Danayeli sɛ́wɔ 11:4 - LAWA A BOO SONBORE 2011

⁴ Sɛnɛ, bɛ̀ a pàã lɛ gòãn nə́ wɔ tán taãn-taãnɛ ǹ mɛn waáraa, a gána lɛ á re ziziɛ̃, a n talakɔn kanaa a lɛ̀ gùrù sii kɛ bii. A gána lɛ a re doe a tɔrɔn ganaa wa, a goã pàã mɛn dɔ zɛnɛɛ, ǹ ba re bɛ dɔ yii wa. Kiibaa lɛ n die n sii la, a n kɔ min kɔsɔn la, sɛnɛ, bɛn pàã na a re doe a wɔ kɛ li wa.

Danayeli sɛ́wɔ 11:4 ပူးပေါင်းရင်းမြစ်များ

Loen 39:6

Á ke, n lɛawaa lɛ mɛn kɔ ma la, a kiɛ̃ gɔn tìsì la wa. Maa belebɔ kanaa din ba màn kɔn lɛa n yii li wa. Sonbore, ta min din na a gòã la lɔn, a n ka piɛ̃ nɛ. *Doa

Boo-laakalaali 4:8

Min nə ke a dinsɔɔ̃, a min kɔsɔ banban wa. A banban nɛ lɛa wa, a banban dɔɔ̃n lɛa wa. A da yaa, bɛa dɛnaa kɛ lɛ n kɔn ka di-n miɛ̃ duduu, gɔn màn ba doe a yii li wa. Die a lɛa nɛ, á n dí nyɛɛ, á n nyɛnyɛɛ lɛ tiɛ̃ a din ganaa? Bɛ dɔ giala banban, a n foo busi a tɔ-a.

Zeremii 12:15

Bɛ kio, ǹ makara á re wusii a ma kũ doo. Ma á re woe didie tumaa nɛ a tán la, a gána nɛ.

Zeremii 12:17

Sɛnɛ, bɛ̀ bɛa tɔrɔn lɛn mɛn nə n too kɔ ma lon wa, man die siɛ ma bɔ a tán la, ma wɔ gɛ̀ gɔn duduu.» Dɛnaa Lawa a da ǹ boo ne.

Zeremii 18:7

Biikoo tɛn li, má màn woɛ̃ laanka a yɔyɔrɛɛ ka a ziziɛ̃ boo da tɔrɔ kɔn hinlaa gána kɔn a paǹ li.

Zeremii 31:40

Geren nyankɔrɔ basa kɛ nɛ, tonən wɔ nɛ, ka bǎã mɛn tumaa bɛ́ siɛ Sedrɔn ganaa a wo gùrù kɛ ganaa sùin kiɛnlɛ-a lɛ̀giala gɔn la, bɛn tumaa á re maa wɔ biɛ. Màn kɔn ba re n woɛ̃ walan, a ziziɛ̃ bɛa bǎã lɛ-n doo wa.

Zeremii 45:4

Dɛnaa Lawa boo mɛn da n wɔ paǹ li, bɛ á ke kəni: Ma màn mɛn dɔ, man bɛ wurii, ma màn mɛn zumu, man bɛ wɛ̃, man zɛnɛɛ miɛ̃ gána lɛ tumaa nɛ.

Zeremii 49:36

Man die piɛ̃ sii diɛ Elamu la, boe kanaa gùrù sii tumaa ganaa. Man die Elamu minin lui bǎã tumaa nɛ, ǹ gùli-kɔlin tá re yii gána tumaa nɛ.

Ezekieli 37:9

Lawa tɔ́n pɛ ma nɛ: – Maa boo gii da yiikoonaabaa ǹ piɛ̃ kɛ nɛ, n pɛ nɛ: «Yiikoonaabaa ǹ piɛ̃, bɔ kanaa gùrù sii kɛ li n da kaa geren kɛn ganaa, màn mɛn bɛ́ toɛ, ǹ yii wusoo a kaa.»

Danayeli sɛ́wɔ 7:2

á pɛ: – Ma siin mɛnɛn yɛ maa narɛɛ lɛ gɔ́ɔ̃-n tèlò-n, bɛn man ka kɛn nɛ: piɛ̃ gole na á yoo kanaa a lɛ̀ gùrù sii kɛ tumaa ganaa, á n yìsi mu panapana kɛ gialaa.

Danayeli sɛ́wɔ 7:6

Ma bɛ́ giɛ, bɛ̀ goon dɔ á ke ka goe bɛ́ lɔn, bàan nyàan ná a dɔ̀ɔ̃ nɛ, màn sii. Tɔɔ lɛ mìi na á goã sii, goledɛnaabaa nə́ n kɔ la.

Danayeli sɛ́wɔ 7:8

Ma bɛ́ giɛ a bɛnɛn lɛn ganaa, má yɛ bɛ̀ bɛn boɛɛn goon nə́ ke á bɔ ǹ bii, á bɛn bibinaan kɛn màn sɔɔ woɛ̃. Yii nànan man nə́ goã bɛa bɛn boɛɛn lɛ ganaa ka minbuiin nɛ yii nànan bɛ́ lɔn. Lɛ dɔ́ goã a ganaa, á goã din gole kɔ ǹ boon didiɛ nɛ.

Danayeli sɛ́wɔ 8:22

A bɛn lɛ bɛ́ á yiɛ, màn sii kɔsɔ na á bɔ a bǎã nɛ. Bɛn man kii màn sii lɛa, die yui ǹ kii baa bibinaa kɛ lɛ bǎã nɛ, sɛnɛ, ǹ pàã na a re doe a wɔ li wa.

Danayeli sɛ́wɔ 8:8

Butuu lɛ pàã daa á gole kɔ taãn-taãnɛ. Sɛnɛ, pàã bɛ́ a lon ǹ mɛn waáraa taãn-taãnɛ, bɛn gole lɛ yiɛ. Bɛn sɔsɔrɔ gegere màn sii bɔ a bǎã nɛ, ǹ gogoonmaa yɔrɔ n dia-n kanaa a lɛ̀ gùrù sii kɛ gogoon la.

Zakarii 2:6

Má nɔ̀n da la má a n woe maa. Á ma lɛ si mà asɛ n woe Zeruzalɛmu zoɛ̃, asɛ na a pəməbaa laanka a sasabaa dɔ̃.

Zakarii 6:5

Á ma lɛ si kɛnɛn: «Lon a piɛ̃ sii kɛ nɛ. Maǹ nə́ goã kunu tán tumaa a Dɛnaa li, kanna, maǹ woe.»

Matiə 12:25

Sɛnɛ, Yezu nə́ ǹ taasiɛ dɔ̃, á tɔ́n pɛ ǹ nɛ: «Gána mɛn a minin bɛ́ zia diɛ kɔn ganaa, bɛa gána lɛ á die ziziɛ̃. Kiwi hinlaa sumu mɛn a minin bɛ́ zia diɛ kɔn ganaa, a ba boe la a wo nyɛɛn wa.

Luku 12:20

Sɛnɛ, Lawa pɛ nɛ: «Nsɛ baãnaa ke! Pelo tèlò kɛ lɛ din ni, Lawa á die n nyin sii n la. N bɛ́ n màn mɛn lɛ sɔkɔn bɛ n die die wɔ biɛ?»

Sii-nyaan 7:1

Bɛ kio, má lon a dia dí-a wole màn sii yɛ golee-n tán gùrù sii kɛ ganaa. Ǹ nə́ tán a piɛ̃ màn sii kɛ kũ ǹ nə́ golee ne, ń giɛ piɛ̃ nyan bɔ tán la wa, a nyan bɔ yìsi mu gole la wa, a nyan kaa da kɔ́n ganaa wa.