Danayeli sɛ́wɔ 11:37 - LAWA A BOO SONBORE 2011

³⁷ Ǹ digolon dìn kɛn, ka lɔn bɛ́ dì mɛn narɛ, a re bɛn guguru koe wa. A re dì kɔn din guguru koe wa, a giala, a n die n din soɛ koe bɛn tumaa nɛ.

Danayeli sɛ́wɔ 11:37 ပူးပေါင်းရင်းမြစ်များ

Siin Giala 3:16

Á tɔ́n pɛ lɔ dɔ nɛ kɛnɛn: «Bɛ̀ ń tá nɔ̀ nɛ ǹ mɛn waáraa, má á re màn diɛ n nɔmaa li, n tá re nɛ yii ka là paparɛɛ nɛ. Giã kun ka n zuũ-n tá re goɛ̃ wɛ̃ nɛ n ganaa, sɛnɛ, n zuũ n die goɛ̃ n mìi la.»

Siin Giala 3:5

Sɛnɛ, Lawa á doɛ̃, mà bɛ̀ ka bii ǹ mɛn pinaa, ka yii á re toɛ̃, ka á re n biɛ ka Lawa din bɛ́ lɔn, ka sii bǐɛ̃ laanka a baraa dɔ̃.»

Loe kɔɔ̃n kɔɔ̃n 7:10

N lɛ dɔ die a goã ka duvɛ̃ kɔɔ̃n kɔɔ̃n bɛ́ lɔn. Bɛa duvɛ̃ lɛ dɔ ma din foo dùũ wɔ lɛ ganaa gɔrɔ, á baa si nyuù-wɔlen kɛn lɛ ganaa.

Izayii 14:13

Ma nə n goã pii n din gɔ́ɔ̃ nɛ: «Ma á re dii lon, ma maa kii dankan kɛ koa Lawa a leeren kɛn lalan. Kele mɛn bɛ́ gɔsɛ a lɛ̀gɔn la, lawan lɛsɔkɔn bǎã lɛa, man die giɛ̃ bɛ la.

Izayii 14:14

Ma á re dii labaran lalan, ma goã ka lon a Lawa bɛ́ lɔn.»

Ezekieli 24:16

«Minbuiin a nɛ, á ke: Min mɛn lɛ a gamaa bɛ́ n foo kɔɔ̃n koe, man die bɛ lɛ sii n la ka parasa. Sɛnɛ, n baran a gɛ̀ koa wa, n baran n duduwəə wa, n yii mu nyan doo tán wa.

Ezekieli 28:2

Minbuiin a nɛ, a pɛ Tiiri kiwi kɛ a kii ni mà masɛ Dɛnaa Lawa a da ǹ boo á ke: A giala, n nə́ n din gole kɔ, ń pɛ mà nsɛ n lawa lɛa, giã-n lawabaa ǹ kii dankan la, yìsi mun kɛn bii. A da yaa n nə n minbuiin nɛ lɛa, n bie Lawa lɛa wa. Sɛnɛ, n dɔ á ke, ń nə́ n din baa ka Lawa bɛ́ lɔn...

Danayeli sɛ́wɔ 11:36

Sii mɛn bɛ́ kɔɔ̃n kii lɛ ganaa, a n die bɛ zɛnɛɛ. A n die n din gole koe, a n din soɛ kɔ lawan tumaa nɛ. Boo mɛn din doamaa bie ka diɛ-n wa, á re bɛ diɛ lawan Lawa kɛ ganaa. Á re giala yii a gɔn. Sɛnɛ, Lawa foo bɛ́ re yui ǹ mɛn pinaa, a boo mɛn da, a n die bɛa sii zɛnɛɛ.

Danayeli sɛ́wɔ 11:38

A n die bɛn toɛ walan, dì mɛn bɛ́ duru ǹ bǎã kakan kɛn mìi la, a bɛ guguru kɔ, a da yaa ǹ digolon dinin nə goã bɛ doɛ̃ wa. A n die bɛ lɛ guguru koe ka sana nɛ, ka wɔrɔ nɛ, ka kɔlɔ giɔ̀mɔ kaka-an nɛ, ka màn sonbore kɔsɔn nɛ.

Danayeli sɛ́wɔ 8:11

Á n yɔrɔ da lon mànan lɛn goledɛnaa dɔ din la. Ǹ bɛ́ wúlu mànan mɛnɛn koe bɛ la babaraa, á minin kurəə bɛa kɔ ganaa. Á ná a kion sonbore kɛ ziziɛ̃ ka lenlen.

Timəə dí-pɛn 21:11

Kɔntan kaa min kɔn tá re lɔ yii kòso nɛn lɛn bii a yɔrɔ n siĩn sɔnbɔraa nɛ. Bɛ̀ a yii bɔ li, á n giɛ li a saa a lɔ lɛa,

Timəə dí-pɛn 5:21

N yii baran bɔ min kɔsɔ gɔn màn kɔn li wa. A nyan bɔ a lɔ li wa, a kion ne, a wuru ni, a bɛ̀rɛgiĩ ni, a bɛ̀rɛlɔ nɛ, a dii ni, a dundun ni, n yii nyan bɔ bɛ kɔn li wa.»

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Timote1 4:3

Bɛa minin lɛn man pii, mà Lawa-nyankɔlen doamaa bie ǹ kɔn wɔ wa, mà ǹ doamaa bie ǹ màn tɛn dɔ bii wa. A da yaa, Lawa na á màn-bii tumaa da wɔa wɔ lɛa, mà wɔ bii. Min mɛnɛn bɛ́ goleemali wolen lɛa, ǹ nə́ sonbore doɛ̃, bɛa dɛnan tá boe la ǹ bɛa mànan lɛn bii, bɛ̀ ǹ nə́ Lawa nyankɔ, ǹ nə́ barka da nɛ.