Danayeli sɛ́wɔ 11:40 - LAWA A BOO SONBORE 2011

⁴⁰ Biikoo giala-nyɔmiɛ̃ waáraa, gusin a lɛ̀gɔn la a kii kɛ á re n yɔrɔ diɛ la ka zia nɛ. Sɛnɛ, gɔsɛ a lɛ̀gɔn la a kii kɛ á re die a gialaa ka ziabaa ǹ wotoron ne, sùidɛnan nɛ, ka mu la ǹ goo damata nɛ. Á re we gánan nɛ ka mu gole bɛ́ lɔn, a basaã kɔ ǹ nɛ a kiɛ̃.

Danayeli sɛ́wɔ 11:40 ပူးပေါင်းရင်းမြစ်များ

Izayii 21:1

Diə gole mɛn bɛ́ kunu yìsi mu ganaa, bɛa boo gii: Zɔ́ɔ n boe diə gole ne. Gána mɛn bɛ́ nyɛ́ɛ diɛ, a n boe walan. A n ka piɛ̃ gole bɛ́ lɔn, boe Negɛvu gána nɛ.

Izayii 5:28

Ǹ kiɛn lɛn man pɛpɛnɛ, ǹ san maǹ dii ni. Ǹ sùin gòon tɔnɔn maǹ kaka ka kɔlɔ bɛ́ lɔn. Ǹ ziabaa ǹ wotoron yii n fuu ka la piɛ̃ bɛ́ lɔn.

Izayii 66:15

Dɛnaa Lawa á ke yii die. A n die tɛ gɔ́ɔ̃ nɛ. A ziabaa ǹ wotoron kɛn man ka piɛ̃ gole bɛ́ lɔn. A n die a foo-yoo baraa kɛ nyɛɛ, a nyɛ́ɛ da minin ganaa ka tɛ buə̃ ne.

Zeremii 4:13

Zɔ́ɔn lɛn nə́ ke: maǹ die ka la a tì bɛ́ lɔn, Ǹ ziabaa ǹ wotoron yii n fuu ka piɛ̃ gole bɛ́ lɔn, ǹ sùin yii n fuu á la giogialatã-a nɛ. Wàa koe n ka kɛ nɛ! Wɔ́ sàabaa!

Ezekieli 38:4

Ma á re karafɔ we n lɛ-n, ma n baã ka pàã nɛ ma soo n ne, kun ka n sɔraasin kɛn tumaa nɛ, n sùin laanka n sùi da baalin ni, nyaǹ mànan nə́ ǹ ganaa sɔnbɔraanɛ. Maǹ sɔraasi damata lɛa, goóro bɔnboɛɛnɛn laanka a dadaran nɛ ǹ gɔn ka gɔya san nɛ.

Ezekieli 38:9

N din ni, n sɔraasin tumaa laanka tɔrɔ gigiã kɔsɔn mɛnɛn bɛ́ kunun n ni, ka die ka yoo ka piɛ̃ gole bɛ́ lɔn ka wo gána lɛ gialaa, ka wo kɔ lɛ ka labara wɔ bɛ́ lɔn.»

Danayeli sɛ́wɔ 11:10

Gɔsɛ a lɛ̀gɔn la a kii lɛ a nɛnyaanan tá re zia-baali kuru gigiã soekɔn, ǹ nə n dɔ lɛ nɛ. A nɛ lɛ a goon laanka a zia-baalin tá re die n daɛ gána lɛ la ka mu gole bɛ́ lɔn, ǹ bɔ a nɛ ǹ kiɛ̃. Bɛ̀ ǹ tá n bɔyɛɛ woe ǹ gána nɛ ǹ mɛn waáraa, ǹ tá re zia biɛ kiwi kɛ ganaa, kungɔn ná a lɛnpɛnɛ.

Danayeli sɛ́wɔ 11:11

Gusin a lɛ̀gɔn la kii lɛ foo á re yui. Á re soe a zia baa gɔsɛ a lɛ̀gɔn la a kii lɛ ganaa, ka zia-baali damata nɛ. Ǹ tá re boe gɔsɛ a lɛ̀gɔn la wɔn lɛn la.

Danayeli sɛ́wɔ 11:13

Gɔsɛ a lɛ̀gɔn la kii lɛ á re wusii a woo, a zia-baalin sɔkɔn doo, bɛn nə́ mɔnaa nɛ, ǹ nə́ la bibinaa wɔn kɛn manɛ. Á pii mà a n woe doe lɛ̀ lɛ kɔn ganaa, á re wusii a n bɔyaa a da ka zia-baali gigiã laanka ziabaa ǹ màn gigiã nɛ.

Danayeli sɛ́wɔ 11:22

Zia-baalin mɛnɛn bɛ́ re die a gialaa, bɛn ba re boe la ǹ golee a nyɛɛn wa, á re ǹ tumaa dii. Lawa lɛ kɔ kɔn la wɔ ka tɔrɔ mɛn lɛ a minin ni, á re bɛn dɔn goledɛnaa goon dii.

Danayeli sɛ́wɔ 11:25

A yii bɛ́ á kã a din ni, a foo dɔ́ n tã, á re woe gusin a lɛ̀gɔn la a kii lɛ gialaa, ka zia-baali gigiã nɛ. Gusin a lɛ̀gɔn la a kii lɛ á re bɛa zia lɛ biɛ ka zia-baali kakan nɛ, mɔnaa nɛ taãn-taãnɛ. Sɛnɛ, a re boe la a golee a nyɛɛn wa, a giala, ǹ tá re n duri, ǹ boo wɔ kɔn a ganaa.

Danayeli sɛ́wɔ 11:35

Min gigiã tá re giɛ̃ sii-dɔ̃lin lɛn bii. Bɛn gɛ̀ n die toɛ zaman lɛ na a sii tele, *gɔ̀ ná a ba ǹ ganaa wa, ǹ nə́ yoreen ne, yǎa biikoo giala-nyɔmiɛ̃ kɛ doe. A giala, mà biikoo mɛn nə n pɛ, yǎa bɛ doe.

Danayeli sɛ́wɔ 11:39

Á re yɔ boe duru ǹ bǎã kakan lɛn ganaa, ka tɔrɔ kɔsɔn dì ni. Min mɛnɛn bɛ́ re lɛ koe bɛa dì lɛ ganaa, á re bɛn guguru koe ka màn gigiã nɛ. Á re ǹ koɛ zaman gigiã mìi la, a bǎãn kɔ ǹ la, ǹ saraa lɛa.

Danayeli sɛ́wɔ 11:7

Sɛnɛ, lɔ lɛ a kion min goon tá re yui a ǹ di bǎã saa. Bɛ á re woe gɔsɛ a lɛ̀gɔn la a kii kɛ a zia-baalin gialaa, ǹ duru ǹ bǎã kaka kɛ nɛ. Á re zia biɛ ganaa, a boo ǹ la.

Danayeli sɛ́wɔ 12:4

Nsɛ Danayeli, boon lɛn toa durii ni, sɛ́wɔ lɛ lɛ tã, yǎa biikoo giala-nyɔmiɛ̃ waáraa. Bɛa biikoo li, min gigiã á re n binbirin boe, màn tá re miɛ sii-doɛ̃ li.

Danayeli sɛ́wɔ 12:9

Á tɔ́n pɛ ma nɛ: «Nsɛ Danayeli, wo kiĩni! A giala, boo kɛ lɛ doamaa nɛ a goã durii ni, a lɛ n tiɛ-n, yǎa biikoo giala-nyɔmiɛ̃ waáraa.

Danayeli sɛ́wɔ 8:17

Ma din goã golee-n bǎã mɛn nɛ, Gabarayeli nə́ n zɔ̃ á dɔ walan. A bɛ́ á dɔ ma li, nyɛ́ɛ ma kũ, má bɔ má mɛnaa tán ma lɛ la. Á tɔ́n pɛ ma nɛ: «Minbuiin a nɛ, toa n narɛɛ kɛ lɛ giala ma koe! N sii mɛn lɛ yɛ, a n boo diɛ biikoo giala nyɔmiɛ̃ wɔ paǹ li.»

Abakuku 3:14

Ma nə n zɔ́ɔn kiãn mìi foɛ̃ ka ǹ dinin gɔn kiɛ nɛ: Maǹ die ka baa nɛ ka piɛ̃ gole bɛ́ lɔn, ǹ nə́ wɔ lui paǹ yii li. Maǹ nə n lɛ dii ka foo kɔɔ̃nbaa nɛ, ǹ yɔrɔ n boe ne durii a minin dɛ taman yii.

Zakarii 9:14

Ka bɛ-n kəni, Dɛnaa Lawa n die yui lon ǹ mìi la, a kiɛ kɛ wo ka la a tɛ pɛ bɛ́ lɔn. Dɛnaa Lawa n die bɛn pii, a wo nyɛɛnɛ ka labara nɛ, boe gusin a lɛ̀gɔn la.

Sii-nyaan 16:12

Lon a dia dí-a wole sɔrɔbaa ǹ wɔ kɛ ná a wɔ binyəə Efrati tà gole mu li. Tà mu lɛ piɛ̃, á boo la á zii kɔ lɛ̀giala a kiin la mà ǹ kiɛ̃.

Sii-nyaan 9:16

Sɔraasi sùidɛnan mɛnɛn bɛ́ woe zia lɛ biɛ kunun ǹ ni, má ma, mà min pùru biɛpaa (200 000 000) nɛ.