Danayeli sɛ́wɔ 11:34 - LAWA A BOO SONBORE 2011

³⁴ Ǹ bɛ́ re bɛa fuu kɛ lɛ yii ǹ mɛn waáraa, min gigiã a re yii a n dɔ ǹ lɛ wa. A giala, zaman gigiã n die kiɛ kunun ǹ ni, sii kɔsɔ nə́ ǹ gɔ́ɔ̃ nɛ.

Danayeli sɛ́wɔ 11:34 ပူးပေါင်းရင်းမြစ်များ

Danayeli sɛ́wɔ 11:21

Min gɛsɛ goon tá re giɛ̃ a bǎã nɛ, min dɔ ná a bie á kiibaa lɛ kɔ la wa. A n die die là nyantoro biikoo li, a n paraa kiibaa lɛ ganaa, ka min bebele ǹ boon ne.

Danayeli sɛ́wɔ 11:32

Min mɛnɛn bɛ́ ǹ ba koe lɛ kɔ kɔn la lɛ a boo lɛ lɛ wa, kii lɛ á re bɛn bebele ka boo kɔɔ̃n nɛ, a ǹ kaa piã ganaa. Sɛnɛ, min mɛnɛn bɛ́ Lawa doɛ̃, bɛn manə ǹ sii zɛnɛɛ ǹ foo n tã a gɔ́ɔ̃ nɛ.

Matiə 7:15

Min mɛnɛn bɛ́ Lawa a boo gii-dali soɛ-bɔlen lɛa, ka n parabaa bɛn nɛ. Maǹ die ka li basiɛ̃-n ka sèren bɛ́ lɔn, a da yaa ǹ gɔ́ɔ̃ kɛ n baraa ka don gin basaã-kɔlen manɛ.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Galaasi minin 2:4

A laan wɔ dɔɔ̃n gɔ́ɔ̃ tìtì-an nə́ n lɔlɔkɔn ka wɔ nɛ, ǹ nə́ zɔɔ̃ mà yǎa ǹsɛn nə kuri. Wɔa tá wɔ dinin gɔn wìi a lɛa mɛn bɛ́ boe Yezu *Krita li ke, bɛa minin kɛn lɛn man nə́ wɔ wɔ bii, ǹ nə́ giɛ bɛ giala li, maǹ giɛ li ǹ bɛ giala dɔ̃. Maǹ giɛ li mà ǹ wɔ bɔyaa ǹ wɔ baa Landa a bɛ̀rɛn lɛa doo.

Timote2 4:3

A giala, biikoo kɔ́n tá re die, minin tɛnɛn ba re lɛ koe, ǹ nə n too kɔ daraa ǹ boo sonbore kɛ ganaa doo wa. Sɛnɛ, ǹ tá re n siɛ ǹ dinin foo sii baraa li, ǹ minin-daraali gigiã lɛ sɔkɔn ǹ dinin li. Boo mɛn bɛ́ kɔɔ̃nɛ ǹ dinin too ne, bɛn tá re bɛ pii ǹ ni.

Tiitii 1:11

N doa n nə ǹ lɛ tã. A giala, mà ǹ tá sumu tumun lɔlɛkɔn, ka ǹ daraan nɛ, ǹ ga wɔrɔ li ǹ gɔn kɔkɔrɔ kɛ a lɛa.

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.

Zaã1 4:5

Ǹsɛn man boo diɛ kanaa wɔ gɔn la, kanaa nə n too koe ǹ lon, a giala, maǹ kanaa din wɔn lɛa.

Zaã2 1:7

Soɛ-bɔle gigiã nə́ n da kanaa la. Maǹ nə́ n piɛ̃ ǹ ba golee li, mà Yezu Krita daa minbuiin nɛ taãn lɛa wa. Min mɛn bɛ́ zɛnɛɛ miɛ̃, bɛ lɛ n soɛ-bɔle lɛ lɛa, Krita a Zɔ́ɔ dɔ nɛ.

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.

Sii-nyaan 12:13

Tɔɔ babaraa piɛ̃ wole lɛ bɛ́ á dɔ̃ mà maǹ ná asɛ zũ tán, a na á kiɛ̃ gɔrɔ, a n lɔ nɛgiĩ-yɛle kɛ kialan lui.

Sii-nyaan 2:20

Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.