zuũ yii gɔsɛ a lɛ̀gɔn la a kii kɛ li, màn mɛn bɛ́ toɛ kɔn wɔ ma yɛ. Sɛnɛ, pàã a re goɛ̃ a lon wa. Sɛnɛ ǹ zuũ lɛ yii a re goɛ̃ koo wa, a tɔrɔn dɔn ba re goɛ̃ wa. Ǹ tá re lɔ lɛ dinmaa dii kun ka min mɛnɛn nə da koa, ǹ di ni, ka min mɛn bɛ́ re n doe lɛ bɛa biikoo lɛ gɔ́ɔ̃ nɛ.

Danayeli sɛ́wɔ 11:6 ပူးပေါင်းရင်းမြစ်များ

Zɔbu 38:15

Sɛnɛ bɛ̀ lɛ̀ waa, min baraan laadoo na á ziziɛ̃. Ǹ sii kakaarɛ zɛnaa lɛ na á sàabaa.

Loen 10:5

A din yii li, asɛ wɔ n bǐɛ̃ koe biikoo tumaa li. Lawa a kiri kurii ke lon walan, bɛ wɔlɔ á sɔsɔɔ asɛ ganaa, a na a zɔ́ɔn kɛn tumaa diɛ yaa lɛa.

Ezekieli 30:21

– Minbuiin a nɛ, ma á re Eziptin kii *Faarahɔn a pàã kɛ nyɛɛ. Ka min gɔn bɛ́ yiɛ lɔn, min din ba re yii a dagòã da a ganaa, a kũ a da màn nɛ a yii, màn mɛn bɛ́ toɛ, bɛa gɔn lɛ nya, a wusoo a gɔya sa kũ doo wa.

Danayeli sɛ́wɔ 11:13

Gɔsɛ a lɛ̀gɔn la kii lɛ á re wusii a woo, a zia-baalin sɔkɔn doo, bɛn nə́ mɔnaa nɛ, ǹ nə́ la bibinaa wɔn kɛn manɛ. Á pii mà a n woe doe lɛ̀ lɛ kɔn ganaa, á re wusii a n bɔyaa a da ka zia-baali gigiã laanka ziabaa ǹ màn gigiã nɛ.

Danayeli sɛ́wɔ 11:15

Gɔsɛ a lɛ̀gɔn la a kii kɛ á re die koe kiwi goon lɛ, ǹ bɛ́ ǹ nə́ kungɔn dɔ, ǹ nə́ kiwi mɛn lɛnpɛnɛ nɛ. Á re tii diɛ kɔn la kungɔnɔn lɛn kio, ǹ tɔn boo la ǹ kiwi lɛ kũ. Gusin a lɛ̀gɔn la a zia-baalin kɛn, a laanɛ ǹ mɛnɛn tɔ bɛ́ á bɔ zia la, ǹ ba re boe la ǹ golee a nyɛɛn wa. Pàã din ba re yii ǹ lon ǹ golee a nyɛɛn wa.

Danayeli sɛ́wɔ 11:40

Biikoo giala-nyɔmiɛ̃ waáraa, gusin a lɛ̀gɔn la a kii kɛ á re n yɔrɔ diɛ la ka zia nɛ. Sɛnɛ, gɔsɛ a lɛ̀gɔn la a kii kɛ á re die a gialaa ka ziabaa ǹ wotoron ne, sùidɛnan nɛ, ka mu la ǹ goo damata nɛ. Á re we gánan nɛ ka mu gole bɛ́ lɔn, a basaã kɔ ǹ nɛ a kiɛ̃.

Danayeli sɛ́wɔ 11:7

Sɛnɛ, lɔ lɛ a kion min goon tá re yui a ǹ di bǎã saa. Bɛ á re woe gɔsɛ a lɛ̀gɔn la a kii kɛ a zia-baalin gialaa, ǹ duru ǹ bǎã kaka kɛ nɛ. Á re zia biɛ ganaa, a boo ǹ la.

Zakarii 11:16

A giala, man die tɔɔ-lɛduə̃li kɔsɔ diɛ gána lɛ nɛ: Sèren mɛnɛn bɛ́ ǹ banban, a re n taasɛ bɛn nɛ wa, ǹ mɛnɛn nə papaã, a re giɛ bɛn li wa, ǹ mɛnɛn bɛ́ busulən lɛa, a re giɛ bɛn walan wa, ǹ mɛnɛn bɛ́ kakabaa la, a re màn kɔn koe bɛn la wa. Sɛnɛ, n mɛnɛn bɛ́ kasiɛ̃ nɛ ǹ bii, a n die bɛn soɛ̃, a ǹ gòon tɔnɔn wɔwoɛ̃.»