Danayeli sɛ́wɔ 11:30 - LAWA A BOO SONBORE 2011

³⁰ Lɛ̀nyɛɛndɛnan kɛn tá re kiɛ mu la ǹ goon ne ǹ da a gialaa. A gù á re giɛ̃, a wusoo a wo piɛ. Lawa lɛ kɔ kɔn la wɔ ka tɔrɔ mɛn lɛ a minin ni, a foo á re yui a wusoo a n bɔyaa a da bɛn gialaa. Min mɛnɛn bɛ́ bɛa lɛ kɔ kɔn la sonbore kɛ lɛ ziziɛ̃, a dɔ n die kɔn wɔ miɛ̃ ka bɛn nɛ.

Danayeli sɛ́wɔ 11:30 ပူးပေါင်းရင်းမြစ်များ

Siin Giala 10:4

Yavan a nɛnyaanan man ka Eliizaa nɛ ka Tarsisi ni, ka Kitimu laanka Rodanimu ni.

KZS1 1:7

Yavan a nɛnyaanan man ka Eliizaa nɛ, Tarsisi ni, ka Kitimu laanka Rodanimu ni.

Nehemii 6:12

Sonbore, má dɔ̃ máa Lawa bie á kɛ dia wa. Sɛnɛ, Sanbalaa laanka Tobiya nɛ, bɛn maǹ ná a lɛ pii ǹ nə́ dia die ǹ boo gii diɛ ma nɛ.

Izayii 23:1

Tiiri a boo gii. Kasɛn, bǎã sɔsɔɔ zii tɔ wɔ mu la ǹ goon, ka wuu pɛ. Tiiri kiwi kɛ ziziɛ̃. Kion banban doo wa. Kiɛnlɛ banban wa. Bɛ̀ n dɔ Siipri gána nɛ, man bɛa kibərə lɛ miɛ.

Izayii 23:12

Dɛnaa Lawa n kɛ pii: «Sidɔn a zaman, ka a re boe la ka kaa zɔ́nɔn zɛnaa doo wa. Ma nə n kɔnbɔ ka nɛlɔ ten mɛn bɛ́ ǹ nə́ kũ ka pàã nɛ. A giala, ta ń yìsi mu la bɔ ń woo yǎa Siipri, n ba re susui yii walan dɔ din ni wa.

Zeremii 2:10

Ka wo bǎã sɔsɔɔ kɛ nɛ Grɛki, ka ga a ganaa, ka wo Kebaaraa Larabun kɛn li, ka nɔ̀n da. Ka á re yii, mà sii kɛ miã bin nə n zɛnaa wa.

Ezekieli 27:6

N mu baa ǹ lasan kɛn, maǹ nə́ bɛn zɛnaa ka Basan da gɔn nɛ. N giã ǹ bǎã ke, maǹ nə́ bɛ zɛnaa ka Kitimun siprɛsi da kɛa gɔn nɛ ǹ na a nyan kɔ ka don a díi sɔn nɛ.

Danayeli sɛ́wɔ 11:28

Gɔsɛ a lɛ̀gɔn la a kii lɛ á re wusii a wo a gána nɛ, ka gɔn màn gigiã nɛ. Lawa lɛ kɔ kɔn la ka tɔrɔ mɛn lɛ a minin ni, bɛ̀ á woe, sii babaraa mɛn bɛ́ a gɔ́ɔ̃ nɛ bɛn wɔ paǹ li, á re bɛ zɛnɛɛ a tɔn kiɛ̃.

Danayeli sɛ́wɔ 11:29

Biikoo mɛn nə n pɛ, bɛ̀ bɛ́ dɔ, gɔsɛ a lɛ̀gɔn la a kii lɛ á re wusii a n bɔyaa, a da gusin a lɛ̀gɔn la a gána lɛ gialaa. Sɛnɛ, bɛ bie re n biɛ ka bibinaa wɔ kɛ bɛ́ lɔn wa.

Danayeli sɛ́wɔ 7:25

Á re boo diɛ lon a Lawa gole kɛ ganaa, a bɔ a minin kɛn yii ni. Á re giɛ li dinin a dí-pɛn laanka zɔ́nɔn biikoon bɔyaa. Lawa a minin lɛn tá re goɛ̃ a gɔn yǎa lɛ̀ sɔɔ ka talɛɛ.

Minin nimi 24:24

Mu la ǹ goon nə́ ke boe Siipri gána li, maǹ die boe Asiirii gána minin yii ni, ǹ bɔ Ebɛɛrɛ tɔrɔn dɔn dinin yii ni. Sɛnɛ ǹ dinin dɔn tá re bɔ̀n biɛ.

Matiə 24:10

Bɛa biikoo li, min gigiã á re golee Lawa li toɛ walan. Ka dinin tá re kɔn biɛ zɔ́ɔ, ka kɔn kaa kanaa.

Sii-nyaan 12:12

Bɛ lɛ a lɛa, kasɛn mɛnɛn bɛ́ lon, kaa bǎã ná a nɛ, ka n nyɛnyaa! Sɛnɛ, tán nɛ ka yìsi mu gole ne, bɔ̀n kasɛn yɛ! A giala Sɛtaan gisĩ ka li. A n doɛ̃ mà biikoo bǐɛ̃ ba a gɔn doo wa, a foo n yoo-n parsiini.»