Danayeli sɛ́wɔ 11:5 - LAWA A BOO SONBORE 2011

⁵ Kii mɛn bɛ́ re giɛ̃ gusin a lɛ̀gɔn la a gána kɛ mìi la, pàã á re goɛ̃ bɛ lon. Sɛnɛ, a zia-baali goledɛnaa goon tá re pàã yii a la a din ni. A pàã lɛ gɔn lɛ á re gole koe a la a wɔ nɛ.

Danayeli sɛ́wɔ 11:5 ပူးပေါင်းရင်းမြစ်များ

Danayeli sɛ́wɔ 11:11

Gusin a lɛ̀gɔn la kii lɛ foo á re yui. Á re soe a zia baa gɔsɛ a lɛ̀gɔn la a kii lɛ ganaa, ka zia-baali damata nɛ. Ǹ tá re boe gɔsɛ a lɛ̀gɔn la wɔn lɛn la.

Danayeli sɛ́wɔ 11:14

Bɛa biikoo lɛ gɔ́ɔ̃ nɛ, min gigiã á re yui gusin a lɛ̀gɔn la a kii lɛ gialaa. N din Danayeli tɔrɔn lɛn min kakaarɛn kɔnɔn man yui mà ǹsɛn man sii-nyaa lɛ lɛ piɛ̃. Sɛnɛ, ǹ ba re boe la wa.

Danayeli sɛ́wɔ 11:25

A yii bɛ́ á kã a din ni, a foo dɔ́ n tã, á re woe gusin a lɛ̀gɔn la a kii lɛ gialaa, ka zia-baali gigiã nɛ. Gusin a lɛ̀gɔn la a kii lɛ á re bɛa zia lɛ biɛ ka zia-baali kakan nɛ, mɔnaa nɛ taãn-taãnɛ. Sɛnɛ, a re boe la a golee a nyɛɛn wa, a giala, ǹ tá re n duri, ǹ boo wɔ kɔn a ganaa.

Danayeli sɛ́wɔ 11:40

Biikoo giala-nyɔmiɛ̃ waáraa, gusin a lɛ̀gɔn la a kii kɛ á re n yɔrɔ diɛ la ka zia nɛ. Sɛnɛ, gɔsɛ a lɛ̀gɔn la a kii kɛ á re die a gialaa ka ziabaa ǹ wotoron ne, sùidɛnan nɛ, ka mu la ǹ goo damata nɛ. Á re we gánan nɛ ka mu gole bɛ́ lɔn, a basaã kɔ ǹ nɛ a kiɛ̃.

Zakarii 6:6

Sùi tìtìn bɛ́ ziabaa ǹ wotoro mɛn baɛ̃, bɛ n woe gɔsɛ a lɛ̀gɔn la gána kɛ nɛ, sùi fufun nə́ ǹ kio. Sùi tã bababan man woe gusin a lɛ̀gɔn la gána kɛ nɛ.