Danayeli sɛ́wɔ 11:27 - LAWA A BOO SONBORE 2011

²⁷ Kii min paa lɛ gɔ́ɔ̃ piɛ̃maa-n ka baraabaa nɛ. Maǹ die soɛn dininsɔɔ̃nɔn boboe kɔn nɛ kɔn-yɛ ǹ bǎã nɛ. Sɛnɛ bɛa re yɔrɔ yii wa. A giala, biikoo mɛn nə n koa sii lɛ a nya ǹ wɔ lɛa, bɛ tɔn dɔ wa.

Danayeli sɛ́wɔ 11:27 ပူးပေါင်းရင်းမြစ်များ

Samayeli2 13:26

Abusalɔn tɔ́n pɛ: «Bɛ̀ n din ba re doe wa, lɛ sɛ kɔ ma dɔɔ̃ngiĩ Amnɔn wo wɔ da zii.» Kii tɔ́n pɛ nɛ: «A woo mìi n ka wàa nɛ?»

Loen 12:2

N dɔ ma lɛ, Dɛnaa Lawa! Min sonbore din banban doo wa. Foo doama a wole din ba minbuiinin bii doo wa.

Loen 52:1

Loe-saalin goledɛnaa loe mɛn lɔ. Davida a loe.

Loen 58:2

Min golen lɛn, ka á boo diɛ ka peperebaa-n ya? Haayii, bɛ̀ ka á kiri we minin ganaa, peperebaa ba a-n wa.

Loen 62:9

Ma tɔrɔn lɛn, ka n foo doa Lawa ganaa yǎa duduu. Sii mɛn bɛ́ guguru ka ganaa, ka bɛ toa a gɔn, Lawa n wɔsɛn duru ǹ bǎã lɛa. Doa

Loen 64:6

Ǹ dinin man kɔn foo taɛ̃, bɛa sii baraa zɛnaan kɛn lɛn gɔ́ɔ̃ nɛ. Ǹ bɛ́ re gɔn diɛ minin ganaa lɔn ka durii ni, maǹ bɛ boo diɛ kɛnɛn: Die n die boe bɛ siére-a?

Suusun 12:20

Baraa-zɛnaalin foo n piɛ̃ nɛ ka soɛ nɛ. Sɛnɛ, min mɛnɛn bɛ́ doroo sonbore koe, foo kɔɔ̃n nə bɛn wɔ lɛa.

Suusun 19:21

Minbuiinin man sii gigiã taasɛ ǹ yiri ni, sɛnɛ, Dɛnaa Lawa foo sii nə n zɛnɛɛ.

Suusun 26:23

Lɛ gɔ́ɔ̃ ǹ boo paparɛ laanka gɔ́ɔ̃ tì, bɛ n goon ka wɔrɔ gɔgɔrɛ nɛ, ǹ nə́ kaa tàan la.

Ezekieli 17:9

A pɛ mà masɛ Dɛnaa Lawa gole n kɛ pii: Rezɛ̃ da lɛ á re bǐɛ̃ koe sonbore? Giogialatã-a bibinaa lɛ á re a gòonən lɛn woɛ̃, á re toɛ a nɛ bɛbɛnɛ, a laa. A gùrù diin mɛnɛn tumaa nə n woɛ̃, bɛn tá re laɛ. A woɛ̃ din bie sii kaka lɛa wa, a bie min gigiã sii dɔ lɛa wa!

Danayeli sɛ́wɔ 10:1

Pɛrɛsin kii Siirusu a kiibaa lɛ̀ sɔɔbaa ǹ wɔ li, Danayeli mɛn bɛ́ ǹ tá bíi Bɛlsazaara, sii kɔn nə́ n nyaa bɛ nɛ. Bɛa sii lɛ n taãn lɛa a n boo diɛ nɔmaa dadaran wɔ paǹ li. Danayeli nə́ n taasɛ bɛa sii lɛ ganaa, a ná a giala ma sii-nya barka nɛ.

Danayeli sɛ́wɔ 11:28

Gɔsɛ a lɛ̀gɔn la a kii lɛ á re wusii a wo a gána nɛ, ka gɔn màn gigiã nɛ. Lawa lɛ kɔ kɔn la ka tɔrɔ mɛn lɛ a minin ni, bɛ̀ á woe, sii babaraa mɛn bɛ́ a gɔ́ɔ̃ nɛ bɛn wɔ paǹ li, á re bɛ zɛnɛɛ a tɔn kiɛ̃.

Danayeli sɛ́wɔ 11:29

Biikoo mɛn nə n pɛ, bɛ̀ bɛ́ dɔ, gɔsɛ a lɛ̀gɔn la a kii lɛ á re wusii a n bɔyaa, a da gusin a lɛ̀gɔn la a gána lɛ gialaa. Sɛnɛ, bɛ bie re n biɛ ka bibinaa wɔ kɛ bɛ́ lɔn wa.

Danayeli sɛ́wɔ 11:35

Min gigiã tá re giɛ̃ sii-dɔ̃lin lɛn bii. Bɛn gɛ̀ n die toɛ zaman lɛ na a sii tele, *gɔ̀ ná a ba ǹ ganaa wa, ǹ nə́ yoreen ne, yǎa biikoo giala-nyɔmiɛ̃ kɛ doe. A giala, mà biikoo mɛn nə n pɛ, yǎa bɛ doe.

Danayeli sɛ́wɔ 11:40

Biikoo giala-nyɔmiɛ̃ waáraa, gusin a lɛ̀gɔn la a kii kɛ á re n yɔrɔ diɛ la ka zia nɛ. Sɛnɛ, gɔsɛ a lɛ̀gɔn la a kii kɛ á re die a gialaa ka ziabaa ǹ wotoron ne, sùidɛnan nɛ, ka mu la ǹ goo damata nɛ. Á re we gánan nɛ ka mu gole bɛ́ lɔn, a basaã kɔ ǹ nɛ a kiɛ̃.

Danayeli sɛ́wɔ 8:17

Ma din goã golee-n bǎã mɛn nɛ, Gabarayeli nə́ n zɔ̃ á dɔ walan. A bɛ́ á dɔ ma li, nyɛ́ɛ ma kũ, má bɔ má mɛnaa tán ma lɛ la. Á tɔ́n pɛ ma nɛ: «Minbuiin a nɛ, toa n narɛɛ kɛ lɛ giala ma koe! N sii mɛn lɛ yɛ, a n boo diɛ biikoo giala nyɔmiɛ̃ wɔ paǹ li.»

Danayeli sɛ́wɔ 8:19

Bɛ kio, á tɔ́n pɛ ma nɛ: «Sii mɛn bɛ́ re n zɛnɛɛ Lawa a foo-yoo kɛ taman yii, masɛ n die bɛ pii n ni. A giala, biikoo nə́ n koa giala-nyɔmiɛ̃ biikoo lɛa.

Abakuku 2:3

Siin kɛn ma á ǹ nyɛɛ, ǹ tá re yɔrɔ yii. Sɛnɛ, yǎa ǹ biikoo doe. Kànaa ka boɛɛnɛ, ǹ tá re yɔrɔ yii. Soɛ bie wa. Haalɛ ta a biikoo n sɔsɔɔ, n yii da n foo n doa nɛ. Ma boo mɛn pɛ, á re yɔrɔ yii a biikoo li, sàabaa ba la wa.

Nya ǹ dín 1:7

Á pɛ ǹ nɛ: «Maa Díi bɛ́ á biikoon mɛnɛn koa ka a din pàã nɛ, ka doamaa bie ka bɛn dɔ̃ wa.

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Tesaloniki1 5:1

Dɔɔ̃nɔn lɛn, siin lɛn bɛ́ re n zɛnɛɛ ǹ mɛn waáraa, ka laadoo ba a ganaa min sɛ́wɔ dia ka la a na a biikoo pɛ ka-n wa.