Danayeli sɛ́wɔ 11:36 - LAWA A BOO SONBORE 2011

³⁶ Sii mɛn bɛ́ kɔɔ̃n kii lɛ ganaa, a n die bɛ zɛnɛɛ. A n die n din gole koe, a n din soɛ kɔ lawan tumaa nɛ. Boo mɛn din doamaa bie ka diɛ-n wa, á re bɛ diɛ lawan Lawa kɛ ganaa. Á re giala yii a gɔn. Sɛnɛ, Lawa foo bɛ́ re yui ǹ mɛn pinaa, a boo mɛn da, a n die bɛa sii zɛnɛɛ.

Danayeli sɛ́wɔ 11:36 ပူးပေါင်းရင်းမြစ်များ

Loen 136:2

Ka barka da lawan Lawa nɛ, a kɔn-narɛɛ a nyɛɛ duduu wa.

Loen 33:10

Tɔrɔ kɔsɔn nə sii mɛn yɔrɔ bɔ, Dɛnaa Lawa bɛ ziziɛ̃. Tɔrɔ kɔsɔ minin nə sii mɛn koa ǹ yiri ni, á bɛ sàabaa.

Suusun 19:21

Minbuiinin man sii gigiã taasɛ ǹ yiri ni, sɛnɛ, Dɛnaa Lawa foo sii nə n zɛnɛɛ.

Izayii 10:23

Taãn nɛ, Dɛnaa Lawa Pàãyiidɛnaa na á bɛa koe kɛ lɛ yɔrɔ bɔ. A n die koe lɛ boe gána lɛ gɔ́ɔ̃ tumaa nɛ ka a bɛ́ á pɛ lɔn.

Izayii 10:25

A giala, kànaa ka boɛɛn nɛ, maa foo-yoo baraa kɛ á re nyɛɛ. Sɛnɛ ma á re Asiirii minin kɛn ziziɛ̃ lenlen.»

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 14:13

Ma nə n goã pii n din gɔ́ɔ̃ nɛ: «Ma á re dii lon, ma maa kii dankan kɛ koa Lawa a leeren kɛn lalan. Kele mɛn bɛ́ gɔsɛ a lɛ̀gɔn la, lawan lɛsɔkɔn bǎã lɛa, man die giɛ̃ bɛ la.

Izayii 14:14

Ma á re dii labaran lalan, ma goã ka lon a Lawa bɛ́ lɔn.»

Izayii 26:20

Maa zaman, wo piɛ, n nə n kiɛnlɛn tã n kio. N duru boɛɛnɛ, n toa Dɛnaa Lawa a foo-yoo kɛ kiɛ̃.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Izayii 46:10

A kũ kanaa giala kɔ waáraa ganaa, sii mɛn bɛ́ re n zɛnɛɛ, man bɛ pii. Sii mɛn bɛ́ a tɔ nə n zɛnaa wa, man siɛ lɛlɛ ma bɛ pɛ. Man pii: Ma siin mɛnɛn koa ma yɔrɔ-a, bɛn man yɔrɔ yii. Sii mɛn tumaa bɛ́ kɔɔ̃n ma ganaa, man bɛ zɛnɛɛ.

Izayii 57:9

Ń woo kii li, ka nyɔɔ laanka màn giĩ kɔɔ̃n gigiã nɛ. Ń dia dí-a wolen dia bǎã sɔsɔɔ nɛ. Ń gisĩ n woo yǎa geren piɛ.

Ezekieli 28:2

Minbuiin a nɛ, a pɛ Tiiri kiwi kɛ a kii ni mà masɛ Dɛnaa Lawa a da ǹ boo á ke: A giala, n nə́ n din gole kɔ, ń pɛ mà nsɛ n lawa lɛa, giã-n lawabaa ǹ kii dankan la, yìsi mun kɛn bii. A da yaa n nə n minbuiin nɛ lɛa, n bie Lawa lɛa wa. Sɛnɛ, n dɔ á ke, ń nə́ n din baa ka Lawa bɛ́ lɔn...

Ezekieli 35:13

Ká din gole kɔ ǹ boo da ma ganaa, ká din koa ǹ boon dada ma ganaa. Má ma!

Danayeli sɛ́wɔ 11:16

Min mɛn bɛ́ re die gusin a lɛ̀gɔn la dɛnan lɛn gialaa, bɛ á re n din foo sii zɛnɛɛ, min kɔn ná a re yii a golee a nyɛɛn wa. A n die golee gána siĩn kɛ nɛ, a bɔ̀n da a ganaa.

Danayeli sɛ́wɔ 11:3

Kii zanbia goon tá re yui. A pàã gɔn lɛ á re gole koe, bɛ̀ sii mɛn kɔɔ̃n kɔ a ganaa, a n die bɛ zɛnɛɛ.

Danayeli sɛ́wɔ 11:37

Ǹ digolon dìn kɛn, ka lɔn bɛ́ dì mɛn narɛ, a re bɛn guguru koe wa. A re dì kɔn din guguru koe wa, a giala, a n die n din soɛ koe bɛn tumaa nɛ.

Danayeli sɛ́wɔ 12:7

Bɛa biikoo li, giĩ mɛn lɛ goã golee-n tà mu lɛ lalan, ka mɔnaa gole ná a ganaa, bɛ nə́ n gusin a gɔn laanka a gɔsɛ a gɔn dia lon, Lawa mɛn bɛ́ a tan yǎa duduu, á n liɛ ka bɛ tɔ nɛ: Siin kɛn lɛn manə ǹ tan, yǎa lɛ̀ sɔɔ ka talɛɛ. Bɛ̀ Lawa a minin lɛn pàã nya lenlen ǹ mɛn waáraa, bɛa siin lɛn tumaa á re nyɛɛ.

Danayeli sɛ́wɔ 2:47

Á tɔ́n boo da Danayeli ni á pɛ nɛ: – N bɛ́ n boo la n sii-durii kɛ nyaa masɛ nɛ, taãnɛ sonbore! Kaa Lawa lɛ n lawan Lawa lɛa, kiin Dɛnaa lɛa, sii duriin nyaali lɛa.

Danayeli sɛ́wɔ 5:19

A golebaa mɛn lɛ kɔ la, bɛ lɛ na á toa, tɔrɔn tumaa laanka gánan tumaa a minin gɔ̀nɔn nə́ goã bìn diɛ a nyɛɛnɛ, ka bɔlɔ tumaa a pɛlen ne. Bɛ̀ a tá li a min mɛn dɛ, a n bɛ dii, bɛ̀ a tá li a min mɛn yii toa koo, a n bɛ yii toɛ koo. Bɛ̀ a tá li a min mɛn saa lon, a n bɛ siɛ lon, bɛ̀ a tá li a min mɛn gisĩ, a n bɛ gisĩ.

Danayeli sɛ́wɔ 5:20

Sɛnɛ, n di lɛ bɛ́ á piɛ̃ dɔ a din ni, á n too kaka kɔ yǎa á woo kaa din-koa lɛ, ǹ nə́ bɔ ǹ nə́ bɔ a kiibaa la, ǹ ná a gugurubaa kɛ si la.

Danayeli sɛ́wɔ 7:8

Ma bɛ́ giɛ a bɛnɛn lɛn ganaa, má yɛ bɛ̀ bɛn boɛɛn goon nə́ ke á bɔ ǹ bii, á bɛn bibinaan kɛn màn sɔɔ woɛ̃. Yii nànan man nə́ goã bɛa bɛn boɛɛn lɛ ganaa ka minbuiin nɛ yii nànan bɛ́ lɔn. Lɛ dɔ́ goã a ganaa, á goã din gole kɔ ǹ boon didiɛ nɛ.

Danayeli sɛ́wɔ 8:19

Bɛ kio, á tɔ́n pɛ ma nɛ: «Sii mɛn bɛ́ re n zɛnɛɛ Lawa a foo-yoo kɛ taman yii, masɛ n die bɛ pii n ni. A giala, biikoo nə́ n koa giala-nyɔmiɛ̃ biikoo lɛa.

Danayeli sɛ́wɔ 8:4

Má sère gɔ̀lɔ̀ lɛ yɛ zia biɛ lɛ̀nyɛɛn ganaa, gɔsɛ a lɛ̀gɔn la nɛ ka gusin a lɛ̀gɔn la nɛ. Tɔɔ kɔn goã boe la á n golee a nyɛɛn wa, la n bǎã ba min kɔn lon wa. A na á goã sii zɛnɛɛ a din dùũ li miɛ̃, màn nə́ miɛ̃ a pàã li woe.

Zakarii 11:16

A giala, man die tɔɔ-lɛduə̃li kɔsɔ diɛ gána lɛ nɛ: Sèren mɛnɛn bɛ́ ǹ banban, a re n taasɛ bɛn nɛ wa, ǹ mɛnɛn nə papaã, a re giɛ bɛn li wa, ǹ mɛnɛn bɛ́ busulən lɛa, a re giɛ bɛn walan wa, ǹ mɛnɛn bɛ́ kakabaa la, a re màn kɔn koe bɛn la wa. Sɛnɛ, n mɛnɛn bɛ́ kasiɛ̃ nɛ ǹ bii, a n die bɛn soɛ̃, a ǹ gòon tɔnɔn wɔwoɛ̃.»

Zaã a sɛ́wɔ 5:30

Maa boe la ma sii kɔ́n zɛnaa ma din ganaa wa. Lawa bɛ́ màn mɛn pii ma nɛ, man kiri kuri á kɔnpii ka bɛ lɛ nɛ. Maa kiri wɔ ǹ gɔn lɛ á pepere, a giala, ma bie giɛ ma din foo sii li wa, min mɛn bɛ́ á ma dia, man giɛ bɛ lɛ foo sii li.

Zaã a sɛ́wɔ 6:38

A giala, ma bie má n toa lon má gisĩ ma din foo sii zɛnaa a lɛa wa, min mɛn bɛ́ á ma dia, man má daa bɛ lɛ foo sii zɛnaa.

Nya ǹ dín 4:28

Lawa din saa lɛlɛ, á siin mɛnɛn taasɛ, á ǹ yɔrɔ bɔ á ǹ koa, minin lɛn man nə́ bɛn lɛ pã ǹ siin dininsɔɔ̃nɔn zɛnaa.

Timəə dí-pɛn 10:17

Taãn nɛ, kaa Lawa, Dɛnaa Lawa lɛ n lawan Lawa lɛa, dɛnaan Dɛnaa lɛa, Lawa gole ne, pàã ná a lon, a sii n nyɛ́ɛ diɛ. A bɔn bii-a we wa, a lɛ pii ǹ màn sii min la wa.

Tesaloniki2 2:3

Ka nyan toa min kɔ́n ka yiri sã ka yɔrɔ kɔ́n nɛ wa. A giala, bɛ laan bɛ̀ a n zɛnaa, yǎa piã ka golee Lawa li-n nə we bɔrɔ, Lawa a Zɔ́ɔ babaraa kɛ dɔ nə n din nyɛɛ, asɛ mɛn doamaa bɛ́ nɛ a bɔ̀n baa.

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Tesaloniki2 2:8

Bɛa biikoo li, Lawa a Zɔ́ɔ lɛ á die n din nyɛɛ, sɛnɛ, bɛ̀ Dɛnaa Yezu soo lɔn gɔrɔ, a n die a din lɛ dii a yɔyɔrɛ ka a lɛ gɔ́ɔ̃ ǹ piɛ̃ nɛ, a toa a papaã duduu ka a din a gugurubaa kɛ a daa nɛ.

Zozoe 22:22

– Dɛnaa Lawa n lawan Lawa lɛa. Wɔsɛn nə sii mɛn zɛnaa ke, màn mɛn nə wɔsɛn da a ganaa, Dɛnaa Lawa, lawan Lawa lɛ á doɛ̃. Izirayeli minin lɛn tumaa dɔ á re doɛ̃. Bɛ̀ á daa yaa sonbore wɔsɛn nə́ n piã ka Dɛnaa Lawa nɛ, wɔ sii babaraa la la, a nyan toa pelo a lɛawaa kɛ kiɛ̃ wɔsɛn la wa.

Sii-nyaan 10:7

Sɛnɛ, bɛ̀ lon a dia dí-a wole sɔbaabaa ǹ wɔ ná a bɛn kɛ pɛ pin mɛn-a, ka bɛ nɛ, Lawa bɛ́ a ná a sii-duriin yɔrɔ bɔ, á kɔ a boo gii-dalin la, mà ǹ pɛ lɔn, bɛa biikoo lɛ na á dɔ.»

Sii-nyaan 12:14

Sɛnɛ, ǹ nə́ giogialatã-a gole kɛ nyàan kɔ lɔ lɛ la, mà a yoo a wo a giã ǹ bǎã lɛ-n don gɔ́ɔ̃ nɛ, maǹ die toe walan, yǎa lɛ̀ sɔɔ ka talɛɛ, a wɔlɔ á re sɔsɔɔ koe miɛ̃ kɛ ganaa.

Sii-nyaan 13:1

Bɛ lɛ ganaa, má tɔ́n Tɔɔ goon yɛ soe yìsi mu gole lɛ li. A bɛn nə fù, a mìi n sɔbaa. Kiibaa ǹ bafolo n we ne a bɛn gogoonmaa tumaa ganaa, sɔ kɔ Lawa ganaa ǹ boo n kiɛ̃ nɛ a mìi gogoonmaa tumaa ganaa.

Sii-nyaan 17:17

A giala Lawa na á taasiɛ goon wɔ ǹ foo ne, mà ǹ nə n pàã tumaa kaa kun ǹ dí nya tɔ kɛ nɛ, yǎa Lawa a boo-diɛn lɛn tumaa lɛ piɛ̃.

Sii-nyaan 17:3

Lawa a Yiri Fu taasiɛ da ma ganaa, má yɛ, lon a dia dí-a wole ma saa á woo ma nɛ don bii. Má lɔ goon yɛ á giã Tɔɔ goon la, Tɔɔ lɛ n tã, a gɔ̀nɔn tumaa kiɛ̃maa-n ka sɔ kɔ Lawa ganaa ǹ boo ne. A mìi n sɔbaa, a bɛn nə fù.